2 Coríntios 6:5 - Kaxinawá Bíblia (BR)

⁵ Eska tibi nuku wabu meirã, nuku unãbumã nuku kuxa kuxa akinã, nuku bitxikinã, nukuki shukubirã hãtxa txakabuirã, daya kuxipa meirã, usha tenekĩ buni tenetã nũ Deus dayashũkũkaĩmiski.

Kashinawa : Diosun Jesúswen taexun yuba bena yiniki

⁵ Eska tibi nuku wabu meidan, nuku unanbuman nuku kusha kusha akinan, nuku bichikinan, nukuki xukubidan jancha chakabuidan, daya kushipa meidan, uxa tenekin buni tenetan nun Dios dayaxunkunkainmiski.

2 Coríntios 6:5 Referencias Cruzadas

1 Reis 22:27

hatu yuikĩ: “Nukũ shanẽ ibuhairatũ matu yunuikiki. Bitxiti hiwe merã bitxitã pashai unanuma ẽ txĩtũriama misi inũ ũpash eskarabes pimayukubaĩshãkãwẽ”, akĩ hatu ea yuishũtãkãwẽ— ikai nĩkatã

Isaías 53:5

Nũ atimapai txakabumiswẽ taeshũ ha huni nukuwẽ taeshũ txatxikĩ pixpe ashãkanikiki. Nukũ txakabuwẽ taea ha txakabumis keskakĩ nuku teneshũshanikiki. Ha itxakawabu nuitapabiakinã, unanuma hiweti nuku kaĩmashũshanikiki. Ha yumãwãkĩ deteabuwẽ taearã, nukũ yurarã, isĩ hayamai kayashanikiki.

Jeremias 38:6

haska hatu shinãmaiwẽ taeshũ Jeremias atxishũ shanẽ ibuhairatũ hiwe mekenikabũ hemaĩtĩ kenekauna anu shanẽ ibũ huni bake Malquiasĩ ũpash wakĩ mai kini keyatapa wanibu ũpash hayama anu mistukĩ dispiwẽ buteabu uke merã pupushaira anu Jeremias pukuabu seukua nikẽ

Ezequiel 3:17

“Miarã, Israelĩ enabũ hatũ txaninika ẽ mia waii. Hanushũ haska ẽ hãtxa bebũkiri ẽ mia yuia hatu unãmakĩ ea hatu banabimashũkubaĩshãwẽ.

Mateus 14:10

hakimamari ha soldado bitxiabu hatũ hatu tenãmis shanẽ ibũ yunukĩ: —Joãonẽ bushka teshteshũ ea beshũtãwẽ— aka

Mateus 14:3

Hanua bari betsatiã Jesuskiri Herodesĩ nĩkariamakẽ Naximanika João mawani matu yuinũ nĩkakãwẽ. Herodesĩ hawẽ betsa Filipẽ aĩ Herodias mebĩmakẽ Joãonẽ Herodes ha akĩ yuikĩ: —Haskakĩ mĩ betsã aĩ mebĩtã mĩ aĩwaĩmamẽ? Haskatimahairaki. Aĩwãyamawe— akubainaya hawẽ aĩnĩ hãtxawẽ taeshũ shanẽ ibu Herodesĩ hawẽ soldadobu João atximashũ mane dispiwẽ hatu meneshmatã bitxiti hiwe merã hatu bitximaima hanu João hiwekẽ

Mateus 9:15

Jesusũ hatu yuikĩ: —Huni aĩyaĩ nawaibu anu hawẽ haibuaibu pashkariama manunamei hatũmebi piama itxakanikatirubumaki. Hakia hatu shunũbaini kakẽ manui hawẽ haibuaibu samakei piama ipaketirubuki. Ea iyuabũ habiaskariai ewẽ nui ẽ haibuaibũ piama iriashãkanikiki— iwanã, ana hatu yuikĩ:

Hechos 13:3

hanushũ samakeyabi hau Deusũ hatu mekekubaĩshanũ habũ hatu yunuaibũ yukashũtã hau dayatanũbũ meribi wakĩ mamepishũ hatu nitxiãbu

Hechos 14:19

ha hatu haska waibũ judeubu Antioquia anua inũ Icônio anuabu beshũ Paulo inũ Barnabékiri txani txakakĩ yurabu parãkĩ hatu xinã betsa wamatã hatu itimaska wamabaũkĩ Paulo besti betxishũ mãkãwẽ tsaka tsaka akabu Paulo di ikaya: “Ma mawaki”, ishũ txaka urẽmisbu anu sharabaĩ urẽtanabu dakakẽ

Hechos 14:23

hanu ikũwaĩbu itxamisbu tibi anua mekenikabu hatu katutã hatube samakekĩ Deus dayuikĩ habũ Jesus ikũwaĩbu hau nukũ Shanẽ Ibu Jesusũ hatu merabewakubaĩshanũ Paulo inũ Barnabẽ kuxipa hatu yukashũkubiranibukiaki.

