2 Coríntios 11:23 - Kaxinawá Bíblia (BR)

²³ Ha inũ, habũ yuikĩ: “Nũ Cristõ tsumabuki”, iki Cristo dayashunaiburã, ẽ iriakũkainaii, Cristo dayashũkĩ hatũ daya binumahairairã. Mã eki hãtxai mã ea tatimawabianũ eã ẽ hatu binumiski. Ha inũ, Deusũ kakape ẽ yusĩayã itxapaki ea bitximisbuwẽ eã ẽ hatu binuhairaki. Ha inũ, hatikira ea kuxanibu tsuabũra tanatirubumawẽ taeshũ ẽ hatu binuhairaki. Ha inũ, ẽ mawakeãkũkainiwẽ ẽ hatu binuhairariaki. Ẽ haska tibi memis ẽ matuki txaniairã, earã, ẽ tatimamẽ? Ẽ tatimamaki.

Kashinawa : Diosun Jesúswen taexun yuba bena yiniki

²³ Ja inun, jabun yuikin: “Nun Criston tsumabuki”, iki Cristo dayaxunaibudan, en idiakunkainaii, Cristo dayaxunkin jatun daya binumajaidaidan. Man eki janchai man ea tatimawabianun ean en jatu binumiski. Ja inun, Diosun kakape en yusianyan ichapaki ea bichimisbuwen ean en jatu binujaidaki. Ja inun, jatikida ea kushanibu tsuabunda tanatidubumawen taexun en jatu binujaidaki. Ja inun, en mawakeankunkainiwen en jatu binujaidadiaki. En jaska tibi memis en matuki chaniaidan, ¿eadan, en tatimamen? En tatimamaki.

2 Coríntios 11:23 Referencias Cruzadas

Jeremias 36:5

hanushũ Jeremiasĩ Baruque yunukĩ yuikĩ: “Uĩwẽ. Senhor Deus kẽwãti hiwe hemaĩtĩ anu ka ẽ hikipanã ea nemamisbuki.

Hechos 14:19

ha hatu haska waibũ judeubu Antioquia anua inũ Icônio anuabu beshũ Paulo inũ Barnabékiri txani txakakĩ yurabu parãkĩ hatu xinã betsa wamatã hatu itimaska wamabaũkĩ Paulo besti betxishũ mãkãwẽ tsaka tsaka akabu Paulo di ikaya: “Ma mawaki”, ishũ txaka urẽmisbu anu sharabaĩ urẽtanabu dakakẽ

Hechos 20:23

Hakia mae tibi anu ẽ ka Deusũ Yushĩ Pepatũ bebũkiri ea hatu unãmakĩ bitxiti hiwe anu ea bitxishanaibu inũ betsa betsapawẽ ea bika tenemashanaibu ea yuimisbuki. Ha besti ẽ unaiĩ.

Hechos 21:11

nuku uĩtanũ ika hushũ Paulõ nanesheketi bitã hawẽ tae inũ hawẽ mekẽ ibubis meneshtã yuikĩ: —Deusũ Yushĩ Pepatũ ea yuixina matu yuinũ nĩkakãwẽ. Na ẽ akai keska wakĩ Jerusalém anushũ na nanesheketi ibu judeubũ atxishũ neatã Romanonawabu anu inãshãkanikiki— ikaya

Hechos 25:14

habe hiweyuabũ Festõ Paulokiri Agripa hari banabimakĩ: —Nenu huni betsa mekeshũ Félixsĩ eki henebaĩxinaki. Mia yuinũ nĩkawe.

