အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




ဟေ​ရှာ​ယ 39:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

ထိုအခါ ပရောဖက်​ဟေရှာယ​သည် ဟေဇကိ​မင်းကြီး​ထံသို့​လာ​ပြီး “​ထို​သူ​တို့​သည် မည်သည့်​အကြောင်း​ကို ပြောဆို​ကြ​သနည်း​။ မည်သည့်​အရပ်​မှ လာ​ကြ​သနည်း​”​ဟု မေး​လျှင် ဟေဇကိ​မင်းကြီး​က “​သူ​တို့​သည် ဝေးလံ​သော​အရပ် ဘေဘီလုံ​မြို့​မှ လာ​ကြ​ပါ​၏​”​ဟု ဆို​လေ​၏​။

အခန်းကိုကြည့်ပါ။

Common Language Bible

ထို​နောက်​ဟေ​ရှာ​ယ​သည်​ဟေ​ဇ​ကိ​မင်း​ထံ သွား​၍``ထို​သူ​တို့​သည်​အ​ဘယ်​အ​ရပ်​မှ​လာ ပါ​သ​နည်း။ သူ​တို့​က​အ​ရှင့်​အား​အ​ဘယ် သို့​ပြော​ဆို​ကြ​ပါ​သ​နည်း'' ဟု​မေး​၏။ ဟေ​ဇ​ကိ​က``သူ​တို့​သည်​အ​လွန်​ဝေး​သော ဗာ​ဗု​လုန်​ပြည်​မှ​လာ​ပါ​သည်'' ဟု​ဆို​လျှင်၊

အခန်းကိုကြည့်ပါ။

Garrad Bible

ထို နောက် ဟေ ဇ ကိ မင်း ထံ ပ ရော ဖက် ဟေ ရှာ ယ ဝင် ရောက်၍ ထို သူ တို့ သည် မည် သို့ တင် လျှောက် ကြ သ နည်း။ မည် သည့် ပြည် မှ လာ ကြ သ နည်း ဟု မေး သော်၊ ဟေ ဇ ကိ မင်း က၊ ဝေး ကွာ သော ပြည်၊ ဗာ ဗု လုန် မြို့ မှ အ ကျွန်ုပ် ထံ လာ ရောက် ကြ ပါ ပြီ ဟု ပြန် ဆို လျှင်၊

အခန်းကိုကြည့်ပါ။

Judson Bible

ထို​အ​ခါ ပ​ရော​ဖက် ဟေ​ရှာ​ယ​သည် ဟေ​ဇ​ကိ​မင်း​ကြီး​ထံ​တော်​သို့ သွား၍၊ ထို​သူ​တို့​သည် အ​ဘယ်​သို့ ပြော​ကြ​ပါ​သ​နည်း။ အ​ဘယ်​ပြည်​မှ အ​ထံ​တော်​သို့ လာ​ကြ​ပါ​သ​နည်း​ဟု မေး​လျှောက်​သော်၊ ဟေ​ဇ​ကိ​မင်း​က၊ ဝေး​သော​အ​ရပ်၊ ဗာ​ဗု​လုန်​ပြည်​မှ ရောက်​လာ​ကြ​သည်​ဟု ပြန်​ပြော၏။

အခန်းကိုကြည့်ပါ။



ဟေ​ရှာ​ယ 39:3
15 ပူးပေါင်းရင်းမြစ်များ  

ထို့ကြောင့် ထာဝရဘုရား​သည် နာသန်​ကို ဒါဝိဒ်​မင်းကြီး​ထံ​စေလွှတ်​၏​။ နာသန်​သည် ဒါဝိဒ်​မင်းကြီး​ထံသို့​ရောက်​လျှင် “​မြို့​တစ်​မြို့​တွင် လူ​နှစ်​ဦး​ရှိ​၏​။ တစ်​ဦး​မှာ ချမ်းသာ​၍ တစ်​ဦး​မှာ ဆင်းရဲ​၏​။


