1 Samuel 2:11 - Kaxinawá Bíblia (BR)

hanua Elcana hawenabube hawẽ mae Ramá anu txĩtũbaini hikiabũ hakia hau Elĩ yunua Senhor Deus dayashũkũkaĩshanũ hawẽ huni bake Samuel Anã bashishũbainikiaki.

1 Samuel 2:11 Referencias Cruzadas

1 Samuel 1:1

José bake Efraimnẽ shenipabũ maewã mati mananã anu mae betsa Ramataim-Zofim anu huni betsa Efraimnẽ enabu Elcana hiwenikiaki, Zufẽ enabu betsarã. Efraimnẽ enabu Zufẽ huni bake betsa Toú inikiaki. Toũ huni bake betsa Eliú inikiaki. Eliú huni bake betsa Jeroão inikiaki. Jeroãonẽ huni bake betsa Elcana inikiaki.

1 Samuel 1:19

Ushashini penama bestẽtã Senhor Deus kẽwãtã txĩtũkaini hatũ mae Ramá anu hikimabu hawẽ aĩ Ana Elcanã txutakubainaya haska Anã yukakĩ ea ashiã Senhor Deusũ nĩkaimashũ shinãkĩ

1 Samuel 1:28

Haskawẽ taeshũ ẽ Senhor Deusbe yubakani meribi hawena ma ẽ inãkĩ nitxĩshuniyuaki, hau hawẽ hiwea hirabiwẽri Senhor Deus dayashũkũkaĩshanunã. Miã yume washũkĩ dayamashũkubaĩshãwẽ— aka nĩkatã benimai ibu wai Eli Senhor Deus bebũ maĩ beti ishũ kẽwanikiaki.

1 Samuel 2:18

haskabiaibũ Samuelĩ éfode tari mãyunepa yura putxinĩ kesua saweshũ bakeishtã Senhor Deus duawakĩ Deusbe hatu hãtxashunika shanẽ ibu Eli merabewakubainaya

1 Samuel 3:1

Elĩ yunua Samuel Senhor Deus dayashũkũkainaya habiatiãri haska tashnimakĩ Senhor Deusũ tsua hawẽtsaĩs hãtxa waisma inũ hatiraki tsuara shabakabi namai keskawẽ hatu uĩmakĩ hawẽ hãtxa hatu yuisma

1 Samuel 3:15

Samuel dakayukẽ penama bestẽshũ Senhor Deuski nukuti tari hiwe hikiti shui bepeã haska Senhor Deusũ yuiwana Samuelĩ shinaĩ Eli yuikatsi ikama hawẽ dateaya

1 Samuel 7:17

Haskakũkaũtani hanua kaini Ramá anu txĩtuinã, habianuri Senhor Deus kẽwãti txi tapu wani anu inũ hari hiwea shanẽ ibukĩ Israelĩ enabu Samuelĩ hatu yunupaunikiaki.