1 Samuel 28:15 - Kaxinawá Bíblia (BR)

Samuelĩ Saul yuikĩ: —Ea iwekĩ haskakĩ mĩ ea bika tenemabiranai?— aka kemakĩ Saulũ yuikĩ: —Natiã date paepakĩ ẽ mia aki ikaii. Filisteu nawa itxapabu beshũ nuku detenũ ikaibu ẽ hatu haska washũ nematirumaki. Deus ẽ yukabia Deusũ daki ma ea heneaki. Ea ana kemama inũ hawẽ hãtxa yuishunikabu anu inũ usha namaiwẽ ea kemamaki. Haskawẽ taeshũ ẽ hatu haska watiru mĩ ea yuinũ ẽ mia kenashuki— aka

1 Samuel 28:15 Referencias Cruzadas

Salmos 51:11

Ẽ mibe nia ea pashkayamawe. Mĩ Yushĩ Pepa ea meranua ea mebĩyamawe.

Provérbios 14:14

Haska unaĩsmapabu hawẽ hiwea pemabiakẽ hiwekũkaini benimakubaimisbuki. Hakia huni pepabũ haska pe wakubaĩmisbuwẽ benimai shinã txãkãkubaĩmisbuki.

Mateus 25:41

hanushũ hawẽ yusmauriabu mapuaburi yuikĩ: “Matu mã txakabuburã, mã enabumaki. Turi burikãwẽ. Haskawẽ taea matunamabia hanu txi nukaisma anu diabo Satanás inũ hawẽ nai tsuma txakabubube yumãkĩ tenekubaĩshanaibu anu maturi burikãwẽ.

Juízes 16:20

hui kushipawẽ Dalilã ana kenakĩ yuikĩ: —Sansãonẽ, mia atxinũ ika Filisteu nawabu mia anu bekanikiki— aka besteĩ haska imis keskai dabanẽ hatu detenũ ika benibiakauana Senhor Deusũ ana hawẽ kushipa inãma dapashkakĩ henea Sansãonẽ unãma

1 Samuel 18:12

ana Senhor Deusũ Saul merabewama Davi merabewaiwẽ taea Daviki Saul datekũkaĩkĩ

1 Samuel 28:11

aĩbũ kemakĩ: —Tsua ea tashnimashũwẽ, iwanã, mĩ ea aki ikai?— aka Saulũ yuikĩ: —Samuelĩ yushĩ ea kenashũwẽ— aka

1 Samuel 28:16

kemakĩ Samuelĩ yuikĩ: —Ma miki sinatakĩ Senhor Deusũ mia ma henebiaimakẽ mĩ haskakĩ hamẽ ea yukai?

1 Samuel 28:6

hatu haska wapa? iwanã, Saulũ Senhor Deus yuka hakia Senhor Deusũ kemakĩ hawa yuiamahaira inũ, usha namaiwẽ yuiama inũ, Urim unãtiwẽ unãmamari inũ, hawẽ hãtxa yuishunikabuwẽ yuimamari

1 Samuel 28:8

shanẽ ibukĩ tari hawẽrua sawemis pekatã tari betsa Saulũ sawetã ana shanẽ ibu keskama huni dabebe meshu merã ha aĩbu anu kashũ hikitã yuikĩ: —Huni betsa hawẽ kena ẽ mia yuia ma mawa hawẽ yushĩ hau hunũ mĩ muka kushipawẽ ea kenashũwẽ, mia pakakatsi ẽ mia yukairã— aka