Ester 9:14 - Kaxinawá Bíblia (BR)

¹⁴ haska Esterĩ ana yuishu shanẽ ibuhairatũ habias hatu yunua hawẽ yunuti hãtxa bena Susã anushũ hatu banabimabaunabu Hamãnẽ 10 huni bakebu tenãshinabu hatũ yura dũtanibukiaki.

Ester 9:14 Referencias Cruzadas

Esdras 7:13

Hanu ẽ mai pakea anua ẽ hatu yunubaunai anu Israelĩ enabu dasibi hiwebaunabu Jerusalém anu mibe bukatsi ikaibu butirubuki. Israelĩ enabu Deusbe hãtxashunikabu inũ Levĩ enaburi buriatirubuki.

Ester 7:10

Mardoqueu teneshnũ ishũ hatu yunua ashiãbu anu Hamã teneshabu haska waibu unãtã shanẽ ibuhaira sinatahairabiai maĩtã,

Ester 9:13

kemakĩ Esterĩ yuikĩ: —Haska pe mĩ shinaĩ hawẽ yunuti hãtxa txibãkĩ habias akãshu keska meshukiri Susã anushũ habias watirubu mĩ ea hatu yunushũtiruki. Ha inũ, dasibibũ hau uĩkubainũbũ hanu teneshtirubu anu Hamãnẽ 10 huni bakebũ yura hatu dũtãbaĩbainũbũ mĩ ea hatu amashũtiruki— aka

Ester 9:15

Ushe Arartiã inũ 14 shabatiã Susã anu hiweabu Judeu nawabu ana itxashũ ana 300 hunibu tenãtã hakia hatũ mabu hawa meabuma inibukiaki.

Provérbios 12:7

Huni txakabubũ kanekubaini hawẽ hiwea beshtekei mawamisbuki. Hakia pepabu hatũ hiwearã, unanuma hiweyukubaĩmisbuki.

Números 24:20

Amaleque nawabũ maekiri uĩkĩ haska ishanaibu hatukiri Balaão huiwẽ nawakĩ: “Amaleque enabũ shukubauna kushipahaira hatu binukĩ keyubiabũ Israelĩ enabũ hawaira hatu dasibi yamawakĩ keyushãkanikiki, betsa teshe heneamarã

Gálatas 3:13

Deusũ hawẽ yunuti inũ hawẽ nemati yunukinã, hawẽ yupukunãkatsi aniki. Hatũ nukũ txakabuwẽ nuku yupubiaya Cristõ nuku meshpamanũ ika nukũ txakabu kupiti bi nuku mawashuniki. Haskai kaikiri bebũkiri Moisés yuikĩ: “Tsuara hatũ txakabuwẽ taeshũ tenãkĩ hiki netãbu mawaya Deus hawẽ nuiama yupumiski”, iniki.