1 Samuel 13:4 - Kaxinawá Bíblia (BR)

⁴ hatu banabimabaũkĩ: —Filisteu nawa detenamenikabu Saulũ hatu detekĩ keyushinawẽ taea Filisteu nawa dasibibu Israelĩ enabuki sinatahairaibũ Gilgal anu dasibibu Saul anu ma itxakanikiki— hatu wabu ma nĩkakĩ keyuabũ

1 Samuel 13:4 Referencias Cruzadas

Gênesis 34:30

Hawẽ bakebũ hatu haska washuwẽ taea hatuki sinatakĩ Jacó hawẽ bake Simeão inũ Levi hatu ha akĩ yuikĩ: —Ea txakabuwakĩ nawa betsa betsapa mã ea hatu mesewamashuki, Canaã nawabu inũ Ferezeu nawaburã. Nukurã, nũ eskarabeski. Hakia haburã, itxapahairabuki. Habu dasitã nuku dete keyukĩ nuku yamawashãkanikiki, ea inũ enabu nuku teshe heneamarã— hatu wa

Gênesis 46:34

unanumas yuiyamashãkãwẽ: “Nukurã, nũ txashuwã mekenikabuki, nukũ shenipabu keskarã”, mã wa matu nĩkatã ha mae Gósen anu matu hiwemashanikiki, Egito nawabu txashuwã mekenikabube mã husitã hiwetirubumawẽ taearã— hatu watã

Êxodo 5:21

hatuki sinatakĩ habũ yuikĩ: —Nuku bika tenemakĩ hau nuku tenãshanũbũ hawenabu Faraó nukukiri txakabu shinãmakĩ mã hatu nukuki sinatamaii. Mã haska waiwẽ taeshũ Senhor Deusũ matu unãti watã hau matu kupishanũwẽ— hatu watã tashnibainaibũ

Josué 5:9

hanushũ Senhor Deusũ Josué ana yuikĩ: “Egito anu hiweshũ hatũ txakabu tibi tapinishũ mã hawẽ ea dakewakubiranimabuki. Hakia mã ma hatũ hina kubitxi hatu meshtemawẽ taea ẽ ana matuki dakeamaki, matũ txakabu ana shinãmarã”, anikiaki. Haskawẽ taeshũ ha mae kenakĩ: “Gilgalki”, amisbuki. Gilgalrã, nukũ hãtxawenã, “Hatũ Txakabu Putakĩ Tarã Keska Waniki.”

1 Samuel 10:8

Mĩ haskakaĩshina bebũkiri Gilgal anu kashãwẽ, hari ana ẽ miki nukui kashanaii. Harishũ mibetã inabu sheni menukĩ keyutã hawẽ nami Deus daewati inãkuĩkĩ nũ daewashanaii. Harishũ 7 shaba ea manashãwẽ, ẽ kai miki nukushanairã, mĩ haska wakubaĩshanai harishũ shabakabi ẽ mia ana yui kashanairã— aka