အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




ဆာ​လံ 79:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

လူမျိုးခြား​တို့​က “​သူ​တို့​၏​ဘုရားသခင်​သည် အဘယ်မှာ​ရှိ​သနည်း​”​ဟု အဘယ်ကြောင့်​ပြောဆို​ရ​ပါ​မည်နည်း​။ ကိုယ်တော်​၏​အစေအပါး​တို့ သွေးမြေကျ​ရ​ခြင်း​အတွက် လက်တုံ့ပြန်​တော်မူ​ကြောင်း​ကို အကျွန်ုပ်​တို့​မျက်စိ​ရှေ့​တွင် လူမျိုးခြား​တို့​သိမြင်​ကြ​ပါစေသော​။

အခန်းကိုကြည့်ပါ။

Common Language Bible

``သင်​တို့​၏​ဘု​ရား​သည်​အ​ဘယ်​မှာ​နည်း'' ဟု လူ​မျိုး​တ​ကာ​တို့​သည်​အ​ဘယ်​ကြောင့် မေး​ရ​ကြ​ပါ​မည်​နည်း။ ကိုယ်​တော်​ရှင်​၏​အ​စေ​ခံ​တို့​၏​သွေး​ကို​သွန်​သည့် လူ​မျိုး​တို့​အား​အ​ပြစ်​ဒဏ်​ခတ်​တော်​မူ​သည်​ကို ကျွန်​တော်​မျိုး​တို့​မြင်​ရ​ကြ​ပါ​စေ​သော။

အခန်းကိုကြည့်ပါ။

Garrad Bible

သူ တို့ ဘု ရား ကား၊ အ ဘယ် မှာ နည်း ဟု၊ လူ မျိုး ခြား တို့ သည် အ ဘယ့် ကြောင့် လှောင် ပြောင် ခွင့် ရ ကြ အံ့ နည်း။ သွန်း ပြီး သော ကျွန် တော် ရင်း တို့ အ သွေး အ တွက်၊ လက် စား ချေ တော် မူ ခြင်း ကို၊ အ ကျွန်ုပ် တို့ မျက် မှောက်၌ လူ မျိုး ခြား တို့ သိ ကြ ပါ စေ သော။

အခန်းကိုကြည့်ပါ။

Judson Bible

သူ​တို့၏​ဘု​ရား​သ​ခင်​သည် အ​ဘယ်​မှာ​ရှိ​သ​နည်း​ဟု တစ်​ပါး​အ​မျိုး​သား​တို့​သည် အ​ဘယ်​ကြောင့် ဆို​ရ​ကြ​ပါ​မည်​နည်း။ သွန်​ပြီး​သော ကျွန်​တော်​မျိုး၏​အ​သွေး​ဘက်​မှာ တ​ရား​စီ​ရင်​တော်​မူ​သော​အ​ကြောင်း​သည် တစ်​ပါး​အ​မျိုး​သား​တို့​တွင် အ​ကျွန်ုပ်​တို့​မျက်​မှောက်၌ ထင်​ရှား​ပါ​စေ​သော။

အခန်းကိုကြည့်ပါ။



ဆာ​လံ 79:10
22 ပူးပေါင်းရင်းမြစ်များ  

လူမျိုးခြား​တို့​က “​သူ​တို့​၏​ဘုရားသခင်​သည် အဘယ်မှာ​ရှိ​သနည်း​”​ဟု အဘယ်ကြောင့် ဆို​ကြ​သနည်း​။


ငါ​၏​ရန်သူ​တို့​က “​သင်​၏​ဘုရားသခင်​သည် အဘယ်မှာ​ရှိ​သနည်း​”​ဟု ငါ့​ကို​တစ်နေ့လုံး ပြောဆို​လျက် ငါ​၏​အရိုး​ကွဲ​လုမတတ် ငါ့​ကို​ကဲ့ရဲ့ပြစ်တင်​ကြ​၏​။


အို ငါ​၏​စိတ်ဝိညာဉ်​၊ သင်​သည် အဘယ်ကြောင့်​ညှိုးငယ်​သနည်း​။ ငါ့​အထဲ​၌ အဘယ်ကြောင့်​မငြိမ်မသက်​ဖြစ်​သနည်း​။ ဘုရားသခင်​ကို မျှော်လင့်ကိုးစား​လော့​။ ငါ​သည် ငါ့​ကို​ကယ်တင်​တော်မူ​သော​အရှင်​၊ ငါ​၏​ဘုရားသခင်​ကို ထပ်၍​ချီးမွမ်း​မည်​။


လူ​တို့​က “​သင်​၏​ဘုရားသခင်​သည် အဘယ်မှာ​ရှိ​သနည်း​”​ဟု ငါ့​ကို တစ်နေ့လုံး​ပြောဆို​ကြ​သောအခါ ငါ​၏​မျက်ရည်​သည် နေ့​ည​မပြတ် ငါ့​အတွက်​စားစရာ​ဖြစ်​ရ​၏​။


