Hechos 14:23 - Kaxinawá Bíblia (BR)

²³ hanu ikũwaĩbu itxamisbu tibi anua mekenikabu hatu katutã hatube samakekĩ Deus dayuikĩ habũ Jesus ikũwaĩbu hau nukũ Shanẽ Ibu Jesusũ hatu merabewakubaĩshanũ Paulo inũ Barnabẽ kuxipa hatu yukashũkubiranibukiaki.

Kashinawa : Diosun Jesúswen taexun yuba bena yiniki

²³ janu ikunwainbu ichamisbu tibi anua mekenikabu jatu katutan jatube samakekin Dios dayuikin jabun Jesús ikunwainbu jau nukun Xanen Ibu Jesúsun jatu medabewakubainxanun Pablo inun Bernabén kushipa jatu yukaxunkubidanibukiaki.

Hechos 14:23 Referencias Cruzadas

Lucas 23:46

hanua Jesus bis ikĩ yuikĩ: —Epaã, mia anu ẽ yushĩ ẽ nitxiaĩ ea mekewe— akĩ haska yuitã mawaya

Hechos 1:22

Joãonẽ Jesus naximai uĩtã ikũwãbiranibu inũ nai anu Jesus inai habũ uĩxinabu hau habu betsa nukuki dasitã hari hau haska Jesus mawa bestẽkainima hau nukube hakiri txanikũkaĩshanũ betsa katunãkãwẽ— Pedrõ hatu watã

Hechos 1:24

habũ eska Deus hatu yukashũkĩ: —Shanẽ Ibu Deusuũ, dasibibũ xinã mĩ unaĩwẽ taeshũ na huni dabe pepa haratura mĩ katuai nuku uĩmawe,

Hechos 11:30

Judéia anushũ ikũwaĩbu mekenikabu hau pei hatu habũ inãtanũbũ Antioquia anushũ ikũwaĩbũ Barnabé inũ Saulo katutã yununibukiaki.

Hechos 14:26

hanua Antioquia anushũ hau yusĩtanũbũ Deus hatuwẽ nuiai anu hari hatu yunuimabu anu bukubaũkĩ Jesuskiri hatu yusĩkubaũtani menebirani hanua niwe shashuki nanetã Antioquia anu txĩtũbirani

Hechos 15:23

hatu bumakatsi hatu keneshũkĩ: “Nũ Jesusũ kuxipayabu inũ mekenikabu nũ matubetã ikũwaĩbunã, nũ matu kene bumai uĩkĩ nĩkashãkãwẽ. Judeubuma mã Antioquia mae ewapanu hiweabu inũ, Síria inũ, Cilícia mai pakea anu hiweabũ nukubetã Jesus mã ikũwaĩbu nũ matu xinaiĩ.

Hechos 15:4

hanua Paulo inũ Barnabé inũ hatube buaibu Jerusalém anu hikiabu Jesusũ kuxipayabu inũ, mekenikabu inũ, dasibi Jesus ikũwaĩbu betsabũ hatu i pewatã hatube itxabu Deusũ hatu merabewaya judeubuma Jesuskiri hatu yusĩayã habũri ikũwãkubaĩxinabukiri Paulo inũ Barnabébe hatuki txaniaibũ

Hechos 15:6

haskai nĩkatã ha beyakiri hatu husimapaiabu ha unãnepabu Jesusũ kuxipayabu inũ mekenikabu besti pewanũ ika ana itxatã

Hechos 20:17

Éfeso anua ikũwaĩbu mekenikabu hau Mileto anu bea hau habe hãtxai benũbũ Paulõ hawẽ hãtxa hatu keneshũ bumakẽ

Hechos 20:32

—Ẽ betsabu inũ ẽ puibuũ, ẽ matu hãtxa wai ma hatishũ ẽ matu keyuai nĩkakãwẽ. Natiã Deus ẽ matu yukashunaii. Hawẽ hãtxa pepa nuimis mã unãyã haska dasibi yubakani Deus matuwẽ dayakĩ hawẽ kuxipawẽ matu amashanikiki, mã hawenabu meribi ewai unãnepanũbunã— itã

2 Coríntios 8:19

Haska inũ, hau Jerusalém anu nukube kakĩ nukubetã ha inãkuĩ pei bushanũbũ, iwanã, Macedônia anushũ ikũwaĩbu itxashũ ha huni katuimabuki. Ha inũ, nukunã, ikũwaĩbu betsabu nuitapaibu nũ merabewakatsis ikai habũ nuku uĩkĩ nukũ Shanẽ Ibu nũ duawai merabenaĩ nũ haska abuai nũ hatu uĩmakatsis ikaii, haska daya beyairã.

