2 Coríntios 11:26 - Kaxinawá Bíblia (BR)

²⁶ Haska inũ, Jesusũ kakapekiri yusĩ nũ kakũkaunai haska tibi mese ẽ binukubaĩmis matu ana yuinũ nĩkakãwẽ. Ẽ hene pukei kaya hawaira bai mata bekĩ ea shashu narabea inũ maĩ pukei nua maeshbaĩ hasai ẽ mawakeãkũkainiki. Ha inũ, maĩ ẽ kaya yumetsubũri ea mesewatã ẽ hamapai ea bianibuki. Ha inũ, enabu inũ enabumã ea itxakawakĩ ea date date akubaĩyamabuki. Ha inũ, mae ewapa tibi anushũ inũ hanu hiweabumanushũ hunibũ ea itxakawanũbũ yuinaka pianãbũ ea pikeãyamaki. Ha inũ, iãnẽwanu niwe shashuwẽ ẽ kaya niwẽwã mese bekĩ ea datekubaĩyamaki. Ha inũ, nukubetã ikũwaĩbu habũ ikũwãtxakaibũ ea bikawakĩ ekiri txanitxakubaĩyamabuki.

Kashinawa : Diosun Jesúswen taexun yuba bena yiniki

²⁶ Jaska inun, Jesúsun kakapekidi yusiin nun kakunkaunai jaska tibi mese en binukubainmis matu ana yuinun ninkakanwen. En jene pukei kaya jawaida bai mata bekin ea xaxu nadabea inun main pukei nua maexbain jasai en mawakeankunkainiki. Ja inun, main en kaya yumetsubundi ea mesewatan en jamapai ea bianibuki. Ja inun, enabu inun enabuman ea ichakawakin ea date date akubainyamabuki. Ja inun, maewan tibi anuxun inun janu jiweabumanuxun junibun ea ichakawanunbun yuinaka piananbun ea pikeanyamaki. Ja inun, ianenwanu niwe xaxuwen en kaya niwewan mese bekin ea datekubainyamaki. Ja inun, nukubetan ikunwainbu jabun ikunwanchakaibun ea bikawakin ekidi chanichakubainyamabuki.

2 Coríntios 11:26 Referencias Cruzadas

Hechos 13:45

hanua judeu shanẽ ibubũ haskaibu uĩkatsi ikama Paulõ hatu haska wai abuama haki sinatakĩ ha itxabu shabakabi hatu ha akĩ: “Txani txakakĩ matu paraĩkiki”, ikaibũ

Hechos 13:50

Paulo inũ Barnabẽ hãtxa judeu shanẽ ibubũ danãkĩ hau hatu nitxĩnũbũ, iwanã, aĩbuaibu pepa inũ huni shanẽ ibubu hatunabubetã txani txakakĩ hatu sinatamatã hanushũ Paulo inũ Barnabé hatũ mai pakea anua hatu putamaibũ

Hechos 14:19

ha hatu haska waibũ judeubu Antioquia anua inũ Icônio anuabu beshũ Paulo inũ Barnabékiri txani txakakĩ yurabu parãkĩ hatu xinã betsa wamatã hatu itimaska wamabaũkĩ Paulo besti betxishũ mãkãwẽ tsaka tsaka akabu Paulo di ikaya: “Ma mawaki”, ishũ txaka urẽmisbu anu sharabaĩ urẽtanabu dakakẽ

Hechos 14:5

hanua nawabu inũ judeubu mae shanẽ ibubube hatube yubakatã nuitapawakĩ itxakawakĩ mãkãwẽ hatu tsakanũ ikaibu

Hechos 15:40

haska wabainaya Paulõ hawena meribis xinãtã Silas iyukatsis ikĩ katutã ikũwaĩbuki txaniaya habũ yuikĩ: —Mã haska kainairã, peki. Mã hatu yusĩ kaya nukũ Shanẽ Ibu matuwẽ nuikĩ hau matu merabewakubainũwẽ— akĩ hatu nitxĩkĩ yunuabu hanua kaĩbaini maĩ bui

Hechos 17:13

hatu haska wamaya Beréia anushũ Deusũ Messias kakapekiri Paulõ hatu yusĩaĩ judeubu Tessalônica anuabũ nĩkakĩ unãtã hawairabirani beshũ Paulokiri txani txakabaũkĩ Beréia anu hiweabu hatu xinã betsa wamakĩ yurabu hatu itimaska wai berukubaunaibũ

Hechos 17:5

hakia judeu shanẽ ibu betsabu habũ ikũwãkatsi ikama Paulo inũ Silasĩ hatu binuaiwẽ taeshũ hatuki sinatakĩ huni txakabu txikixbu hatu itxawatã hatu pei inãtã yura dasibibubetã hau hatu itimaska wabaĩ Paulo inũ Silas atxishũ mae shanẽ ibubu hau inãnũbũ hatu yunuabu haskai berukubaĩkĩ hatu mesewakĩ datebaĩkĩ dasibi itimaskakaĩ Jasomẽ hiwe anu ha hunibũ Paulo inũ Silas benakeakebaini ha hiwe anu hikitã

Hechos 18:12

hanua ha mai pakea Acaia anu hatũ Romano shanẽ ibu Gáliõ hatu shanẽ ibushunaya judeu shanẽ ibubũ Paulo ha akĩ txitenũ ishũ atxishũ hanushũ Gáliõ tsaushũ hatu unãti wamis anu Paulo iyushũ

Hechos 19:1

Apolõ Corinto anushũ hatu yusĩayã hanua Paulori mati matipa anu kapukei Ásia mai pakea anu kakũkaĩni Éfeso anu hikitã ikũwaĩbuki nukushũ

