တော​လည် 14:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ ဤ​ပြည်​၌​နေထိုင်​သော​သူ​တို့​အား ပြောပြ​ကြ​ပါ​လိမ့်မည်​။ အို ထာဝရဘုရား​၊ ကိုယ်တော်​သည် ဤ​လူမျိုး​အလယ်​၌ ရှိ​တော်မူ​ကြောင်း​ကို​လည်းကောင်း​၊ အို ထာဝရဘုရား​၊ သူ​တို့​သည် ကိုယ်တော်​ကို ကိုယ်တိုင်​မြင်​ရ​၍ ကိုယ်တော်​၏​မိုးတိမ်​သည် သူ​တို့​အပေါ်​၌​တည်​လျက် နေ့​အချိန်​၌ မိုးတိမ်​တိုင်​၊ ညအချိန်​၌ မီး​တိုင်​အားဖြင့် ကိုယ်တော်​သည် သူ​တို့​၏​ရှေ့​မှ ကြွ​တော်မူ​ကြောင်း​ကို​လည်းကောင်း ဤ​ပြည်သား​တို့​ကြား​ထား​ကြ​ပါ​ပြီ​။

Common Language Bible

¹⁴ သူ​တို့​က​ဤ​ပြည်​ရှိ​ပြည်​သား​တို့​အား​သ​တင်း ပြော​ကြား​ကြ​ပါ​လိမ့်​မည်။ ကိုယ်​တော်​သည် အ​ကျွန်ုပ်​တို့​နှင့်​အ​တူ​ရှိ​တော်​မူ​ကြောင်း​ကို လည်း​ကောင်း၊ ကိုယ်​တော်​၏​မိုး​တိမ်​သည်​အ​ကျွန်ုပ် တို့​၏​အ​ထက်​တွင်​ထင်​ရှား​စွာ​တည်​နေ​ကြောင်း ကို​လည်း​ကောင်း၊ ကိုယ်​တော်​သည်​နေ့​အ​ချိန်​တွင် မိုး​တိမ်​တိုင်၊ ည​အ​ချိန်​တွင်​မီး​တိမ်​တိုင်​အား ဖြင့်​အ​ကျွန်ုပ်​တို့​ရှေ့​မှ​ကြွ​သွား​တော်​မူ​ကြောင်း ကို​လည်း​ကောင်း ဤ​ပြည်​ရှိ​ပြည်​သား​များ​သိ ရ​ပြီး​ဖြစ်​ပါ​သည်။-

Garrad Bible

¹⁴ ကိုယ် တော် ထာ ဝ ရ ဘု ရား သည် ကိုယ် ကို ထင် ထင် ပြ တော် မူ၍ ဤ လူ မျိုး အ ပေါ် တွင် တည် နေ စေ သော တိမ် တိုက် ဖြင့် နေ့ အ ချိန် တိမ် တိုင်၌ လည်း ကောင်း၊ ညဉ့် အ ချိန် မီး တိုင်၌ လည်း ကောင်း ရှေ့ က ကြွ သွား တော် မူ သည့် အ လျောက် သူ တို့ အ လယ် တွင် ရှိ နေ တော် မူ ကြောင်း ကို ကြား သိ သော ခါ နာန် ပြည် သူ ပြည် သား တို့ အား ပြန် ကြား ကြ ပါ လိမ့် မည်။

Judson Bible

¹⁴ ဤ​ပြည်၌​နေ​သော​သူ​တို့​အား သ​တင်း​ပြော​ကြ​လိမ့်​မည်။ ထာ​ဝ​ရ​ဘု​ရား၊ ကိုယ်​တော်​သည် ဤ​လူ​မျိုး၌ ရှိ​တော်​မူ​ကြောင်း​ကို​လည်း​ကောင်း၊ ထာ​ဝ​ရ​ဘု​ရား၊ ကိုယ်​တော်​သည် ထင်​ရှား​တော်​မူ​ကြောင်း​ကို​လည်း​ကောင်း၊ မိုး​တိမ်​တော်​သည် သူ​တို့​ကို​လွှမ်း​မိုး​ကြောင်း​ကို​လည်း​ကောင်း၊ ကိုယ်​တော်​သည် နေ့​အ​ချိန်၌ မိုး​တိမ်​တိုင်၊ ည​အ​ချိန်၌ မီး​တိုင်​ဖြင့် သူ​တို့​ရှေ့​က​ကြွ​တော်​မူ​ကြောင်း​ကို​လည်း​ကောင်း ကြား​ရ​ကြ​ပြီ။