Hechos 17:5

hakia judeu shanẽ ibu betsabu habũ ikũwãkatsi ikama Paulo inũ Silasĩ hatu binuaiwẽ taeshũ hatuki sinatakĩ huni txakabu txikixbu hatu itxawatã hatu pei inãtã yura dasibibubetã hau hatu itimaska wabaĩ Paulo inũ Silas atxishũ mae shanẽ ibubu hau inãnũbũ hatu yunuabu haskai berukubaĩkĩ hatu mesewakĩ datebaĩkĩ dasibi itimaskakaĩ Jasomẽ hiwe anu ha hunibũ Paulo inũ Silas benakeakebaini ha hiwe anu hikitã

Hechos 20:31

Haskawẽ taeshũ ano dabe inũ besti matube hiweyushũ mã kaneai tibi ẽ matu meshtamakubaĩkĩ matu yusĩkubaĩkĩ bariri inũ mexu merã matuya kashabetanã ẽ matu haska wani hakimayamakãwẽ. Eskatianã, hanũ ibubis beru mestẽwãrikãwẽ.

Hechos 23:10

pubẽhairai kemanamei hãtxa berukuaibuwẽ taeshũ Paulo yauxikĩ niniakeakekĩ pashka pashka akana ika datekĩ Romano soldado comandantẽ hau i benũbũ hawẽ soldadobu yunua itxabu anua Paulo iyushũ hawẽ meketi hiwe kuxipa anu soldadobũ ana bitxiabũ

Hechos 23:35

nĩkatã Félixsĩ yuikĩ: —Mĩ haskaya habũ mia txitexina beaibutiã hatubetã ẽ mia nĩkashanaii— atã hawa wama Herodesĩ hiwe itamama anushũ hau Paulo mekeyunũbũ hatu yunuxĩkẽ

Hechos 24:27

hawẽ hãtxa nĩkabiakĩ judeu shanẽ ibubu daewakatsis ikĩ Paulo hawa nitxiãma ma bari dabe ka hanua Félix hawẽ daya menetã kaĩkainaya Roma anua shanẽ ibu betsa hawẽ kena Pórcio Festo Cesaréia anu shanẽ ibui taeniki.

Hechos 26:10

Na haska akinã, Jerusalém anushũ ẽ aniki, Deusbe nukunabu hãtxashunika shanẽ ibubũ hatũ kuxipawẽ ea yunuaburã. Jesus ikũwaĩbu itxapa atxishũ bitxiti hiwe merã ẽ hatu mistukubainiki. Hanushũ hatu tenaĩbũ eã hatu nemama habiaskari xinãkĩ pesshũ ẽ hatu uĩs bestikubainiki.

Hechos 26:29

Paulõ ana yuikĩ: —Hawaira kasmai txipu kasmai mia inũ dasibibũ natiã habũ ea nĩkaibu ẽ ikũwaĩ keskakĩ mã Jesus haibu warianũ Deusũ hau matu kenarianũwẽ, hakia na ẽ ika keskai mane dispiwẽ matu tsuã meneshamarã— hatu wa

Hechos 28:30

hiwe inãyuimabu pakakubaĩkĩ hanushũ bari dabe nitxĩ hanu haki bai buaibu dasibi haska habe hãtxakatsis iki buaibu hatu i pewakubainiki.

Hechos 5:18

Templo mekenikabu hatu yunua atxitã hatũ mae meketi hiwe merã hatu bitxiabũ

1 Coríntios 15:10

Earã, txanima ẽ hawẽ tsuma kuxipaya betsaki. Haska ea wakatsi Deusũ ea duawakĩ ea katunishũ hamẽ ea katuama hawẽ daya akĩ Jesusũ kuxipaya betsa dasibibu ẽ hatu binumakubainaii. Hakia emebi dayama Deusũ ea duawakĩ ea merabewaya ẽ dayashũkũkainaii.

1 Coríntios 4:11

Na habia eskatianã, hawa nũ pe hiweriamaki, eska teneirã. Nũ bunimiski. Nũ ũpash manumiski. Nũ tari txuka sawea nimiski. Ha inũ, yura betsabũ nuku itxakawamisbuki. Meribi hiwe hayama nũ hiwemiski.

1 Coríntios 7:5

Haskakẽ habu dabe hãtxanamei petã matũ mabu yauxiama mã txutanametirubuki. Hanua mã Deus kẽwaĩ Deusbe mã yubakatã mã habe hãtxayukatsis ikai ana menameyuama mã itiruki. Hanua keyutã ana mã txutanametirubuki. Hamẽ mã yubakai peama shaba itxapa kaya Satanásã matu parãkĩ kanemakĩ matu txakabu watiruki, betsawẽ kemumakinã.

2 Coríntios 11:27

Ha inũ, ẽ dayatxakayamakũkaĩmiski, bika betsa betsapa tenebiakubainirã. Mexu betsa tukama ẽ usha tenemiski. Ha inũ, buni tenea inũ ũpash tenea piama ẽ ikũkaĩmiski. Ha inũ, matsi tari hayama hawa dakukuti hayamari ẽ matsi tenekubaĩmiski.