ထိုအခါ စိတ်အာရုံရသူ​ဟာနနိ​သည် ယုဒ​ဘုရင်​အာသ​မင်းကြီး​ထံ​သွား​၍ “​သင်​သည် သင်​၏​ဘုရားသခင်​ထာဝရဘုရား​ကို မ​ကိုးစား​ဘဲ ဆီးရီးယား​ဘုရင်​ကို ကိုးစား​သောကြောင့် ဆီးရီးယား​ဘုရင်​၏​စစ်တပ်​သည် သင့်​လက်​မှ လွတ်မြောက်​သွား​ပြီ​။


ထိုအခါ ဟာနနိ​၏​သား ဗျာဒိတ်ရသူ​ယေဟု​သည် ယောရှဖတ်​မင်းကြီး​ထံ​အခစားဝင်​၍ “​ဆိုးယုတ်​သော​သူ​ကို ကူညီ​သင့်​သလော​။ ထာဝရဘုရား မုန်း​တော်မူ​သော​သူ​ကို သင်​ချစ်​သောကြောင့် ထာဝရဘုရား​ထံ​မှ အမျက်​တော်​သည် သင့်​အပေါ် ကျရောက်​လေ​ပြီ​။


ထို့ကြောင့် ထာဝရဘုရား​သည် အာမဇိ​မင်းကြီး​ကို အမျက်ထွက်​တော်မူ​၍ သူ့​ထံ​ပရောဖက်​တစ်​ပါး​ကို စေလွှတ်​ကာ “​မင်းကြီး​၏​လက်​မှ မိမိ​လူ​တို့​ကို​မ​ကယ်တင်​နိုင်​သော​လူမျိုးခြား​တို့​၏​ဘုရား​များ​ကို အဘယ်ကြောင့် ဆည်းကပ်​သနည်း​”​ဟု ဆို​၏​။


ထို​ကာလ​၌ ဟေဇကိ​မင်းကြီး​သည် သေလုနီးပါး​နာမကျန်း​ဖြစ်​လေ​၏​။ အာမုတ်​၏​သား ပရောဖက်​ဟေရှာယ​သည် သူ့​ထံသို့​လာ​၍ “​သင်​သေ​ရ​မည်​။ သင်​အသက်ရှင်​ရ​တော့​မည်​မ​ဟုတ်​သောကြောင့် သင့်​နန်းတွင်းရေး​ရာ​တို့​ကို စီမံ​ခဲ့​လော့​ဟူ၍ ထာဝရဘုရား မိန့်​တော်မူ​သည်​”​ဟု လျှောက်​လေ​၏​။


“​သင်​သည် ဟေဇကိ​မင်းကြီး​ထံသို့​သွား​၍ သင့်​ဘိုးဘေး​ဒါဝိဒ်​မင်းကြီး​၏​ဘုရားသခင် ထာဝရဘုရား​က ‘​သင်​၏​ဆုတောင်း​သံ​ကို ငါ​ကြား​ပြီ​။ သင်​၏​မျက်ရည်​ကို​လည်း ငါ​မြင်​ပြီ​။ ကြည့်ရှု​လော့​။ ငါ​သည် သင့်​အား တစ်ဆယ့်​ငါး​နှစ် ထပ်၍​အသက်ရှင်​စေ​မည်​။


ဟေရှာယ​က “​နန်းတော်​တွင် မည်သည့်​အရာ​ကို မြင်​ကြ​ပြီနည်း​”​ဟု မေး​လျှင် ဟေဇကိ​မင်းကြီး​က “​နန်းတော်​၌​ရှိသမျှ​တို့​ကို သူ​တို့​မြင်​ကြ​ပြီ​။ ဥစ္စာဘဏ္ဍာ​များ​ထဲမှ သူ​တို့​အား ငါ​မ​ပြ​သော​အရာ​တစ်စုံတစ်ခု​မျှ​မ​ရှိ​”​ဟု ပြန်ဖြေ​၏​။