Hechos 27:1

hanushũ Romano maiwã kesua Itália mae ewapa Roma anu shanẽ ibu dasibi binuatũ hau Paulo unãti wanũ hari nuku nitxĩkatsi xinãxĩshũ hau nuku iyunũ capitão Júlio soldado hawẽ shukua ewapa kena César Augustonarã, Paulo inũ habu bitximisbu betsabu hatu Festõ inãkĩ yunukĩ: —Roma anu iyukĩ hatu mekehairakubaĩtãkãwẽ— aka

Hechos 28:16

ana kai mae ewapa Roma anu nũ hikia huni bitxinibu betsabu Romano shanẽ ibubũ hau hatu ana bitxinũbũ hatũ soldadobu yunutã hakia Paulo haska wama hau tari meribi hiwe betsa anu soldado bestitxai habe meneshekerabetã hau mekekubaĩshanũ yunuabu

Hechos 28:30

hiwe inãyuimabu pakakubaĩkĩ hanushũ bari dabe nitxĩ hanu haki bai buaibu dasibi haska habe hãtxakatsis iki buaibu hatu i pewakubainiki.

Hechos 9:16

ea txibaĩwẽ taea haskai nuitapakũkaĩshanai ẽ unãmashanairã— aka

Romanos 8:36

Haskakiri Deusũ hãtxa yuishunikatũ kenekĩ: “Epaã, nũ mia txibãkubaĩmiswẽ taeshũ bari tibi nuku itxakawakĩ tenãkatsis ikubaĩkanikiki. Txashuwã samama detekatsis imisbu keska wakĩ nukuri itxakawakanikiki”, aniki, Davĩ yuikinã.

1 Coríntios 15:10

Earã, txanima ẽ hawẽ tsuma kuxipaya betsaki. Haska ea wakatsi Deusũ ea duawakĩ ea katunishũ hamẽ ea katuama hawẽ daya akĩ Jesusũ kuxipaya betsa dasibibu ẽ hatu binumakubainaii. Hakia emebi dayama Deusũ ea duawakĩ ea merabewaya ẽ dayashũkũkainaii.

1 Coríntios 3:5

Nũ haskarawẽ taeshũ mã nukukiri xinaĩ ikai? Tsuamẽ, Apolorã? Tsuamẽ, Paulorã? Mã haska nukukiri xinaĩnã? Nuku daberã, nũ Jesusũ dayaru bestiki. Haskawẽ taeshũ hawẽ daya nũ ashuãyã nukuwẽ taeshũ mã ikũwãniki, haska nukũ Shanẽ Ibũ nuku yununiwenã.

1 Coríntios 4:1

Nukurã, nũ eska bestiki, nuku xinãkãwẽ. Cristõ daya ashuĩ nũ hawẽ merabewanika bestiki. Haskawẽ taeshũ nukũ xinã benawatã nuku yununiwẽ taeshũ Deusũ hawenabu matu wakatsis ikĩ hawẽ kakape yubakani hunekubirani ma shabakabi nuku matu yusĩmakubainikiki.

1 Coríntios 4:11

Na habia eskatianã, hawa nũ pe hiweriamaki, eska teneirã. Nũ bunimiski. Nũ ũpash manumiski. Nũ tari txuka sawea nimiski. Ha inũ, yura betsabũ nuku itxakawamisbuki. Meribi hiwe hayama nũ hiwemiski.

1 Coríntios 4:9

Nukũ nũ xinãnã, nũ Jesusũ kuxipayabiaburã, Deusunã hawẽ henekĩ nuku nesha daka hanushũ nuku tenãkatsis ikinã, dasibibũ nuku uĩkĩ danaĩbuwẽ taea nũ atimapaki, Deusũ nai tsumabu inũ yurabũ berubirã.

2 Coríntios 10:7

Hatiritũ xinã txakakĩ yuikĩ: “Cristoki dasia nũ hawenabuwẽ taea ẽ unãhairaii”, mã ikaibunã, nukurã, nũ habias Cristoki dasia nũ hawenaburiki, uĩkĩ hau xinãnũbuwẽ, shabakabi nũ ikũwaĩnã.

2 Coríntios 11:5

Haska inũ, eã ẽ xinãnã, habu txipu kabiashũ hãtxa hawẽruawẽ matu yusĩkĩ ea binũkatsis ikaiburã, hawa ea binutirubumahairaki.

