1 Samuel 13:5 - Kaxinawá Bíblia (BR)

Filisteu nawabu Israelĩ enabube hatuberi detenamerianũ ishũ hawenabu 30.000 detenamenikabu cavalo tarãtiki mapuabu inũ, 6.000 detenamenikabu cavaloki katsaumeabu inũ, detenamenikabu maĩ bunikabu ianẽwã kesha anu mashi keska tsuã hati hatu tanatiruma hatu yunukĩ Filisteu nawa shanẽ ibubũ hatu itxawabu hati hayabu Micmás anu mapekebaini hikishũ mae betsa bari huaikiri Bete-Áven anushũ hatũ tari hiwe pũtebaunabũ

1 Samuel 13:5 Referencias Cruzadas

2 Samuel 17:11

Eã ẽ mia yusiainã, eska shinãkĩ ẽ mia yuiai nĩkawe. Israelĩ enabu huni dasibibu norte Dã anua inũ sul Berseba anua namakis hiweabu ianẽwã kesha mashiti keska mia anu hau itxai keyushanũbũwẽ. Ma mĩ hanu hatu itxawa mĩ epã enabube detenamenũ ika miã ibubis hatu yunui hatube kashãwẽ.

Romanos 9:27

Haska inũ, Israelbukiri Isaíasĩ yuikĩ: “Unãshubira akama haska hawẽ hãtxawẽ yubakani hawaira menekĩ ashanikiki, mai hirabi anu hiwebaunabu hatũ txakabuwẽ Deusũ hatu kupikinã. Hanushũ Israelbu mirimahaira maxitibiabũ eskarabes Deusũ hawenabu watã habu mekepakeshanikiki”,

Josué 7:2

shaba betsatiã mae Betel anua bari huaikiri mae betsa Bete-Áven dapi Ai anu hau uĩbaũtanũbũ huni eskarabes Josué Jericó anushũ hatu yunukĩ: “Aikiri bushũ hune mapekebaĩ uĩbaũtãkãwẽ”, hatu wa nĩkatã mapekebaĩ Ai dapi hune uĩbaũtani

Juízes 7:12

hanu Midiã nawabu inũ, Amaleque nawabu inũ, nawa betsa bari huaikiria beshiã pabaũkĩ napãpa hirabi keyubia maninibukiaki, shini mirima keska maniabu inũ hatũ camelo mirimaya ianẽwã kesha mashiti tsuã tanatiruma keskarã.

1 Samuel 13:11

Samuelĩ hawaira yuikĩ: —Haskakĩ mĩ haska washumẽ?— aka kemakĩ Saulũ yuikĩ: —Huni bestibu tibi inũ bui taewaibũ ẽ uiã haska mĩ ea yubakĩ yuishina ma binuaya mĩ huriama Micmás anu Filisteu nawabu mirima itxai keyuaibũ

1 Samuel 13:2

detenamenika hau ikubaĩshanũbũ Israelĩ enabu 3.000 huni detenamenikabu katukẽ Betel manã mati matipa anu mae betsa Micmás anu 2.000 detenamenikabu habe bashikuabu hanua 1.000 detenamenikabu hawẽ huni bake iyua Jônatasbe hawẽ epa Saulũ yunua Benjamimnẽ enabũ maiwã pakea Gibeá anu hari hatu binukĩ keshemai kakẽ hanua hatiri yurabu tesheabu hau hatũ hiwetã bunũbũ Saulũ hatu yunua buabũ

1 Samuel 14:23

Bete-Áven anushũ hatu dete keyutã txĩtũtanibukiaki. Haska wakĩ Senhor Deusũ Israelĩ enabu merabewakĩ Filisteu nawabu hatu putamanikiaki.

1 Samuel 14:52

Saul hanua shanẽ ibuima hiwekũkaĩkĩ Filisteu nawabube detenamei heneama mesebiakẽ Saulũ huni kushipabu katutã hau habetã Filisteu nawabu detenũbũ hatu itxawakubainikiaki.

1 Samuel 17:1

Israelĩ enabu detenamenikabube detenamenũ ika Filisteu nawa shanẽ ibubũ hawẽ detenamenikabu hatu itxawabirã Judá enabũ maiwã pakea anu mae betsa Socó inũ Azeca namakis Damim mae anu hatũ tari hiwe pũtebaunabũ

1 Samuel 7:13

Israelĩ enabũ ma Filisteu nawabu hatu maemakĩ keyuabuwẽ taea Filisteu nawabũ Israelĩ enabũ mae anu txĩtũkirã hatu ana meãma ikubainibukiaki, Samuel hiweatiã Senhor Deus Filisteu nawabuki sinataiwẽ taearã.