Josué 7:2 - Kaxinawá Bíblia (BR)

² shaba betsatiã mae Betel anua bari huaikiri mae betsa Bete-Áven dapi Ai anu hau uĩbaũtanũbũ huni eskarabes Josué Jericó anushũ hatu yunukĩ: “Aikiri bushũ hune mapekebaĩ uĩbaũtãkãwẽ”, hatu wa nĩkatã mapekebaĩ Ai dapi hune uĩbaũtani

Josué 7:2 Referencias Cruzadas

Gênesis 12:8

Hanua bari huaikiri kai mati betsanu mati betsa Betel inũ Ai mae betsa namakis hatũ bitxi tari hiwe nitxĩshinabũ hanushũ Abrão ana Senhor Deus kẽwanũ ishũ mishki ana mãtxĩkĩ itxawatã Senhor Deusũ kenawẽ ana kushipa yukakĩ kẽwãrianikiaki.

Gênesis 28:19

Haskakẽ uatiã ha mae ha dukũ nawabũ kenakĩ: “Luzki”, anibu hanushũ Jacó kena bena maewakĩ: “Betelki, Hanu Deus Hiwea Maerã”, anikiaki.

1 Reis 12:29

Betel hanu hawẽ Deuski nukuti tari hiwe pũtenibu anu ina awa dami bestitxai hatu bumashũ nitxĩmashũ hanushũ ina awa dami betsa nortehairakiri mae betsa hawẽ kena Dã anu hatu buma hatube kashũ hatu nitxĩmariakẽ

Provérbios 20:18

Hatube detenamekĩ hau hatu binushanũ, iwanã, hatũ unanepabũ hatu merabewakĩ hatu yusiãbu nĩkatã habu detenamenika shanẽ ibubu ana pe yubakatirubuki.

Mateus 10:16

ana nuku yuikĩ: —Eskawẽ taeshũ ẽ matu yuiai nĩkairakãwẽ. Kamã inu pubẽbu anu mã ẽ 12 tsumabu txashuwã pepa nitxiã keska wakĩ ẽ matu yunuaii, mã ẽ tsumabu ewẽ taea matuki sinataibu anurã. Haskawẽ taea dunu tsuã parãtiruma unãnepai inũ deiwã pepa keskakĩ tsua sinatamayamashãkãwẽ.

Efésios 5:15

Haskakẽ matũ hiwearã, uĩrakãwẽ. Hawara mã akai txibaĩ pe bestikubaĩkãwẽ, unaĩsmapamarã, hakia unãnepairã.

Josué 2:1

Sitim anua kashũ hau hune uĩbaũtanũbũ huni dabe Josué hatu yunukĩ yuikĩ: “Ukeri Jericó inũ hatũ mae kesuakea hune nuku uĩshũbaũtãkãwẽ”, hatu wa bui Hene Jordão pukebaini huĩti kushikaĩ Jericó anu hikitã hanu ushanũ ika Raabe aĩbu hininipa dasibibũ memis hiwe anu hikia maniabũ

Josué 7:3

txĩtũbirã Josué anu beshũ betsã yuikĩ: “Nukunabu dasibi hau buyamashanũbũwẽ. 2.000 huni detenamenikabu kasmai 3.000 besti mĩ hatu yunutiruki, nukunabu itxapa hatu yunuamarã. Ai mae anu hiweshũ habũ mekeaburã, mawaira itxapabumaki. Hatu maematã ha mae nũ ibuwatirubuki”, akabu

1 Samuel 13:5

Filisteu nawabu Israelĩ enabube hatuberi detenamerianũ ishũ hawenabu 30.000 detenamenikabu cavalo tarãtiki mapuabu inũ, 6.000 detenamenikabu cavaloki katsaumeabu inũ, detenamenikabu maĩ bunikabu ianẽwã kesha anu mashi keska tsuã hati hatu tanatiruma hatu yunukĩ Filisteu nawa shanẽ ibubũ hatu itxawabu hati hayabu Micmás anu mapekebaini hikishũ mae betsa bari huaikiri Bete-Áven anushũ hatũ tari hiwe pũtebaunabũ

1 Samuel 14:23

Bete-Áven anushũ hatu dete keyutã txĩtũtanibukiaki. Haska wakĩ Senhor Deusũ Israelĩ enabu merabewakĩ Filisteu nawabu hatu putamanikiaki.