2 Coríntios 3:6

Jesus Cristo mawaiwẽ Deusũ hawẽ nuku yuba bena wai maewakinã, ana hakiri kenewẽ akama iniki. Hakia ha binumakĩ hawẽ Yushĩ Pepawẽ aniki. Haskawẽ taeshũ tsuabura Deusũ hawẽ taeshũ nuku tapĩma nũ hawẽ dayarubu besti nuku wamiski. Hamẽ Moisés Deusũ yusĩkĩ hawẽ yunuti inũ hawẽ nemati inãkinã, tsuãra ha yuba meneamakẽ hawẽ hatu kupikatsi amaniki. Hakia Deusũ Yushĩ Pepatunã, nuku haska wama ha binumakĩ hawẽ yuba benawẽ nuku hiwea inãkubainikiki, nũ habe hiwepakeshanũbunã.

2 Coríntios 4:11

Natiã nukuri hiweyushũ Jesus nũ txibaĩwẽ taeshũ nuku tenãkatsis ibiaibũ Jesus ini keska hiweriakĩ nukũ yurawẽ nũ haskashunai dasibibu nũ hatu uĩmakubainaii.

2 Coríntios 6:9

Yura itxapabũ nuku uĩsma akawabiaibũ betsabũ nuku unãhairamisbuki. Danãkĩ nuku debu wapaibiabu habiaskabia nũ hiweyukũkainaii. Nuku itxakawabiakĩ hawa nuku tenãriabumaki.

Gálatas 6:17

Jesuski dasinishũ hakiri ẽ yusĩkubainaya ea itxakawakĩ detekĩ ea baka keshtuwakeakenibuwẽ taeshũ ẽ yusĩa ea yuãkĩ ana ea bikawayamakãwẽ.

Efésios 3:1

Jesusũ ea yunua mã judeubuma Jesus Cristokiri ẽ matu yusĩayã matuwẽ taeshũ ẽ hawamabiakẽ nenu ea nitxĩmashũ mekeyuabuki.

Efésios 4:1

Nenu eska ẽ bika tenei hiweyushũ meairã, nukũ Shanẽ Ibũ ea yununi ẽ akubainaiwẽ taeshũ ea atxitã ea mekeimashũ ea heneabumakẽ hau mã ikũwaĩbu Deusũ matu kenani hiwei pepai haskakĩ mã unãkubainũbũ ẽ matu yunuai xinaĩrakubaĩkãwẽ.

Efésios 6:20

Haska inũ, Deusũ ea katushũ hawẽ kuxipaya hãtxashunika ea wani ẽ hawẽ kakape yusĩbaũmiswẽ taeshũ habũ nenu ea iweimashũ ea bitxikĩ akawaimabu nenushũ ẽ bika tenebiakĩ hawa dateama nukũ Shanẽ Ibukiri hãtxai ẽ txanikũkaĩnũ ea Deus yukashũkãwẽ.

Filipenses 1:13

Haska Roma shanẽ ibũ hatu binũatũ hiwe ewapa hawẽrua anuabu soldadobũ ea mekemisbu inũ yura betsa betsapabũ ea uĩkĩ hanu ea pewayamabu anushũ Cristokiri kakape ẽ hawẽ hãtxa txaniai dasibibũ ea nĩkamisbuki, ha meketi hiwe anu ẽ hiwe anushunã.

Filipenses 2:17

Ẽ hiwea ẽ matu inãni keska wakĩ ẽ matu ikũwãmaniki. Matũri ikũwãkĩ matũ hiwea mã Deus inãkuĩyaiĩ. Haskawẽ taea ẽ hiwea yauxiama mawakinã, hau mã ikũwãkĩ heneyamanũbũ ẽ hiwea Deus ẽ matu inãkuĩshũtiruki. Ẽ matu haskashuni ẽ benima paewẽ dasibi ẽ matu yuiaii.

Colosenses 1:24

Natiã matuwẽ taea nuitapairã, ẽ benimaii. Hau hawẽ taea nũ bika tenekũkaĩshanũ Cristõ nuku yunutã ha dukũ txanima hawẽ yurawẽ ha ikũwãshanaibu merabewanũ ika hatu bika teneshũkĩ haskawẽ taea eari ibubis ẽ yurawẽ menei ẽ ishũriaii, mã ha ikũwaĩbuwẽ taearã.

