2 Coríntios 11:27 - Kaxinawá Bíblia (BR) Ha inũ, ẽ dayatxakayamakũkaĩmiski, bika betsa betsapa tenebiakubainirã. Mexu betsa tukama ẽ usha tenemiski. Ha inũ, buni tenea inũ ũpash tenea piama ẽ ikũkaĩmiski. Ha inũ, matsi tari hayama hawa dakukuti hayamari ẽ matsi tenekubaĩmiski. Kashinawa : Diosun Jesúswen taexun yuba bena yiniki Ja inun, en dayachakayamakunkainmiski, bika betsa betsapa tenebiakubainidan. Meshu betsa tukama en uxa tenemiski. Ja inun, buni tenea inun unpax tenea piama en ikunkainmiski. Ja inun, matsi tadi jayama jawa dakukuti jayamadi en matsi tenekubainmiski. |
—Ẽ shanẽ ibuũ, mibe hãtxapa?— aka —Peki. Haskaramẽkaĩ, ea yuiwe— aka Ebede-Melequẽ unãshubira yuikĩ: —Haska Jeremias ha hunibũ ashiãburã, txakabuhairaki. Ũpash aruti kini keyatapa pupus besti anu nitxĩshinabu haria buni mawaya nukũ mae ewapa anu ana misi hayamaki— aka
hanu ikũwaĩbu itxamisbu tibi anua mekenikabu hatu katutã hatube samakekĩ Deus dayuikĩ habũ Jesus ikũwaĩbu hau nukũ Shanẽ Ibu Jesusũ hatu merabewakubaĩshanũ Paulo inũ Barnabẽ kuxipa hatu yukashũkubiranibukiaki.
Haskawẽ taeshũ ano dabe inũ besti matube hiweyushũ mã kaneai tibi ẽ matu meshtamakubaĩkĩ matu yusĩkubaĩkĩ bariri inũ mexu merã matuya kashabetanã ẽ matu haska wani hakimayamakãwẽ. Eskatianã, hanũ ibubis beru mestẽwãrikãwẽ.
Haskakẽ habu dabe hãtxanamei petã matũ mabu yauxiama mã txutanametirubuki. Hanua mã Deus kẽwaĩ Deusbe mã yubakatã mã habe hãtxayukatsis ikai ana menameyuama mã itiruki. Hanua keyutã ana mã txutanametirubuki. Hamẽ mã yubakai peama shaba itxapa kaya Satanásã matu parãkĩ kanemakĩ matu txakabu watiruki, betsawẽ kemumakinã.
Ha inũ, habũ yuikĩ: “Nũ Cristõ tsumabuki”, iki Cristo dayashunaiburã, ẽ iriakũkainaii, Cristo dayashũkĩ hatũ daya binumahairairã. Mã eki hãtxai mã ea tatimawabianũ eã ẽ hatu binumiski. Ha inũ, Deusũ kakape ẽ yusĩayã itxapaki ea bitximisbuwẽ eã ẽ hatu binuhairaki. Ha inũ, hatikira ea kuxanibu tsuabũra tanatirubumawẽ taeshũ ẽ hatu binuhairaki. Ha inũ, ẽ mawakeãkũkainiwẽ ẽ hatu binuhairariaki. Ẽ haska tibi memis ẽ matuki txaniairã, earã, ẽ tatimamẽ? Ẽ tatimamaki.
Eska tibi nuku wabu meirã, nuku unãbumã nuku kuxa kuxa akinã, nuku bitxikinã, nukuki shukubirã hãtxa txakabuirã, daya kuxipa meirã, usha tenekĩ buni tenetã nũ Deus dayashũkũkaĩmiski.
Haskai hiwetirã, ma ẽ unaiĩ, nuitapai hiweti inũ, nuitapama piti itxapaya hiweti inũ, hamapai bika betsa betsapa mei benimai inũ, buni tenei inũ, hanu piti itxapa hayakẽ nũ teshewai inũ hawa hayamakẽ ẽ nuitapairã, haska ẽ beyakũkainaii, hawawẽ nui kemuamarã.
Ẽ betsabu inũ ẽ puibuũ, Deusũ kakape matu yusĩ kashũ matũ piti pikĩ matu bika wakĩ nũ matu txikix wakatsi ikama bariri inũ mexu merã dayahairai yumãkĩ nukũ dayawẽ taeshũ nukũ piti nũ bikubainima mã unaiĩ.
Ha inũ, betsarã, Deus ikũwaĩwẽ taeshũ betsabu mãkãwẽ hatu tsaka tsaka akĩ hatu tenãpakeaibũ betsabu hawẽ hi nisatiwẽ hatu meshtekĩ nisanibukiaki. Deus hatu danãmakatsi ikĩ hamapai xarabu bika hatu tenemakĩ hatũ nupe txaipawẽ betsabu hatu detekĩ tenaĩbũ betsabu itxakawakĩ hatu nuitapawabu pashai hamakiri kakĩ txashuwã bitxi tari besti sawea yumãhairakubainibukiaki,