Masalimo 125 - Buku Lopatulika

Okhulupirira Yehova akhazikika mtima

Nyimbo yokwerera.

¹ Iwo akukhulupirira Yehova akunga phiri la Ziyoni, losasunthika, likhazikika kosatha.

² Monga mapiri azinga Yerusalemu, momwemo Yehova azinga anthu ake, kuyambira tsopano kufikira nthawi zonse.

³ Pakuti ndodo yachifumu ya choipa siidzapumula pa gawo la olungama; kuti olungama asatulutse dzanja lao kuchita chosalungama.

⁴ Chitirani chokoma, Yehova, iwo okhala okoma; iwo okhala oongoka mumtima mwao.

⁵ Koma iwo akupatula kutsata njira zao zokhotakhota, Yehova adzawachotsa pamodzi ndi ochita zopanda pake. Mtendere ukhale pa Israele.