Psalms 113:3 - Die Bybel 2020-vertaling

Mag, van waar die son opkom tot waar dit ondergaan, die Naam van die Here geloof word.

Bybel vir almal

Almal moet die Naam van die Here prys, van waar die son opkom tot waar hy ondergaan.

Afrikaans 1933-1953

Van die opgang van die son tot by sy ondergang moet die Naam van die Here geloof word!

Afrikaans 1983

Van waar die son opkom tot waar dit ondergaan, moet die Naam van die Here geprys word!

Contemporary Afrikaans Bible 2023

Van die opgang van die son af tot die ondergang daarvan moet die Naam van die HERE geloof word.

Die Boodskap

Van die môre tot die aand moet julle sy Naam loof.

Nuwe Lewende Vertaling

Van waar die son opkom tot waar dit ondergaan, moet die Naam van die Here geprys word.

Psalms 113:3 Kruisverwysings

Psalms 18:3

Die Here is my rotsvesting, my bergskuiling, my bevryder. My God is my rots by wie ek skuil, my skild en die horing van my redding, my toevlugsoord.

Psalms 48:10

In u •tempel, o God, dink ons na oor u troue liefde.

Psalms 50:1

'n Psalm. Van Asaf. Die God van die gode, die Here, het gepraat en die aarde opgeroep – van waar die son opkom tot waar dit ondergaan.

Psalms 72:11

Al die konings sal diep voor hom buig, al die nasies sal hom dien;

Psalms 86:9

Al die nasies wat U gemaak het, sal kom en voor U, my Heer, in aanbidding buig; hulle sal u Naam eer.

Jesaja 24:16

Van die uithoeke van die aarde af hoor ons liedere – 'n sieraad vir die Regverdige. Maar ek sê: “Dit is klaar met my! Dit is klaar met my! Wee my!” Verraderlike mense is ontrou; verraderlike mense pleeg verraad.

Jesaja 49:13

Jubel, hemel, en juig, aarde! Breek uit in jubelkrete, berge! Want die Here het sy volk getroos, Hom oor sy magteloses ontferm.

Jesaja 59:19

In die weste sal hulle ontsag hê vir die Naam van die Here, in die ooste vir sy heerlikheid. Want Hy sal kom soos 'n rivier in 'n vernouing, wat deur die wind van die Here voortgedryf word.

Habakuk 2:14

Ja, die aarde sal gevul word met die kennis van die heerlikheid van die Here soos water die see oordek.

Maleagi 1:11

Immers, van waar die son opkom tot waar hy ondergaan, is my Naam groot onder die nasies en op elke plek word reukwerk en 'n rein offer aangebied vir my Naam, want my Naam is groot onder die nasies,” sê die Here, Heerser oor alle magte.

Openbaring 11:15

Die sewende engel het toe op sy trompet geblaas. In die hemel het luide stemme opgeklink wat uitroep: “Die heerskappy van ons Here en sy •Christus oor die wêreld het aangebreek, en Hy sal as koning heers, vir ewig en ewig.”