1 Samuel 28:14 - Kaxinawá Bíblia (BR)

¹⁴ Saulũ yukakĩ: —Haskara tashnikiranai mĩ uiaĩ?— aka kemakĩ aĩbũ yuikĩ: —Huni mestebuhaira tariwẽ yabukukiranai ẽ uiaiĩ— aka nĩkatã Samuelki ikĩ unãtã haki datei dãti iki maiki beti ikẽ

1 Samuel 28:14 Referencias Cruzadas

1 Reis 19:19

Senhor Deusũ hãtxa nĩkabirani hanua Elias kai hanushũ Safatẽ bake Eliseũ hawẽ bai anu hawẽ mibã banakatsis ikĩ ketashamebaĩbaina 12 ina awa dabe hi tekishkũrabea habiaskas txitxibaina hawẽ tsumabu mai sheshati awa sharamabaĩkĩ hatu yunubaĩkĩ Eliseũ hatũri hawẽ henekĩ mai mishpu wakĩ ana pewabainaya Eliasĩ betxibirani haki nukunũ ika kakĩ daĩbaĩkĩ Eliseuki hawẽ yabukuti haki puẽkĩ peyabubaini kaya

2 Reis 1:7

shanẽ ibuhaira Acaziasĩ hatu yukakĩ: —Ha huni tashnikirã matuki nukushũ haska hãtxa matu yuishurã, haskara ishumẽ?— hatu wa

2 Reis 2:8

hanushũ hawẽ yabukuti Eliasĩ pekatã sebikĩ txaipa watã hawẽ hene bekusha, hene dami hamebi tuash iki niti ikẽ ha dabe mai tsusĩ anu pukebaini

1 Samuel 15:27

Samuel kai dabekekainaya ana niti anũ ishũ Saulũ Samuelĩ tari txaipa keshawẽ tsumãtã ninĩkĩ ushniã

1 Samuel 24:8

ha katxu Davi tashnikirã hui kushipawẽ Saul kenakĩ: —Ẽ shanẽ ibuũ, ẽ shanẽ ibuũ— aka nĩkatã nasukekauã Saulũ uiãyã haki mesei Davi dãti iki maiki beti itã ana benishũ

1 Samuel 28:13

kemakĩ shanẽ ibu Saulũ yuikĩ: —Dateyamawe. Hawa mĩ uĩ ikimẽkaĩ, ea yuiwe— aka kemakĩ aĩbũ yuikĩ: —Yushĩ mai anua mapekekiranai ẽ uiaiĩ— aka