Miquéias 2:3 - Kaxinawá Bíblia (BR)

³ Mã haska hatu wamisbuwẽ taeshũ Senhor Deusũ matu yuikĩ: “Matũ besti mã hatu itxakawamaki. Eari matuki tana ẽ yubaka hayaki. Matu anuri txakabu ẽ yunushanai hani pashama hawẽ huĩsinai peti mã hawa binuama ishanaii. Hakia ma dasibi txakabu bika tenemati hukẽ ana keĩ hawẽruai mã bai tanai mapuama ishãkanaii.

Miquéias 2:3 Referencias Cruzadas

Jeremias 18:11

Jeremiasĩ, Judá mai pakea anu hiwebaunabu inũ Jerusalém anu hiweabu na hãtxa ea hatu yuishũtãwẽ, Senhor Deusũ eska matu yuikiki, akinã. ‘Mã hiwe txakamiswẽ taeshũ matu kupikatsi iki ẽ matukiri yubakaii. Mã hiwe txakakũkainai henetã haska mã amis inũ haska mã hiwemis henei beshtekerikãwẽ, shinã betsa wairã’, akĩ mĩ ea hatu yuishũbia

Jeremias 36:23

Jeudĩ hatu yuishũkubaĩkĩ 3 pakea kasmai 4 pakea yui keyuaya Jeoaquimnẽ hawẽ nupewẽ meshteshũ txi anu napua menuaya Jeudĩ ana yuishũkubaina habiaskas wakĩ nupewẽ ana meshteshũ txi anu napukĩ menukubaĩkĩ Jeremiasĩ hãtxa una sebi atimas Jeoaquimnẽ menukĩ yamawakĩ keyuaya

Daniel 4:37

Ibubis kẽkubainaibu hatu nese wakĩ pepa wamis inũ txanima akubaĩmiswẽ taeshũ nai anu shanẽ ibu Deus duawakĩ hawẽ hãtxa nĩkakĩ ea ẽ Nabucodonosorĩ pepawakĩ shabakabi ẽ kẽwãkubainaii”, hatu wani unanuma hiwekũkaini mawanikiaki.

Amós 2:14

Hakia kushitxakayamabiakaĩmis haskatã binubaĩ pashatirubuma ishãkanikiki. Matũ detenamenika kushipahairabiabu hatũ kushipa benui babushãkanikiki. Mẽtsisipabiamis haskatã ibubis meketiruma ishãkanikiki.

Amós 3:1

Matũ shenipabu Egito anua Senhor Deusũ hatu tashnimabiranishũ mã Israelbu matu yuiairã, nĩkakãwẽ:

Amós 3:2

“Mai hirabi anu nawa shukuabu tibi hiwebiabaunabũ habukiri shinãma matu besti katukĩ enabu ẽ matu waniwẽ taeshũ txakabu betsa betsapa mã akubaĩmisbuwẽ taeshũ ha shinãkĩ ẽ matu kupishanaii”, akĩ matu yuikiki.

Amós 5:13

Mã txakabu wabiakubaĩmisbuwẽ taeshũ unanepabũ hawa matukiri yuikĩ pewashũtiruma pes shũ besti matu uĩtirubuki, matũ shinã txakabu haska washũ matu betsa wamatirubumarã.

Miquéias 2:1

Namawẽ dikabi txakabu yubakakubainaiburã, peirashãkãwã! Matũ kushipawẽ mã atirubuwẽ taea ha shaba mã akaitiã bestẽtã mã hatu txakabuwakubaĩmisbuki.

Efésios 5:16

Natiã txakabu betsa betsapa huaya menã manama matũ hiwea pewarikãwẽ.

Santiago 2:13

Deusũ nuku eska washanikiki. Matu yuinũ nĩkakãwẽ. Tsuabura nũ hatuwẽ nuisbuma Deusũri nuku unãti wai nuiama ishanikiki. Hamẽ tsuabura nũ hatuwẽ nuikubaĩmisburã, hanu kupikĩ unãti waitiã hawa nuku itxakawama hatu binumakĩ nuku pasha wakĩ binumashanikiki.