1 Timóteo 5:1

Kaneaibu pewakĩ hatu ha ayamakubaĩwẽ. Hakia anibũ kaneaya mĩ epa keska wakĩ hatu merabewakĩ hãtxa kuxipawẽ hatu bekũyã akama hatu pewẽ xinãmakubaĩwẽ. Berunã inũ huni ewã kaneaya mĩ betsabu keska wakĩ merabewakĩ hatu pewakubaĩwẽ.

1 Timóteo 5:22

Ha dikabi hau tsuãra Deusũ daya ashunũ katukatsis ikinã, hĩ hĩ, iwanã, uĩriama mamepishũ hawaira Deus yukashũyamawe. Hakia hawẽ txakabu unãriama kanekĩ mĩ hawaira katukẽ: “Hawẽ txakaburã, unãma ikimẽkaĩ?”, iwanã, mikiri xinãtirubuki. Haska huni betsã txakabu mĩ pewashũtirumarã, mimebi mekekĩ uĩrakubaĩwẽ.

2 Timóteo 1:12

Ea haska wanikẽ Deusũ hãtxa ẽ yusĩkubaũmiswẽ taeshũ itxakawakĩ ea bitxibiabũ ẽ Jesus ikũwãkĩ taewaya ea mekenitũ bari hawẽ heneaitiã ea mekekubaĩshanai unaĩ ẽ dakeamaki.

2 Timóteo 2:2

Itxapabu ẽ hatu yusĩkubaunai mĩ nĩkakĩ tapĩmisshũ akai keskari mĩ hatu tapĩmairã, ha hunibu pe hiwekĩ ikũhairawai txĩtuãma hatu uĩmai duapakũkaĩkĩ yurabu yusĩkĩ hatu merabewatirubu hatu katutã hau habiaskari yusĩkubainũbũ hatu yunukubaĩwẽ.

Tito 1:5

Natukã Creta anua nũ dayai taeima anushũ hatu merabewakĩ pewakĩ mae tibi anushũ ikũwaĩbu mekenikabu wakĩ mĩ hatu katunũ haska xinãkĩ mia yunutã ẽ mia henebiranimaki.

Santiago 5:14

Haska inũ, tsuara ikũwaĩ betsa isĩ teneaya habũ matu yusĩkĩ mekenikabu hatu kenakãwẽ, habu beshũ nukũ Shanẽ Ibũ kena kuxipawẽ haratura sheniwẽ pushatã hau shushawanũ hau Deus hakiri yukashũkubainũbunã.

1 Pedro 5:1

Nukũ Shanẽ Ibu Cristo nuku yumãshunai ẽ uĩniwẽ taeshũ natiã habuã mae tibi anushũ Cristo ikũwaĩbu matu mekenikabu ẽ matu hatu yusĩ pewakatsis ikai ea nĩkakãwẽ. Eari Cristo ikũwaĩbu ẽ hatũ mekenãriki, habu keskarirã. Ha inũ, Cristo shanẽ ibuhairai hukĩ hawẽ kuxipa nuku uĩmaya eari ẽ hatube benimatxakayamashanaii.

1 Pedro 5:10

Ha dukunã, bari itxapama mã nuitapayuaii. Deusũ haska matu memabiatã habiatũri matu kuxipa wakĩ pashkatima watã ha hawẽ mestẽwãtiwẽ matu pepa wakĩ keyushanikiki. Jesus Cristobe nũ haki dasitã hiwea ikibi iki nũ pepai kuxipashanũbũ habias Deus nuikipatũ hawena wakatsi ikĩ nuku katuniki.

2 João 1:1

Earã, mekenikatũ ẽ matu hãtxa bumai uĩrakãwẽ. Deusũ matu katua hawẽ hãtxa nĩkai mã itxamisbu ẽ matu abuaii, eã bestimarã. Hakia dasibi habũ Deusũ kaka pepa txanima unãkĩ ikũwaĩbũ matu aburiakanikiki.

3 João 1:1

Mĩ ẽ haibu pepa Gaio anu mĩ haibu mekenika Joãonẽ txanima ẽ mia abuhairaitũ keneshũ ẽ hãtxa ẽ mia bumai uĩshãwẽ.