Psalms 18:3 - Die Bybel 2020-vertaling

³ Die Here is my rotsvesting, my bergskuiling, my bevryder. My God is my rots by wie ek skuil, my skild en die horing van my redding, my toevlugsoord.

Bybel vir almal

³ Here, U is my Rots, my veilige plek in die berge, U maak my vry. My God, U is my rots, ek voel veilig by U, U is vir my soos 'n skild, U is sterk en U red my, U is vir my 'n veilige plek.

Afrikaans 1933-1953

³ Die Here is my rots en my bergvesting en my redder; my God, my rots by wie ek skuil; my skild en die horing van my heil, my rotsvesting.

Afrikaans 1983

³ Die Here is my rots, my skuilplek en my redder, my God, my rots, by wie ek skuil, my skild en sterk verlosser, my veilige vesting.

Contemporary Afrikaans Bible 2023

³ Ek sal die HERE aanroep wat lofwaardig is; so sal ek van my vyande verlos word.

Die Boodskap

³ Hy help my as ek in die moeilikheid is, want Hy is sterk. Ek kruip by Hom weg. Hy is my God, en Hy is reg rondom my om my veilig te hou.

Nuwe Lewende Vertaling

³ Die Here is my rots, my vesting en my redder, my God, en my rots by wie ek skuil. Hy is my skild, my magtige redder, my veilige vesting.

Psalms 18:3 Kruisverwysings

2 Samuel 22:4

Die Een wat geloof moet word – roep ek uit – is die Here! En van my vyande word ek verlos.

Nehemia 9:5

Die Leviete, Jesua, Kadmiël, Bani, Gasabneja, Serebja, Hodija, Sebanja en Petagja het gesê: “Staan op! Prys die Here julle God van ewigheid af en vir ewig! Laat hulle u heerlike Naam prys wat bo elke seënspreuk en loflied verhewe is.

Psalms 144:1

Van Dawid. Die Here, my rots, moet geprys word, Hy maak my hande bedrewe vir die geveg, my vingers vir die oorlog.

Psalms 145:3

Groot is die Here en besonder lofwaardig; sy grootheid is ondeurgrondelik.

Psalms 3:4

Maar U, Here, is vir my 'n skild aan alle kante; U is my eer, en die Een wat my kop hoog hou.

Psalms 31:4

Want U is my rotsvesting, en my bergskuiling; en ter wille van u Naam moet U my lei en begelei.

Psalms 48:1

'n Lied. 'n Psalm. Van die Koragiete.

Psalms 50:15

Roep My aan in 'n tyd van nood; Ek sal jou red, en jy sal My eer.”

Psalms 55:16

Mag die dood hulle onverhoeds betrap, mag hulle lewendig afdaal na die •doderyk; want boosheid is by hulle tuis, dit is in hulle midde.

Psalms 62:3

Net Hy is my rots, my verlossing, my toevlugsoord; ek sal beslis nie wankel nie.

Psalms 62:8

By God lê my verlossing, my eer. My sterk rots, my skuilplek, vind ek in God.

Psalms 71:3

Wees vir my 'n rots, 'n skuiling waarheen ek altyd kan gaan, wat U beskik vir my verlossing. Ja, U is my rotsvesting en my bergskuiling.

Psalms 76:4

Daar het Hy brandpyle uit die boog, skild en swaard en steekspies, stukkend gebreek. •Sela

Psalms 91:15

Hy sal My aanroep, en Ek sal hom antwoord. Ek sal by hom wees in nood; Ek sal hom red en aan hom eer gee.

Psalms 91:2

Ek sê vir die Here: “My skuilplek, my bergskuiling, my God op wie ek vertrou!”

Psalms 96:4

Want groot is die Here en besonder lofwaardig; Hy is ontsagwekkend, meer as alle gode.

Jeremia 16:19

Here, my sterkte, my beskutting, my toevlugsoord in die dag van nood, na U sal nasies kom van die uithoeke van die aarde af. Hulle sal sê: “Net leuens het ons voorouers geërf – nietige afgode, en onder hulle is daar nie een wat enigiets kan bied nie. ”

Lukas 1:71

verlossing van ons vyande en uit die hand van almal wat ons haat.

Handelinge 2:21

Dan sal elkeen wat die Naam van die Here aanroep, verlos word.’

Openbaring 4:11

“U is waardig, ons Here en God, om die heerlikheid en die eer en die krag te ontvang, omdat U alle dinge geskep het; deur u wil het alles ontstaan, is dit geskep.”