Juízes 16:20 - Kaxinawá Bíblia (BR)

²⁰ hui kushipawẽ Dalilã ana kenakĩ yuikĩ: —Sansãonẽ, mia atxinũ ika Filisteu nawabu mia anu bekanikiki— aka besteĩ haska imis keskai dabanẽ hatu detenũ ika benibiakauana Senhor Deusũ ana hawẽ kushipa inãma dapashkakĩ henea Sansãonẽ unãma

Juízes 16:20 Referencias Cruzadas

Isaías 42:24

Jacó enabu, Israelburã, hau hatu atxitã bitxishanũbũ tsuã hatu yununimẽ? Txanimẽ, Senhor Deusũ hatu anirã? Txanimaki. Habu Deuskiri txakabuhairakĩ hawa txibã pewama bai kayatapia hatu unãti wamabiakubaina hawa hawẽ yusiã nĩkakĩ txibãshunabumaki.

Números 14:9

Hakia nukũ mekenika Senhor Deus danãyamakãwẽ. Ha dikabi, ha mai pakea anu hiweabuwẽ dateyamariakãwẽ. Senhor Deusũ nuku merabewakĩ hatũ mekenika yushibu nemaya misi pia keska wakĩ nũ hawaira hatu maemashanaii. Nukurã, Senhor Deuski nũ txiti ikaki. Hakia haburã, tsuã hatu mekeamaki. Hatuwẽ hawa dateyamakãwẽ— hatu abiabu

Mateus 17:20

Jesusũ nuku yuikĩ: —Ea ikũ kayabihairawariama mã atiruma ishuki. Txanima hãtxa ẽ matu yuiai nĩkakãwẽ. Mostarda hawẽ heshe pesheixtabia banabu ewai hi ewapamiski. Habiaskari wakĩ ea ikũ pixtawabiakĩ ẽ kuxipa xinãkĩ na mati yuikĩ: “Nenua maei betsa anu katãwẽ”, mã wa matu nĩkatã ha mati maetiruki. Hamẽ ea ikũ kayabi wakĩ dasibi mã haska atirubuki— nuku watã

Josué 7:12

Haskawẽ taeshũ minabũ hatuki sinataibu hatube detenamei kabia hatu maemama kushibirãshinaburã, ha haska txakabuwashinabuwẽ taeshũ matu kupikĩ ẽ matu yamawatiruki. Ha mabu yunukĩ metima ẽ washina ha yumetsushina anua mĩ hawaira bitã yamawamakẽ eãri ẽ matu ana merabewama ishanaii, mã ana detenameaitianã. Detenamei bua mã ana pasha bestikũkaĩshanaii.

Juízes 16:14

ha hi kupawẽ maiki seukĩ mestẽhairawatã ana hui kushipawẽ kenakĩ yuikĩ: —Sansãonẽ, ma mia atxinũ ika mianu Filisteu nawabu bekanikiki— aka besteĩ benikauãkĩ ha hawẽ seua betsekĩ ha haki bu timakĩ mestẽwãshu nasa keyuaya

Juízes 16:19

Dalilã hawẽ kishiki datãshũ Sansão ushãkĩ hawẽ bu pashkashũ 7 washũ kapikũshina hau meshtenũ huni betsa kena hushũ meshtekĩ keyuhairatã kaya Sansãonẽ hawẽ kushipa benua babuaya itxakawakĩ

Juízes 16:21

ma babukẽ Filisteu nawabũ atxishũ nupewẽ hawẽ beru tsekatã maewã Gaza anu iyukĩ bronze mane dispi txiwetameyawẽ neashũ hanu bitxiti hiwe merãshũ shekiwã denekĩ durumisbu anu dayamakĩ shaba tibi hawẽ deneti mishki ewapa sibĩmakĩ dayamakubainaibũ

Juízes 16:3

hakia Sansão yamenapũ aĩbube besti ishĩ habiatiãri hawaira Sansãonẽ aĩbu txibutukaini kakĩ mae hanu hikiti shui anu hune bepubiabũ hawẽ beputi txibuyabis tasketã dasibi iabaĩkĩ txai bushũ mae betsa Hebrom besusi mati mamaki mapebaĩ beputi kepinikiaki.

1 Samuel 16:14

Hanushũ Senhor Deusũ yushinĩ Saul henebaĩkẽ hakia hau bika tenemakubaĩshanũ yushĩ txakabu Senhor Deusũ yunua haki hikishina Saul ana shinã pewamamakĩ bika tenemaya

1 Samuel 18:10

haska washina shaba betsatiã Deusũ yunua yushĩ txakabũ Saulki hikitã hawẽ hiwe hawẽrua anua Saul dushku itsai bika teneaya shushawakĩ mimawashũmis keska wakĩ harpa Davĩ mawashunaya Saulũ hashi tsumashũ

1 Samuel 18:12

ana Senhor Deusũ Saul merabewama Davi merabewaiwẽ taea Daviki Saul datekũkaĩkĩ