အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




တ​ရား​ဟော 1:19 - မြန်​​​မာ့​​​စံ​​​မီ​​​သမ္မာ​​​ကျမ်း​​

ထိုမှ ငါ​တို့​သည် ငါ​တို့​၏​ဘုရားသခင်​ထာဝရဘုရား​မိန့်​တော်မူ​သည့်​အတိုင်း ဟောရပ်​တောင်​မှ ခရီးပြု​၍ အာမောရိ​တောင်ပေါ်ဒေသ​လမ်း​တစ်လျှောက်​ရှိ သင်​တို့​မြင်​ရ​သည့် ကြောက်မက်​ဖွယ်​တောကန္တာရ​ကြီး​ကို​ဖြတ်​ကာ ကာဒေရှဗာနာ​အရပ်​သို့ ရောက်​ကြ​၏​။

အခန်းကိုကြည့်ပါ။

Common Language Bible

``ငါ​တို့​၏​ဘု​ရား​သ​ခင်​ထာ​ဝ​ရ​ဘု​ရား မိန့်​တော်​မူ​သည့်​အ​တိုင်း ငါ​တို့​လိုက်​နာ​ကြ​၏။ ငါ​တို့​သည်​သိ​နာ​တောင်​မှ​ထွက်​ခွာ​ခဲ့​ပြီး နောက် အ​ပြော​ကျယ်​၍​ကြောက်​မက်​ဖွယ်​ကောင်း သော​တော​ကန္တာ​ရ​ကို​ဖြတ်​သန်း​လျက် တောင် ထူ​ထပ်​သော​အာ​မော​ရိ​ပြည်​သို့​ဦး​တည် ခ​ရီး​ပြု​ခဲ့​ကြ​၏။ ငါ​တို့​သည်​ကာ​ဒေ​ရှ ဗာ​နာ​အ​ရပ်​သို့​ရောက်​သော​အ​ခါ၊-

အခန်းကိုကြည့်ပါ။

Garrad Bible

ထို နောက် ငါ့ တို့ ဘု ရား သ ခင် ထာ ဝ ရ ဘု ရား မိန့် မှာ တော် မူ သည့် အ တိုင်း၊ သင် တို့ တွေ့ မြင် ခဲ့ သော ကြောက် မက် ဖွယ် သဲ တော ကြီး တစ် လျှောက်၊ ဟော ရပ် တောင် မှ အာ မော ရိ တောင် တန်း လမ်း ဖြင့် ချီ သွား လျက်၊ ကာ ဒေ ရှ ဗာ နာ မြို့ သို့ ရောက် ကြ ရာ၊

အခန်းကိုကြည့်ပါ။

Judson Bible

ငါ​တို့​သည် ဟော​ရပ်​အ​ရပ်​မှ​ထွက်​သော​နောက်၊ အာ​မော​ရိ​တောင်​သို့ သွား​သော​လမ်း​နား​မှာ ကြောက်​မက်​ဖွယ်​ဖြစ်၍ သင်​တို့​တွေ့​မြင်​သော တော​ကြီး​အ​လယ်၌၊ ငါ​တို့​ဘု​ရား​သ​ခင်​ထာ​ဝ​ရ​ဘု​ရား မှာ​ထား​တော်​မူ​သည်​အ​တိုင်း လျှောက်​သွား၍၊ ကာ​ဒေ​ရှ​ဗာ​နာ​အ​ရပ်​သို့ ရောက်​ကြ၏။

အခန်းကိုကြည့်ပါ။



တ​ရား​ဟော 1:19
13 ပူးပေါင်းရင်းမြစ်များ  

သူ​တို့​က ‘ငါ​တို့​ကို အီဂျစ်​ပြည်​မှ​ထုတ်ဆောင်​တော်မူ​ပြီးလျှင် ချောက်​ပေါများ​သော​သဲကန္တာရ​၊ ခြောက်သွေ့​၍​သေမင်းအရိပ်​လွှမ်းမိုး​ရာ​၊ နေထိုင်​သွားလာ​သူ​မ​ရှိ​ရာ တောကန္တာရ​တစ်လျှောက် ပို့ဆောင်​တော်မူ​သော​ထာဝရဘုရား​သည် အဘယ်မှာ​နည်း’​ဟု မ​မေး​ကြ​။


အစ္စရေး​အမျိုးသား​တို့​သည် သိနာ​တောကန္တာရ​မှ ခရီး​ထွက်ခွာ​လာ​ကြ​၏​။ မိုးတိမ်​သည် ပါရန်​တောကန္တာရ​၌ ရပ်တန့်​လေ​၏​။


အာရှာ​အမျိုးအနွယ်​မှ မိက္ခေလ​၏​သား သေသုရ​၊


သူ​တို့​ပြန်လာ​ကြ​၍ ကာဒေရှ​အရပ်​၊ ပါရန်​တောကန္တာရ​ရှိ မောရှေ​၊ အာရုန်​နှင့် အစ္စရေး​အမျိုးသား​လူထု​အပေါင်း​တို့​ထံသို့ ရောက်​ကြ​သောအခါ မောရှေ​၊ အာရုန်​နှင့် လူထု​အပေါင်း​တို့​ထံ အစီရင်ခံ​၍ ထို​ပြည်​မှ​ယူလာ​သော​အသီး​ကို​ပြ​ကြ​၏​။