တော​လည် 14:14 ပူးပေါင်းရင်းမြစ်များ

ကမ္ဘာ​ဦး 32:30

ထို့ကြောင့် ယာကုပ်​က “​ငါ​သည် ဘုရားသခင်​ကို မျက်နှာချင်းဆိုင်​မြင်​ရ​လျက်​နှင့် အသက်​ချမ်းသာ​ရာ​ရ​သေး​၏​”​ဟု ဆို​လျက် ထို​အရပ်​၏​အမည်​ကို ပေနွေလ ဟု​ခေါ်​၏​။

နေ​ဟ​မိ 9:12

ထို့ပြင် သူ​တို့​အား နေ့​အချိန်​၌ မိုးတိမ်​တိုင်​ဖြင့်​လည်းကောင်း​၊ ညအချိန်​၌ သူ​တို့​သွား​သော​လမ်းခရီး​တွင် အလင်း​ရ​ဖို့ မီး​တိုင်​ဖြင့်​လည်းကောင်း ပို့ဆောင်​တော်မူ​၏​။

နေ​ဟ​မိ 9:19

ကိုယ်တော်​သည် ကရုဏာ​တော်​ကြီးမား​သောကြောင့် သူ​တို့​ကို​တောကန္တာရ​တွင် စွန့်ပစ်​တော်​မ​မူ​။ နေ့​အချိန်​၌ သူ​တို့​ကို လမ်းခရီး​တွင်​ပို့ဆောင်​ရန် မိုးတိမ်​တိုင်​ကို​သူ​တို့​ရှေ့​မှ​မ​ဖယ်ရှား​၊ ညအချိန်​၌ သူ​တို့​သွား​သော​လမ်းခရီး​တွင်​လည်း အလင်း​ရရှိ​ရန် မီးတိုင်​ဖြင့် ပို့ဆောင်​တော်မူ​၏​။

ဆာ​လံ 105:39

ကိုယ်တော်​သည် သူ​တို့​ကို​အုပ်မိုး​ရန် မိုးတိမ်​ကို​လည်းကောင်း​၊ ညအချိန်​တွင် အလင်းပေး​ရန် မီး​ကို​လည်းကောင်း ဖြန့်​ထား​တော်မူ​၏​။

ဆာ​လံ 78:14

နေ့​အချိန်​၌ မိုးတိမ်​အားဖြင့်​လည်းကောင်း​၊ ညအချိန်​၌ တစ်ညလုံး မီး​အလင်းရောင်​အားဖြင့်​လည်းကောင်း သူ​တို့​ကို​ပို့ဆောင်​တော်မူ​၏​။

ထွက်​မြောက် 15:14

လူမျိုးတကာ​တို့​သည်​ကြား​၍ ထိတ်လန့်တုန်လှုပ်​ကြ​လိမ့်မည်​။ ဖိလိတ္တိ​ပြည်သား​တို့​သည် ဝေဒနာ​ကို​မချိမဆံ့ ခံစား​ရ​လိမ့်မည်​။

ထွက်​မြောက် 33:11

ထာဝရဘုရား​သည် မိတ်ဆွေချင်း​စကားပြော​သကဲ့သို့ မောရှေ​နှင့် မျက်နှာချင်းဆိုင်​စကားပြော​တော်မူ​၏​။ ထို့နောက် မောရှေ​သည် တပ်စခန်း​သို့ ပြန်လာ​၏​။ သူ​၏​လက်ထောက်​လူငယ်​တစ်​ဦး​ဖြစ်​သည့် နုန်​၏​သား​ယောရှု​မူကား တဲ​တော်​ထဲမှ မ​ထွက်​ဘဲ​နေရစ်​ခဲ့​၏​။

