Provérbios 14:14 - Kaxinawá Bíblia (BR)

¹⁴ Haska unaĩsmapabu hawẽ hiwea pemabiakẽ hiwekũkaini benimakubaimisbuki. Hakia huni pepabũ haska pe wakubaĩmisbuwẽ benimai shinã txãkãkubaĩmisbuki.

Provérbios 14:14 Referencias Cruzadas

Provérbios 12:14

Haska huni tibi hãtxamisbu bishãkanikiki, pe inũ txakabu yuimisbu tibiwenã. Hanua haska akubaini dayakubaĩmisbu haskawẽ hatu pakarã, txakabu kasmai pepa bishãkanikiki.

Provérbios 12:21

Huni pepatũ hawa txakabuwaismakẽ txakabũ nuitapa watirumahairaki. Hakia huni txakabũ dasibi txakabu betsa betsapa amis betsa wama dasibi haki dasi wabaĩ Deusũ hatu kupia nuitapamisbuki.

Provérbios 14:10

Huni tibitũ hatũ huĩtinĩ hawara bika teneai inũ haskai benimai hamesti shabakabi unãtiruki, tsua hawa unãmamarã.

Provérbios 14:15

Huni betsã bebũkiri tapĩtã pe shinaĩsmatunã, hawara yuiaibu nĩkatã hawa shinãma hawaira ikũwãmisbuki. Hakia huni betsã bebũkiri pe shinãmisbunã, dasibi pewatã mapumisbuki.

Provérbios 18:20

Pikĩ yaniwai keskai tsuara hatũ hãtxa tibiwẽ ibubis hãtxakĩ nĩkai benimamisbuki.

Provérbios 9:12

Mia mĩ unaneparã, hiwei pekĩ pepa besti mĩ bikubainaii. Hakia patapai mĩ nĩkaismamisrã, harã minaki, txakaburã, mĩ hawa biama ishanairã.

Jeremias 2:19

Mã haskamiswẽ taea matũ txakabuwẽ ibubis mã kupiti bikubainaii. Duawakĩ mã ea nĩkaismawẽ taea ibubis mã benushanaii. Ẽ ea Senhor Jeová ẽ matũ mekenikabia mã ekiri hãtxai peama ea henekubaĩmisburã, mesehaira inũ txakabuhaira mã tenekubaĩshanaii. Haska uĩkĩ mekĩ shinãkubaĩshãkãwẽ. Ẽ Senhor Deus kushipa dasibi binuawẽ taea ẽ hãtxa ẽ mestẽwaiĩ”, iwanã,

João 4:14

—Hakia tsuabũra ũpash ẽ inaĩ atanã, ana tetsusini manuama ishãkanikiki. Habu tibi merã txatxa ũpash netsuisma keskatũ hatu hiwekuĩmashanikiki, ikibi imakinã— aka

2 Coríntios 1:12

Hamẽ nukukirirã, haska yurabũ Deus unãbumã xinaĩ kẽmis keskama hakia Deusũ nuku xinã betsa wamatã huĩti pepa nuku waniwẽ taeshũ haska Deusũ abumis nuku xinãmaya tsua parãma duapa bestikũkaini matuwẽ nuihairai nũ kẽkũkainaii, matuwẽ taea txanima benimairã.

Gálatas 6:4

Hakia hatiritũ kẽkĩ kanekatsi ikama pepa akubaĩmis unãkĩ yuikĩ: “Ẽ pepaki”, iwanã, yura betsa binumanũ ishũ xinãtimaki.

Gálatas 6:8

Tsuabũra ibubis txakabu xinãkĩ kanemisbu Jesus ana huaitiã Deusũ kupikĩ mawatxakamakĩ hatu isĩ tenemahairashanikiki. Hakia tsuabũra Deusũ Yushĩ Pepa nĩkakĩ kanebiatã hawẽ yusĩa txibãkĩ heneabumakẽ Jesus ana huaitiã Deusũ hatu hiwekuĩmashanikiki, ikibi imakinã.

Hebreus 3:12

Haskawẽ taea ẽ betsabu inũ ẽ puibuũ, matũ huĩtinĩ txakabu xinãkĩ ana ikũwãti kuxiwama txĩtũtã Hamebi Hiwemis Deus henebaĩkatsi ikama matu tibi ibubis mekekĩ xinã pewarikubaĩkãwẽ.