1 Samuel 14:52 - Kaxinawá Bíblia (BR)

⁵² Saul hanua shanẽ ibuima hiwekũkaĩkĩ Filisteu nawabube detenamei heneama mesebiakẽ Saulũ huni kushipabu katutã hau habetã Filisteu nawabu detenũbũ hatu itxawakubainikiaki.

1 Samuel 14:52 Referencias Cruzadas

1 Samuel 13:5

Filisteu nawabu Israelĩ enabube hatuberi detenamerianũ ishũ hawenabu 30.000 detenamenikabu cavalo tarãtiki mapuabu inũ, 6.000 detenamenikabu cavaloki katsaumeabu inũ, detenamenikabu maĩ bunikabu ianẽwã kesha anu mashi keska tsuã hati hatu tanatiruma hatu yunukĩ Filisteu nawa shanẽ ibubũ hatu itxawabu hati hayabu Micmás anu mapekebaini hikishũ mae betsa bari huaikiri Bete-Áven anushũ hatũ tari hiwe pũtebaunabũ

1 Samuel 14:47

Hatu haska watã tsuã ana nematirubuma Israelĩ enabu dasibi yunukubaĩkĩ Saul shanẽ ibuhairakĩ nawabu hiwebaunabu haki sinataibu hatu nemakĩ maemakubainikiaki. Moabe nawabu inũ, Amom nawabu inũ, Edom nawabu inũ, mae betsa Zobá anua shanẽ ibubu inũ, Filisteu nawaburã, hanira hatũ mae anu kakĩ hatu maemakubaĩpaunikiaki.

1 Samuel 8:1

Anibui Samuel babukĩ hau habũ Israelĩ enabu unãti wanika kushipa hau hatu ishũkubaĩshanũbũ hawẽ huni bake dabe katukĩ yununikiaki.

1 Samuel 8:11

yuikĩ: —Haska yununika shanẽ ibu kushipahairatũ matu akubaĩshanai matu yuinũ ea nĩkakãwẽ. Matũ bakebu kenatã detenamenikabu hatu yunukĩ hatiri detenamenikabu wakĩ hatiri hawẽ cavalo tarãtiki mapumisbu wakĩ hatiri itxapa cavaloki katsaumebaĩtirubu hatu wakĩ hanushũ hatiri habũ shanẽ ibu kushipahaira mekenikabu hatu washũ hatu yunupakeshãkanikiki,