ထွက်​မြောက် 33:16

အကျွန်ုပ်​နှင့်​ကိုယ်တော်​၏​လူမျိုး​တော်​သည် ကိုယ်တော်​၏​ရှေ့​တော်​၌ မျက်နှာရ​ကြောင်း​ကို မည်သို့​သိ​ရ​ပါ​မည်နည်း​။ အကျွန်ုပ်​တို့​နှင့်အတူ ကိုယ်တော်​ကြွ​တော်မူ​သော​အားဖြင့်​သာ မ​ဟုတ်​လော​။ ဤသို့ဖြင့် အကျွန်ုပ်​နှင့်​ကိုယ်တော်​၏​လူမျိုး​တော်​သည် ကမ္ဘာမြေ​ပေါ်​ရှိ​လူ​အပေါင်း​တို့​နှင့် ကွဲပြားခြားနား​ပါ​မည်​”​ဟု ကိုယ်တော်​အား​လျှောက်​လေ​၏​။

ထွက်​မြောက် 40:38

ခရီးလမ်း​တစ်လျှောက်လုံး​တွင် ထာဝရဘုရား​၏​မိုးတိမ်​သည် နေ့အချိန်​တွင် ကိန်းဝပ်​တော်မူ​ရာ​တဲ​တော်​အပေါ်​၌​ရှိ​၍ ညအချိန်​တွင် မိုးတိမ်​ထဲ၌ မီး​လင်း​နေ​သည်​ကို အစ္စရေး​အမျိုးသား​အပေါင်း​တို့​မြင်​ရ​၏​။

တော​လည် 10:34

သူ​တို့​သည် တပ်စခန်း​မှ ခရီးပြု​ကြ​သောအခါ နေ့​အချိန်​၌ ထာဝရဘုရား​၏​မိုးတိမ်​သည် သူ​တို့​အပေါ်​တွင် တည်​၏​။

တော​လည် 12:8

သူ​နှင့်​မျက်နှာချင်းဆိုင် ရှင်းလင်း​စွာ​မိန့်ဆို​၏​။ သွယ်ဝိုက်​၍ မ​မိန့်ဆို​။ သူ​သည် ထာဝရဘုရား​၏​ပုံသဏ္ဌာန်​ကို မြင်​ရ​၏​။ သင်​တို့​သည် ငါ့​အစေအပါး​မောရှေ​ကို အဘယ်ကြောင့် ဆန့်ကျင်​ပြောဆို​ဝံ့​သနည်း​”​ဟု မိန့်​တော်မူ​ပြီးနောက်

ရှင်ယောဟန် 1:18

ဘုရားသခင်​ကို မည်သူမျှ​မ​မြင်​ဖူး​သော်လည်း ခမည်းတော်​၏​ရင်ခွင်​၌​ရှိ​သည့် တစ်ပါးတည်း​သော​သား​တော်​ဘုရား​သည် ဘုရားသခင်​ကို ထင်ရှား​စေ​တော်မူ​ပြီ။

ရှင်ယောဟန် 14:9

ယေရှု​က“ဖိလိပ္ပု၊ ငါ​သည် သင်​တို့​နှင့်အတူ ဤမျှလောက်​ကြာမြင့်​စွာ​ရှိ​လျက်​နှင့်​ပင် သင်​သည် ငါ့​ကို​မ​သိ​ခဲ့​သလော။ ငါ့​ကို​မြင်​သော​သူ​သည် ခမည်းတော်​ကို​မြင်​လေ​ပြီ။ သို့ဖြစ်လျှင် ‘ခမည်းတော်​ကို အကျွန်ုပ်​တို့​အား​ပြ​တော်မူ​ပါ’​ဟု သင်​မည်သို့​ဆို​နိုင်​သနည်း။

၁ ကော 13:12

ယခု ငါ​တို့​သည် မှန်​အားဖြင့် မှုန်ဝါးဝါး​သာ​မြင်​ရ​ကြ​၏။ ထိုအခါ​၌​မူကား မျက်ဝါးထင်ထင်​မြင်​ရ​ကြ​လိမ့်မည်။ ယခု ငါ​သည် တစ်စိတ်တစ်ဒေသ​မျှသာ​သိ​၏။ သို့သော် ငါ့​ကို​စုံလင်​စွာ​သိ​တော်မူ​သကဲ့သို့ ထိုအခါ​၌​မူကား ငါ​သည်​လည်း စုံလင်​စွာ​သိ​ရ​လိမ့်မည်။