Hechos 19:23

ha hatu haska wakĩ Jesusũ Bai Benakiri hatu unãmaibũ hanua prata mane hushupa dami wanika hawẽ kena Demétriõ yushĩ hawẽ kena Diana hawẽ kẽwãti hiwe dami mixtĩ wamistũ habe dayaibũ pei itxapa bimisbuwẽ taeshũ Demétriõ Paulõ yusĩa bena abuama yurabu Éfeso anuabu hatu itimaska wakĩ

Hechos 20:19

Earã, matu anushũ ẽ xinãnẽ xinaĩ txikixi hawa keãma ẽ Shanẽ Ibu Jesusũ ea yununi duawai nĩkabumabiakẽ matuya kashai beũ hene habakĩ judeubũ ea itxakawabiabu matu anushũ bikahaira tenei ẽ Jesus dayashũkũkaĩyamaki.

Hechos 20:3

hanu hatuki nukutã hiweyukĩ ushe dabe inũ besti nitxĩtã hariri Síria mai pakea anu kanũ ika yubakatã niwe shashu ewapaki inai kapanã hanushũ judeubũ Paulo detekatsi yubakaxinabu Paulõ bana nĩkatã xinã betsa watã ana Macedôniakiri mananã hawẽri ana txĩtũkaĩni maĩ kaya

Hechos 23:10

pubẽhairai kemanamei hãtxa berukuaibuwẽ taeshũ Paulo yauxikĩ niniakeakekĩ pashka pashka akana ika datekĩ Romano soldado comandantẽ hau i benũbũ hawẽ soldadobu yunua itxabu anua Paulo iyushũ hawẽ meketi hiwe kuxipa anu soldadobũ ana bitxiabũ

Hechos 25:3

—Haskai mĩ ma nenuki. Nuku pewashũkĩ Paulo miãri mĩ nuku unãti washũkatsi nenu Jerusalém anu hau itanũbũ mĩ hatu yunutirumẽ?— akabu, haskarã, eska Paulokiri yubakabaĩ bai tanabiranai nũ tenãnũbũ ika inibukiaki.

Hechos 27:42

huni bitxiyamabu nunai hau pashai hunebaĩyamanũbũ yubakatã soldadobũ hatu detekatsis ikaibũ

Romanos 15:19

Deusũ Yushĩ Pepatũ kuxipawẽ hawara atimaska yurabũ atirubuma dami betsa betsapa haskabiamawakĩ ea wama ẽ akeakeaya hawẽ taea kuxipakĩ kakape Jesus Cristokiri hatu yusĩkinã, haska Israelbuma betsa betsapaburi ẽ hatu txibãmakubainima besti ẽ matu yuiaii. Hanushũ taewakinã, Jerusalém mae anushũ ẽ taewaxina mae tibi iake iaketãkaini hari mai pakea betsa Ilírico anu ẽ txĩtũtãyamaki.

Romanos 8:35

Haska inũ, Jesus Cristõ matu abui matuwẽ nuiaya tsuã matu pashkatirumaki. Na eska xarabunã, na dasibi nuku hatũ bika tenemamistũ inũ, nuitapaiwẽ inũ, tariumawẽ inũ, pitiumawẽ inũ, nuku bikawaibuwẽ inũ, nuku itxakawaibuwẽ inũ, nuku deraibuwẽ inũ, mesewatã nuku tenãbiaibũ Jesus Cristo nukuwẽ nuikĩ nuku duawai habũ nuku mesewakĩ dapashkamatirubumaki.

1 Coríntios 15:30

Haskabiakẽ Deusũ kakape nũ yusĩayã txakabu mese tenei nũ ikũkainaya mawa nũ ana besteãma ibiashanaya, haskakĩ hiwea bika bari tibi nũ tenekubaĩkanai?

1 Coríntios 15:32

Nũ ana besteãma ishanaya ẽ hamẽ hiweawẽ taea Éfeso anua pubẽhairabube hatube ha iki ẽ xinãnẽ besti ẽ hawa maemama ini mã xinaĩ? Txanima mawabu nũ ana besteãma ishanayarã, haska yurabũ ikũwãbuma hãtxai: “Beyus bestikĩ pinãkãwẽ, vinho anãkãwẽ, mexukiri mawatã nũ hawa piama ana beyusama ishanairã”, ikaibũ nũ habiaskari xinãriakeanaii.

2 Coríntios 11:32

Cristo ẽ ikũwãkĩ taewabirãxina ea haska wanibu ana matu yuinũ nĩkakãwẽ. Shanẽ ibuhaira Aretasĩ Damasco mae ewapa yunumistũ hawẽ soldadobu ea atximanũ, iwanã, ha mae hawẽ mixki kene sheshekaiã hanu kaĩbaĩti tibi anushũ ea hatu atximakatsi iniki.

Gálatas 2:4

Hanua betsarã, nũ itxanu nukũ betsabu hatiri nukubetã ikũwaĩ kayabibumari hune nuku unãti wanũ ika hikia manishũ nĩkakĩ hawama Jesus Cristokiri nĩkatã txibaĩ ma mekei pepabiaibũ hanua habũ Moisés hatu yusĩni hatũ beya nuku ana husimakĩ txibãmanũ ika ikaibũ hawa hatu nĩkama binumakĩ ha Jesuskiri hãtxa txanimawẽ taea hawa beya tibiwẽ husikĩ matukiri nuku kanemama inibuki, mã haska betsatã maetirubumakirirã.