Salmos 51:11 - Kaxinawá Bíblia (BR)

¹¹ Ẽ mibe nia ea pashkayamawe. Mĩ Yushĩ Pepa ea meranua ea mebĩyamawe.

Salmos 51:11 Referencias Cruzadas

Gênesis 6:3

Hanushũ Senhor Deusũ hatukiri shinãkĩ: “Ẽ yushinẽ hatu merabewapaibia yurabũ ea shinãma txakabukubaĩkĩ hatũ yura besti shinaĩ hiwekanikiki. Haskaibuwẽ taea ana hatishuĩra hunibu hiwetirubumaki. Haskakubainaibu ana 120 bari besti yurabu hiwetã debushãkanikiki”, inikiaki.

2 Samuel 7:15

Kanebiaibũ ẽ pepa ẽ hatu mebiãma ishanaii, Saul anua ẽ pepa ẽ mebini keskama Saul putatã hawẽ shãtukũ ẽ mia shanẽ ibu wanirã.

2 Reis 13:23

Abraão inũ, Isaque inũ, Jacóbe Deus hatube yubakaniwẽ taea Israelĩ enabuwẽ nuikĩ hatu shinãkĩ Senhor Deusũ hatu merabewakĩ Síria nawabu hatu nemashũkubainikiaki. Hatu txakabuwakĩ yamawakatsi ikama inũ ha bebunua hatu putakatsi ikama ikũkainikiaki. Na habiatiã Senhor Deusũ hatu mekeriakubainikiki.

2 Reis 23:27

Senhor Deusũ yuikĩ: “Haska Samaria anushũ hatu yunuaibu Israelĩ enabũ nĩkakĩ ea txibãkubainabuma ẽ henebaini keska wakĩ Judá enaburi putakĩ ẽ hatu danãshanaii, ana hawa hatu nemashunamarã. Ha maewã Jerusalém ẽ katubiani ẽ danãshanaii, ana mekeamarã. Hawẽ kẽwãti hiwekiri: ‘Ẽ kena hayakũkaĩshanikiki’, akĩ ẽ yuibiani ha dikabi ẽ mebĩshanaii”, iwanã, yuinikiaki.

2 Reis 24:20

hatuki sinatakĩ Jerusalém inũ Judá enabũ mai pakea anua mekekĩ Senhor Deusũ ana habukiri shinãma hatu putanikiaki.

Salmos 43:2

Mĩ ẽ Deusũ ea kebẽkĩ ea mekebia haskakĩ ea danãkĩ putatã mĩ txai niamẽ? Habu eki sinataibũ ea itxakawakĩ bika tenemaibũ haskai nuitapai ẽ punu nuka nikũkainai?

Jeremias 7:15

Matu haska besti wama ea bebunua matu putakĩ txaihaira ẽ matu nitxĩshanaii, Efraimnẽ enabũ ea ana txibãbuma ẽ hatu nitxini keska wariakinã”, iwanã,

Lucas 11:13

Haskakẽ mã pepamabia matũ bakebu mã duawamis mã unaiĩ. Hamẽ haska binumakĩ Epa Deus nai anuatũ mã tsuabũra yukai nĩkatã hawẽ Yushĩ Pepa matu inãmiski— hatu wanikiaki.

João 14:26

Hakia hawẽ Yushĩ Pepa matũ Mekenã Bena ẽ kenaya ẽ Epa Deusũ yunua hushũ haska ẽ matu yusĩkubaĩmis dasibi ẽ matu yuiai ana shabakabi matu xinãmakubaĩshanikiki.

Romanos 1:4

Hanua Jesus tenãbu mawaxina hawẽ Yushĩ Pepabetã hawẽ kuxipawẽ Deusũ bestẽwãtã: “Narã, ẽ bake kuxipahaira dasibi binuaki”, akĩ Jesus Cristokiri nuku shabakabi unãmaniki.

Romanos 8:9

Hakia natianã, Deusũ Yushĩ Pepa mã haya matuki dasishũ matu mekeaya txakabuki petxitã mã ana ha txibãmaki. Hamẽ tsuabura Jesusũ Yushĩ Pepa hayama haki dasiama Cristonabumaki.

Efésios 4:30

Haskakẽ habe matu hiwemakatsis ikĩ hamebi Deusũ nai anu matu iyushanũ, iwanã, hawenabu wakĩ matu unãti wakatsi matu inãni hawẽ Yushĩ Pepa ma hayarã, ana txakabukĩ hawẽ Yushĩ Pepa punu nukawayamakubaĩkãwẽ.

2 Tesalonicenses 1:9

Hamẽ nuku haska wamisbuwẽ taeshũ habu kupikĩ nuitapawariakĩ ikibi imakĩ hawẽ kuxipa paewẽ benukĩ inũ hawẽ txasha pepa hawẽrua hatu uĩmakatsi ikama ha bebunua txaihaira hatu putashanikiki.

Juízes 13:25

shaba betsatiã mae betsa Zorá inũ mae betsa Estaol namakis Jacó bake Dã enabube Sansão hiweyukẽ hanushũ Senhor Deusũ Yushinẽ Sansão atxitã kushipa wakĩ taewaya

Juízes 15:14

mae Leí anu hawenabũ Sansão Filisteu nawabu hatu iyushunabu betxibirani hatuki nukui hatũ tari hiwe anua kaĩbirani benimahairai sai sai ibiranaibũ Senhor Deusũ Yushinĩ Sansão kushipawaya hawẽ pũyãyabi hawẽ mekẽ dispiwẽ neashũ iweabu dasibi tesekaini dispi menua keskai niri iki keyuaya

Juízes 16:20

hui kushipawẽ Dalilã ana kenakĩ yuikĩ: —Sansãonẽ, mia atxinũ ika Filisteu nawabu mia anu bekanikiki— aka besteĩ haska imis keskai dabanẽ hatu detenũ ika benibiakauana Senhor Deusũ ana hawẽ kushipa inãma dapashkakĩ henea Sansãonẽ unãma

1 Samuel 10:10

hanua hawẽ dayarube Saul Gibeá ma kemai kai Deusũ hãtxa yuishunikabu benimabirani Saulki nukuabu Deusũ yushinĩ Saul betsa wakĩ kushipa wa nishi paewẽ paeã keska benimakĩ hatubetã Saulũ Deus kẽwãkubainaya

1 Samuel 16:14

Hanushũ Senhor Deusũ yushinĩ Saul henebaĩkẽ hakia hau bika tenemakubaĩshanũ yushĩ txakabu Senhor Deusũ yunua haki hikishina Saul ana shinã pewamamakĩ bika tenemaya