Efésios 3:1

Jesusũ ea yunua mã judeubuma Jesus Cristokiri ẽ matu yusĩayã matuwẽ taeshũ ẽ hawamabiakẽ nenu ea nitxĩmashũ mekeyuabuki.

Filipenses 1:13

Haska Roma shanẽ ibũ hatu binũatũ hiwe ewapa hawẽrua anuabu soldadobũ ea mekemisbu inũ yura betsa betsapabũ ea uĩkĩ hanu ea pewayamabu anushũ Cristokiri kakape ẽ hawẽ hãtxa txaniai dasibibũ ea nĩkamisbuki, ha meketi hiwe anu ẽ hiwe anushunã.

1 Tesalonicenses 2:9

Ẽ betsabu inũ ẽ puibuũ, Deusũ kakape matu yusĩ kashũ matũ piti pikĩ matu bika wakĩ nũ matu txikix wakatsi ikama bariri inũ mexu merã dayahairai yumãkĩ nukũ dayawẽ taeshũ nukũ piti nũ bikubainima mã unaiĩ.

1 Timóteo 4:10

Haskawẽ taea dayakĩ Deus hiweatũ yura betsa betsapabu merabewakatsis ibiaya tsuabũra hawẽ bake Jesus Cristo ikũwaĩbu besti hatu mekekubaĩshanaiwẽ taea nũ habe hiweshanai manakakĩ habias hawẽ hãtxa nũ yusĩayã nuku itxakawabiabu hatu ikũwãmanũ ika nũ dayakũkainaii.

2 Timóteo 1:8

Mia haska washuniwẽ taea nukũ Shanẽ Ibukiri yusĩ hakiri hãtxai haki dakeyamakũkaĩwẽ. Ha dikabi, hawẽ taeshũri nenu ea bitxiabuwẽ taea ewẽri taea ekiri hãtxairi ewẽ dakeyamariawe. Dateama eskakũkaĩwẽ. Deusũ nuku kuxipa wakubaĩmiswẽ taeshũ Jesus Cristo mekenãkiri kakape nũ hatu yusĩayã nuku itxakawaibuwẽ taeshũ miari bika tenemabiabu hatuwẽ dateama Deusũ kuxipayashũ yusĩkĩ heneyamawe.

2 Timóteo 2:9

Jesus Cristokiri ẽ yusĩkubaũmiswẽ taeshũ ea itxakawabu tenekĩ ẽ meaii. Huni atimapa hawaki dateama txakabuwai betxitã amisbu keska wakĩ ea nemakĩ mane dispiwẽ ea meneshabu keska wariakĩ Deusũ hãtxa kakape yuikĩ ẽ datã amisrã, ha tsuã nemakĩ neshatirubumaki.

2 Timóteo 4:5

Hamẽ mia ikirã, dasibi mĩ xinãnẽ mekei pekĩ bika tenebiai Jesus Cristokiri kakape datã akĩ hatu yuikĩ daya pepa ẽ mia yunubainai xinã betsa wama hatu yusĩkubaĩshãwẽ.

Hebreus 11:36

Ha inũ, betsabũ Deusũ hãtxa ikũwãmisbu nuitapawakĩ hatu kashewakĩ betsabu kuxa kuxa akĩ betsabu mane dispiwẽ neshatã hatu bitximapaunibukiaki.

Hebreus 13:17

Ha inũ, matu yusĩkĩ mekekubainaibu hatũ yusĩa nĩkatã hatuki txiti ikĩ txibãkubaĩkãwẽ. Haska matu putama hawa huĩrukuãma mekekubaĩmisbu habiaskari Deusũ unãkĩ hatu manakumiski. Ha inũ, hatũ daya itimaska wama nĩkahairakĩ mã hatu benimawakubaĩtirubuki. Hakia nĩkama mã hatu itimaska wakĩ mã hawa tapĩkĩ pewai kaĩtirubumaki.

Hebreus 13:23

Ha inũ, nukũ betsa Timóteo bitxiti hiwe anua ma tashnimaxinabu ẽ matu unãmaii. Hawairakirã eki nukuaya habe kashũ ẽ matu betximai kashanaii.

Apocalipse 2:10

Matu bika memashanaibuwẽ taea dateyamakãwẽ. Eska wakĩ diabõ bestibu matu hatu atximatã bitxiti hiwe anu matu bitximashanikiki. Haska wakĩ dasibi mã ea ikũwaĩbu matu bika tenemaibu hawẽ matu unãti wakeakeshãkanikiki. Haskawẽ taea dez dia besti haska matu tenemaibuwẽ taea txĩtũyamashãkãwẽ. Matu itxakawakĩ matu tenãbiaibũ tenekubaĩshãkãwẽ. Matu haska waibuwẽ taeshunã, eãnã, matũ manakuti inãkinã, hiwea kayabi ẽ matu inãshanaii.