“​လူမျိုးတကာ​တို့​အား အသိပေး​လော့​။ ဂျေရုဆလင်​မြို့​ကို ကြားသိ​စေ​လော့​။ မြို့​ကို​ဝိုင်း​ထား​မည့်​သူ​တို့​သည် ဝေး​သော​ပြည်​မှ​လာ​နေ​ပြီ​။ ယုဒ​ပြည်​ရှိ​မြို့​များ​ကို စစ်ငြာသံ​ပေး​ကြ​ပြီ​။


ထာဝရဘုရား​က “အို အစ္စရေး​လူမျိုး​၊ ကြည့်ရှု​လော့​။ ဝေး​သော​အရပ်​မှ လူမျိုးခြား​တစ်မျိုး​ကို သင့်​ထံ ငါ​ခေါ်ဆောင်​လာ​မည်​။ ထို​လူမျိုး​သည် အားကြီး​သော​လူမျိုး​၊ ရှေးကာလ​ကပင် ရှိ​နှင့်​သော​လူမျိုး​၊ သူ​တို့​ဘာသာစကား​ကို သင်​မ​သိ​၊ သူ​တို့​ပြော​သော​စကား​ကို သင်​နား​မ​လည်​သော လူမျိုး​ဖြစ်​၏​။


“ဇိအုန်​မြို့​၌ ထာဝရဘုရား မ​ရှိ​သလော​။ ထို​မြို့​၌​ရှင်ဘုရင် မ​ရှိ​သလော ဟူ၍​ဝေးလံ​သော​ပြည်​မှ ငါ့​လူမျိုး​သမီးပျို​၏​အော်ဟစ်သံ​ကို ကြား​ရ​ပါ​ပြီ​တကား​။ သူ​တို့​ကိုးကွယ်​သော​ရုပ်တုဆင်းတု​များ​၊ တိုင်းတစ်ပါးသား​တို့​ကိုးကွယ်​သော​ရုပ်တု​များ​ဖြင့် သူ​တို့​သည် ငါ့​ကို အဘယ်ကြောင့် အမျက်ထွက်​စေ​ကြ​သနည်း​။”


ထာဝရဘုရား​သည် မြေကြီး​စွန်း​ဝေး​သော​အရပ်​မှ လူမျိုး​တစ်​မျိုး​ကို သင့်​ထံသို့​ခေါ်ဆောင်​လာ​မည်​။ ထို​လူမျိုး​သည် လင်းယုန်​ထိုးသုတ်​သကဲ့သို့ သင့်​ကို ထိုးသုတ်​လိမ့်မည်​။ သူ​တို့​၏​ဘာသာစကား​ကို သင်​နား​မ​လည်​။


ယောရှု​တပ်စခန်း​ချ​ရာ ဂိလဂါလ​အရပ်​သို့ ရောက်လာ​ကြ​၏​။ ထို့နောက် ယောရှု​နှင့်​အစ္စရေး​အမျိုးသား​တို့​အား “​အကျွန်ုပ်​တို့​သည် ဝေး​သော​ပြည်​မှ လာ​ကြ​ပြီ​ဖြစ်၍ အကျွန်ုပ်​တို့​နှင့် မိတ်​ဖွဲ့​ပါ​လော့​”​ဟု ဆို​ကြ​၏​။


သူ​တို့​က​လည်း “​အကျွန်ုပ်​တို့​သည် သခင်​၏​ဘုရားသခင်​ထာဝရဘုရား​၏​နာမ​တော်​အကြောင်း​ကို​ကြား​၍ အလွန်​ဝေး​သော​ပြည်​မှ​လာ​သော သခင်​၏​ကျွန်​များ​ဖြစ်​ပါ​၏​။ အကျွန်ုပ်​တို့​သည် ထာဝရဘုရား​၏​ဂုဏ်​သတင်း​တော်​ကို​လည်းကောင်း​၊ အီဂျစ်​ပြည်​၌​ပြု​တော်မူ​ခဲ့​သမျှ​တို့​ကို​လည်းကောင်း​၊