Senhor Deusũ ana hatu yuikĩ: “Jacó enabu dasibi mã Israelbu habu matu deteama teshe wanibuũ, ea nĩkakãwẽ. Eanã, mã kaĩriama matũ ibube mekeshũ ẽ matu nimakubaĩmiski. Ẽ matu ikushũ iyuwawamiski.
Amós 3:1 - Kaxinawá Bíblia (BR) Matũ shenipabu Egito anua Senhor Deusũ hatu tashnimabiranishũ mã Israelbu matu yuiairã, nĩkakãwẽ: |
Senhor Deusũ ana hatu yuikĩ: “Jacó enabu dasibi mã Israelbu habu matu deteama teshe wanibuũ, ea nĩkakãwẽ. Eanã, mã kaĩriama matũ ibube mekeshũ ẽ matu nimakubaĩmiski. Ẽ matu ikushũ iyuwawamiski.
Mã Samaria anua aĩbuaibu hawẽruabu mã Basã anu ina awa yushã shuarãwã keskabuũ, ea nĩkakãwẽ. Nuitapabiaibu hatu bika tenemakĩ hawa hayamabiabũ mã hatu itxakawakubaĩmisbuki. Hanushũ paenũ ishũ matũ benebũ hau uva vinho matu bishũtanũbũ mã hatu yunukubaĩmisbuki.
Israelĩ enabuũ, ea Amós ẽ hãtxai ea nĩkakãwẽ. Matuwẽ taea nui matukiri habuai ẽ kashai ea nĩkakãwẽ:
Mã haska hatu wamisbuwẽ taeshũ Senhor Deusũ matu yuikĩ: “Matũ besti mã hatu itxakawamaki. Eari matuki tana ẽ yubaka hayaki. Matu anuri txakabu ẽ yunushanai hani pashama hawẽ huĩsinai peti mã hawa binuama ishanaii. Hakia ma dasibi txakabu bika tenemati hukẽ ana keĩ hawẽruai mã bai tanai mapuama ishãkanaii.
Israelĩ enabu shanẽ ibubu inũ yununikabuũ, natiã ea nĩkakãwẽ. Yunuti kushipa peparã, matunamakẽ mã unãkatsi ikamamẽ?
Mã pabĩkiyabunã, Yushĩ Pepatũ ha mã itxamisbu matu yuiai nĩkakãwẽ’ ”, ea washu ẽ matu keneshunaii.