Psalms 50:1 - Die Bybel 2020-vertaling

¹ 'n Psalm. Van Asaf. Die God van die gode, die Here, het gepraat en die aarde opgeroep – van waar die son opkom tot waar dit ondergaan.

Bybel vir almal

¹ 'n Psalm van Asaf. Dit is God, God die Here, wat praat. Hy roep al die mense op die aarde, Hy roep hulle van waar die son opkom tot waar die son ondergaan.

Afrikaans 1933-1953

¹ 'n PSALM van Asaf. Die God van die gode, die Here, spreek en roep die aarde, van die opgang van die son af tot sy ondergang toe.

Afrikaans 1983

¹ 'n Psalm van Asaf. Die Here is God, Hy alleen is God. Hy spreek, Hy roep die hele wêreld op, van waar die son opkom tot waar hy ondergaan.

Contemporary Afrikaans Bible 2023

¹ ('n Psalm van Asaf.) Die magtige God, die HERE, het gespreek en die aarde geroep van die opgang van die son tot sy ondergang.

Die Boodskap

¹ God, die Here, wat alles kan doen wat Hy wil, praat. Hy alleen is God. Hy roep die hele wêreld nader. Almal moet na Hom luister.

Psalms 50:1 Kruisverwysings

Genesis 17:1

Toe Abram nege-en-negentig jaar oud was, het die Here aan Abram verskyn en vir hom gesê: “Ek is God, die Almagtige. Leef voor My, en wees onberispelik!

1 Konings 18:21

Elia het nader gegaan na die hele volk en gesê: “Hoe lank gaan julle nog op twee krukke bly hink? As die Here God is, volg Hom; as dit Baäl is, volg hom. ” Maar die volk het hom nie met 'n enkele woord geantwoord nie.

1 Kronieke 15:17

Die Leviete het toe Heman, seun van Joël, laat aantree, en uit sy stamgenote Asaf, seun van Beregja, asook Etan, seun van Kusaja, uit die nageslag van Merari, hulle stamgenote;

1 Kronieke 16:37

Dawid het Asaf en sy stamgenote daar voor die verbondsark van die Here laat bly om deurentyd voor die ark diens te doen volgens die vereistes van elke dag.

1 Kronieke 25:2

Vir die nageslag van Asaf was dit Sakkur, Josef, Netanja en Asarela, die seuns van Asaf, onder leiding van Asaf, wat op aanwysing van die koning geesdriftig moes speel.

1 Kronieke 25:6

Al hierdie manne het onder leiding van hulle pa's, dit is Asaf, Jedoetoen en Heman, opgetree by die sang in die huis van die Here, met simbale, harpe en liere vir die diens in die huis van God, op aanwysing van die koning.

1 Kronieke 6:24

dié se seun Tagat, dié se seun Uriël, dié se seun Ussia, en dié se seun Saul.

2 Kronieke 29:30

Koning Hiskia en die leiers het vir die Leviete gesê om die Here te loof met die woorde van Dawid en van Asaf, die siener. Hulle het toe die Here met vreugde geloof, gekniel en in aanbidding gebuig.

Nehemia 9:32

“ Daarom, ons God, groot, magtige en ontsagwekkende God, U wat bly by die verbond en u troue liefde, laat dit tog nie gering wees voor U nie, al die swaarkry wat ons ervaar het – ons konings en leiers, ons priesters en profete, ons voorouers en u hele volk – vanaf die dae van die konings van Assirië tot vandag toe.

Nehemia 9:6

U alleen is die Here; dit is U wat die hemelruim, die hoogste hemele, gemaak het en al sy hemelliggame, die aarde en alles daarop, die see en alles daarin. U hou dit alles aan die lewe; en die hemelliggame – voor U buig hulle in aanbidding.

Psalms 113:3

Mag, van waar die son opkom tot waar dit ondergaan, die Naam van die Here geloof word.

Psalms 73:1

'n Psalm. Van Asaf. God is waarlik vir Israel goed, vir hulle wat rein harte het.

Psalms 74:1

'n Maskiel. Van Asaf. Waarom, o God, verstoot U, smeul u toorn vir altyd teen die kleinvee van u weiplek?

Psalms 75:1

Vir die •musiekleier. Op “Moenie verwoes nie.” 'n Psalm. Van Asaf. 'n Lied.

Psalms 76:1

Vir die •musiekleier. Met snarespel. 'n Psalm. Van Asaf. 'n Lied.

Psalms 77:1

Vir die •musiekleier. Op Jedoetoen. Van Asaf. 'n Psalm.

Psalms 78:1

'n Maskiel. Van Asaf. My volk, luister na my onderrig; spits julle ore vir die woorde uit my mond.

Psalms 79:1

'n Psalm. Van Asaf. O God, nasies het in u eiendom ingegaan, hulle het u •heilige •tempel verontreinig; hulle het Jerusalem tot puinhope gemaak.

Psalms 80:1

Vir die •musiekleier. Op “Narsings”. 'n Getuienis. Van Asaf. 'n Psalm.

Psalms 81:1

Vir die •musiekleier. Op Haghittiet. Van Asaf.

Psalms 82:1

'n Psalm. Van Asaf. God gaan staan in die vergadering van die gode; in die teenwoordigheid van die gode lewer Hy uitspraak:

Psalms 83:1

'n Lied. 'n Psalm. Van Asaf.

Jesaja 1:2

Luister, hemel, en gee aandag, aarde, want die Here praat: “Kinders het Ek grootgemaak en opgevoed, maar hulle het teen My in verset gekom.

Jesaja 37:20

Daarom, Here ons God, verlos ons uit sy hand, sodat al die koninkryke van die aarde kan weet dat U alleen die Here is.”

Jesaja 54:5

Want Hy wat met jou trou, is jou Maker; die Here, Heerser oor alle magte is sy Naam. Hy wat jou loskoop, is die Heilige van Israel. God van die hele wêreld word Hy genoem.

Jesaja 9:6

Vir die uitbreiding van heerskappy en vir vrede sonder einde, sal hy op die troon van Dawid en oor sy koninkryk wees, om dit te vestig en te ondersteun deur reg en geregtigheid, van nou af en vir altyd. Die ywer van die Here, Heerser oor alle magte, sal dit doen.

Jeremia 10:6

Nie een is soos U nie, Here. U is groot, en u Naam is groot in krag.

Amos 3:8

'n Leeu het gebrul – wie sal nie bang wees nie? My Heer, die Here, het gepraat – wie sal nie profeteer nie?

Maleagi 1:11

Immers, van waar die son opkom tot waar hy ondergaan, is my Naam groot onder die nasies en op elke plek word reukwerk en 'n rein offer aangebied vir my Naam, want my Naam is groot onder die nasies,” sê die Here, Heerser oor alle magte.

Matteus 25:32

Al die nasies sal voor Hom byeengebring word, en Hy sal hulle van mekaar skei soos 'n herder die skape van die bokke skei.

Josua 22:22

“Die God van die gode, die Here, die God van die gode, die Here, Hy weet, en Israel moet dit weet: As dit uit opstand of in troubreuk teen die Here was, moet u ons vandag nie spaar nie.