Colosenses 1:29

Na haska matukiri dayairã, Cristõ hawẽ kuxipa ea inãni ẽ hawẽ dayatxakayamashũmiski.

1 Tesalonicenses 3:2

nukũ betsa Timóteo nukubetã Cristokiri kakape yusĩmis matu anu nũ nitxĩmaki, hau matu xinã txãkãwãkĩ hau matu ana kuxipa wai kanunã.

1 Timóteo 4:6

Na haska hãtxa kayabi ẽ mia yuiairã, nukũ betsabu inũ nukũ puibũ ikũwaĩbu habiaskari hatu yusĩkubaĩwẽ. Haskakĩ hawẽ ikũwãti hãtxa mĩ haya inũ yusĩa pepa mĩ txibaĩ ana hawẽ huĩti kuxipakũkaini Jesus Cristõ tsuma pepa mĩ ikũkaĩshanaii.

2 Timóteo 1:16

Ea haska wabiaibũ nenu Roma anu ẽ bikai hiwebiakẽ nukũ haibu Onesíforõ Roma anu hikituxitã hawa huĩrukuãma ea betxinũ ika ea benatxakayamakĩ atimas ea betximaki. Ẽ mane dispi txiwetameyawẽ ẽ meneshekeaki dakeama hawẽtxaĩs ea merabewakĩ ea xinã txãkãwãbirãbiranimaki. Ea haska waimakẽ Deusũri hawenabuswẽ nuikĩ hau hatu merabewakubainũwẽ.

2 Timóteo 1:8

Mia haska washuniwẽ taea nukũ Shanẽ Ibukiri yusĩ hakiri hãtxai haki dakeyamakũkaĩwẽ. Ha dikabi, hawẽ taeshũri nenu ea bitxiabuwẽ taea ewẽri taea ekiri hãtxairi ewẽ dakeyamariawe. Dateama eskakũkaĩwẽ. Deusũ nuku kuxipa wakubaĩmiswẽ taeshũ Jesus Cristo mekenãkiri kakape nũ hatu yusĩayã nuku itxakawaibuwẽ taeshũ miari bika tenemabiabu hatuwẽ dateama Deusũ kuxipayashũ yusĩkĩ heneyamawe.

2 Timóteo 2:9

Jesus Cristokiri ẽ yusĩkubaũmiswẽ taeshũ ea itxakawabu tenekĩ ẽ meaii. Huni atimapa hawaki dateama txakabuwai betxitã amisbu keska wakĩ ea nemakĩ mane dispiwẽ ea meneshabu keska wariakĩ Deusũ hãtxa kakape yuikĩ ẽ datã amisrã, ha tsuã nemakĩ neshatirubumaki.

2 Timóteo 3:11

haska Antioquia anushũ inũ, Icônio anushũ inũ, Listra anushũ ea itxakawakĩ ea bika tenemakubirãyamabu mĩ unaĩ keskakĩ miari bika tenemaibu mĩ teneai ea keskakĩ mĩ mekubainaii. Ea haska tibi wabiaibũ nukũ Shanẽ Ibuã ea hatu mepamakubaĩyamaki.

Filemom 1:9

haskakiri ẽ mia xinãma hakia nui nũ haibunameaiwẽ taeshũ ẽ mia ea akaii. Earã, ẽ ma mestebuaii. Haskabiakẽ Jesus Cristo ẽ dayashũkũkainaiwẽ taeshũ natiã ea bitxikĩ akawashũ ea meneshimabuki.

Hebreus 10:34

Jesusunabu betsabu hatuki sinatakĩ bitxiti hiwe merã hatu bitxiabu nuitapaibuki mã batãtanaya matũ mabu inũ matũ hiwe matu biãbũ hawa yuiama benimakĩ matũ hamapai hatu heneshũkĩ Deus kẽwãkĩ hawẽ mae pepa nai anu hawa txapuisma hanu hiwei ikibi iki mã kashanai haska mã xinãkubaĩyamaki.