ဤ​ပြည်​၌​နေထိုင်​သော​သူ​တို့​အား ပြောပြ​ကြ​ပါ​လိမ့်မည်​။ အို ထာဝရဘုရား​၊ ကိုယ်တော်​သည် ဤ​လူမျိုး​အလယ်​၌ ရှိ​တော်မူ​ကြောင်း​ကို​လည်းကောင်း​၊ အို ထာဝရဘုရား​၊ သူ​တို့​သည် ကိုယ်တော်​ကို ကိုယ်တိုင်​မြင်​ရ​၍ ကိုယ်တော်​၏​မိုးတိမ်​သည် သူ​တို့​အပေါ်​၌​တည်​လျက် နေ့​အချိန်​၌ မိုးတိမ်​တိုင်​၊ ညအချိန်​၌ မီး​တိုင်​အားဖြင့် ကိုယ်တော်​သည် သူ​တို့​၏​ရှေ့​မှ ကြွ​တော်မူ​ကြောင်း​ကို​လည်းကောင်း ဤ​ပြည်သား​တို့​ကြား​ထား​ကြ​ပါ​ပြီ​။


ထို​ပြည်​ကို​ကြည့်ရှု​ရန် သင်​တို့​၏​ဖခင်​တို့​ကို ကာဒေရှဗာနာ​အရပ်​မှ ငါ​စေလွှတ်​သောအခါ သူ​တို့​သည်​လည်း ဤသို့​ပြု​ခဲ့​ကြ​၏​။


(​ဟောရပ်​တောင်​မှ ကာဒေရှဗာနာ​အရပ်​အထိ စိရ​တောင်​လမ်း​ဖြင့်​သွား​လျှင် တစ်ဆယ့်​တစ်​ရက်​ကြာ​၏​။​)


ထိုအခါ ငါ​က သင်​တို့​အား ‘​ငါ​တို့​ဘုရားသခင်​ထာဝရဘုရား​ပေး​တော်မူ​သော အာမောရိ​တောင်ပေါ်ဒေသ​သို့ သင်​တို့​ရောက်​ကြ​ပြီ​။


ခရီးစပြု​ကြ​လော့​။ အာမောရိ​တောင်ပေါ်ဒေသ​နှင့် ထို​ဒေသ​အနီး​ရှိ အရာဗ​လွင်ပြင်​၊ တောင်ပေါ်ဒေသ​၊ မြေနိမ့်ဒေသ​၊ နေဂေ့​အရပ်​သို့​လည်းကောင်း​၊ ပင်လယ်​ကမ်းခြေဒေသ​သို့​လည်းကောင်း​၊ ခါနာန်​ပြည်​သို့​လည်းကောင်း​၊ လက်ဘနွန်​တောင်​မှ ယူဖရေးတီး​မြစ်​ကြီး​တိုင်အောင်​လည်းကောင်း လှည့်​သွား​လော့​။


အကယ်စင်စစ် သင်​တို့​၏​ဘုရားသခင်​ထာဝရဘုရား​သည် သင်​တို့​ပြု​လေရာရာ​၌ ကောင်းချီးပေး​တော်မူ​ပြီ​။ ဤ​ကြီးမား​သော​တောကန္တာရ​ကို သင်​တို့​ဖြတ်သွား​ရ​ကြောင်း ကိုယ်တော်​သိ​တော်မူ​၏​။ သင်​တို့​၏​ဘုရားသခင်​ထာဝရဘုရား​သည် ဤ​အနှစ်​လေးဆယ်​ပတ်လုံး သင်​တို့​နှင့်အတူ​ရှိ​တော်မူ​သည်​ဖြစ်၍ သင်​တို့​၌ ချို့တဲ့​ခြင်း​မ​ရှိ”​ဟူ၍ ဆင့်ဆို​လော့​’​ဟု မိန့်​တော်မူ​၏​။


ကိုယ်တော်​သည် သူ့​ကို တောကန္တာရ​အရပ်​၊ လေထန်​သော​ကန္တာရ​လွင်တီးခေါင်အရပ်​၌​တွေ့​သောအခါ သူ့​ကို​ကာကွယ်​စောင်မ​လျက် မျက်စိ​သူငယ်အိမ်​ကဲ့သို့​စောင့်ရှောက်​တော်မူ​ခဲ့​၏​။


မီးမြွေ​နှင့်​ကင်းမြီးကောက်​ပေါများ​သော​အရပ်​၊ ရေ​မ​ရှိ​ဘဲ ခြောက်သွေ့​သော​အရပ်​၊ ကြောက်မက်​ဖွယ်​ကောင်း​သော တောကန္တာရ​ကြီး​၌ သင့်​ကို​ပို့ဆောင်​တော်မူ​သော​အရှင်​၊ သင့်​အတွက် ရေ​ကို မီးခတ်​ကျောက်​ထဲမှ​ထွက်​စေ​တော်မူ​သော​အရှင်​၊


ဤသို့ဖြင့် ယောရှု​သည် ကာဒေရှဗာနာ​အရပ်​မှ ဂါဇ​အရပ်​တိုင်အောင်​၊ ဂိဗောင်​မြို့​မှ ဂေါရှင်​ပြည်​တစ်လျှောက်လုံး​ကို တိုက်ခိုက်သိမ်းပိုက်​၏​။