တ​ရား​ဟော 1:19

ထိုမှ ငါ​တို့​သည် ငါ​တို့​၏​ဘုရားသခင်​ထာဝရဘုရား​မိန့်​တော်မူ​သည့်​အတိုင်း ဟောရပ်​တောင်​မှ ခရီးပြု​၍ အာမောရိ​တောင်ပေါ်ဒေသ​လမ်း​တစ်လျှောက်​ရှိ သင်​တို့​မြင်​ရ​သည့် ကြောက်မက်​ဖွယ်​တောကန္တာရ​ကြီး​ကို​ဖြတ်​ကာ ကာဒေရှဗာနာ​အရပ်​သို့ ရောက်​ကြ​၏​။

တ​ရား​ဟော 34:10

ထို​အချိန်​မှစ၍ အစ္စရေး​လူမျိုး​တွင် မောရှေ​ကဲ့သို့ ထာဝရဘုရား​အား တရင်းတနှီး​သိကျွမ်း​သော ပရောဖက်​တစ်ပါး​မျှ မ​ပေါ်ထွန်း​တော့​ပေ​။

တ​ရား​ဟော 5:24

‘​ကြည့်​ပါ​လော့​၊ အကျွန်ုပ်​တို့​၏​ဘုရားသခင်​ထာဝရဘုရား​သည် မိမိ​၏​ဘုန်းအသရေ​တော်​နှင့် မိမိ​၏​ကြီးမြတ်​တော်မူ​ခြင်း​တို့​ကို အကျွန်ုပ်​တို့​အား ပြသ​တော်မူ​ပြီ​။ မီး​ထဲ​မှ​အသံ​တော်​ကို​လည်း အကျွန်ုပ်​တို့​ကြား​ရ​ပါ​ပြီ​။ ဘုရားသခင်​သည် လူ​နှင့်​စကားပြော​သော်လည်း လူ​သည် အသက်ချမ်းသာ​ရာ​ရ​ကြောင်း​ကို ယနေ့ အကျွန်ုပ်​တို့​သိမြင်​ရ​ပါ​ပြီ​။

တ​ရား​ဟော 5:4

ထာဝရဘုရား​သည် တောင်​ပေါ်၌ သင်​တို့​နှင့် မီး​ထဲ​မှ​မျက်နှာချင်းဆိုင် မိန့်​တော်မူ​၏​။

ယော​ရှု 5:1

ဂျော်ဒန်​မြစ်​ကို​အစ္စရေး​အမျိုးသား​တို့ ကူး​ပြီး​သည်​အထိ ထာဝရဘုရား​သည် သူ​တို့​မျက်စိ​ရှေ့​တွင် မြစ်​ရေ​ကို​ခန်းခြောက်​စေ​ခဲ့​ကြောင်း​ကို ဂျော်ဒန်​မြစ်​တစ်ဖက်​ရှိ အာမောရိ​ဘုရင်​များ​၊ ပင်လယ်​နား​ရှိ ခါနာန်​ဘုရင်​များ ကြား​ကြ​သောအခါ သူ​တို့​သည် အစ္စရေး​အမျိုးသား​တို့​သတင်း​ကြောင့် စိတ်ပျက်အားလျော့​၍ အလွန်​ကြောက်ရွံ့​ကြ​၏​။

၁ ယော 3:2

ချစ်​ရ​သော​သူ​တို့၊ ယခု ငါ​တို့​သည် ဘုရားသခင်​၏​သားသမီး​များ​ဖြစ်​ကြ​၏။ အနာဂတ်​တွင် ငါ​တို့​မည်သို့​ဖြစ်​ကြ​မည်​ကို ထင်ရှား​စွာ​မ​သိ​ရ​သေး​သော်လည်း ကိုယ်တော်​ပေါ်ထွန်း​တော်မူ​သောအခါ ကိုယ်တော်​ကို ပကတိ​အဖြစ်​တော်​အတိုင်း မြင်​ရ​ကြ​မည်​ဖြစ်၍ ငါ​တို့​သည် ကိုယ်တော်​နှင့်​တူ​ကြ​မည်​ကို ငါ​တို့​သိ​ကြ​၏။