ဤ​အရာ​တို့​ကို​ငါ​အောက်မေ့​သောအခါ ငါ​၏​စိတ်ဝိညာဉ်​သည် ငါ့​အထဲ​၌​ယိုဖိတ်​လျက်​ရှိ​၏​။ အကြောင်းမူကား ငါ​သည် လူအုပ်ကြီး​နှင့်အတူ​လျှောက်သွား​၍ ပွဲတော်​ကျင်းပ​နေ​သည့်​ထို​လူအုပ်​နှင့်အတူ ကျေးဇူးတော်​ချီးမွမ်း​ခြင်း​အသံ​နှင့် ရွှင်လန်း​စွာ​ကြွေးကြော်​ခြင်း​အသံ​ဖြင့် ဘုရားသခင်​၏​အိမ်​တော်​သို့ တရွေ့ရွေ့သွား​လေ့​ရှိ​၏​။


ထိုအခါ လူ​တို့​က “​ဖြောင့်မတ်​သော​သူ​သည် ဆုလာဘ်​ကို အမှန်ပင်​ခံရ​၏​။ ကမ္ဘာမြေကြီး​ကို တရားစီရင်​တော်မူ​သော ဘုရားသခင်​သည် အမှန်ပင်​ရှိ​တော်မူ​၏​”​ဟု ဆို​ကြ​လိမ့်မည်​။


ထာဝရဘုရား​သည် တရားစီရင်​တော်မူ​ခြင်း​အားဖြင့် မိမိ​အကြောင်း​ကို​ထင်ရှား​စေ​တော်မူ​ပြီ​။ ဆိုးယုတ်​သော​သူ​သည် မိမိ​လက်​ဖြင့်​ပြုလုပ်​ထား​သော​အရာ​၌ ကျော့မိ​လေ​ပြီ​။(​ဟိဂ္ဂယွန်​။စေလာ)


လက်တုံ့ပြန်​တော်မူ​သော​ဘုရားသခင် အို ထာဝရဘုရား​၊ လက်တုံ့ပြန်​တော်မူ​သော​ဘုရားသခင်​၊ ရောင်ခြည်​တော်​ကို​လွှတ်​တော်မူ​ပါ​။


ငါ​သည် သင်​တို့​ကို ငါ​၏​လူမျိုး​တော်​အဖြစ်​သိမ်းယူ​မည်​။ ငါ​သည် သင်​တို့​၏​ဘုရား​ဖြစ်​မည်​။ ငါ​သည် အီဂျစ်​လူမျိုး​တို့​၏​ထမ်းပိုး​အောက်​မှ သင်​တို့​ကို​ဆွဲထုတ်​တော်မူ​သော သင်​တို့​၏​ဘုရားသခင်​ထာဝရဘုရား​ဖြစ်ကြောင်း သင်​တို့​သိမြင်​ကြ​လိမ့်မည်​။


အီဂျစ်​ပြည်​အပေါ် ငါ​၏​လက်​ကို​ဆန့်​၍ အစ္စရေး​အမျိုးသား​တို့​ကို ထို​ပြည်​ထဲ​မှ ထုတ်ဆောင်​သောအခါ ငါ​သည် ထာဝရဘုရား​ဖြစ်ကြောင်း​ကို အီဂျစ်​လူမျိုး​တို့​သည် သိမြင်​ကြ​လိမ့်မည်​”​ဟု မိန့်​တော်မူ​၏​။


ကိုယ်တော်​သည် မိုးကောင်းကင်​ကို​ဆုတ်ဖြဲ​၍ ဆင်းသက်​တော်မူ​လျှင် တောင်​တို့​သည် ကိုယ်တော်​၏​ရှေ့​တော်​တွင် လှုပ်​ကြ​ပါ​လိမ့်မည်​။


ဇိအုန်​မြို့သူမြို့သား​အပေါ် ဘေဘီလုံ​မြို့သူ ခါလဒဲ​ပြည်သား​တို့​ကျူးလွန်​ခဲ့​သည့် လုပ်ရပ်​အတိုင်း သူ​တို့​ကို သင်​တို့​မျက်စိ​ရှေ့​တွင် ပြန်ပေးဆပ်​စေ​မည်​”​ဟု မိန့်​တော်မူ​၏​။


ငါ့​ကိုယ်​၊ ငါ့​အသား ခံရ​သော​ရက်စက်ကြမ်းကြုတ်မှု​သည် ဘေဘီလုံ​ပြည်​အပေါ် ကျရောက်​ပါစေ​”​ဟု ဇိအုန်​မြို့သား​တို့ ဆို​လိမ့်မည်​။ “​ငါ​တို့​သွန်း​ခဲ့​ရ​သော​သွေး​သည် ခါလဒဲ​ပြည်သား​တို့​အပေါ် ကျရောက်​ပါစေ​”​ဟု ဂျေရုဆလင်​မြို့သား​တို့ ဆို​လိမ့်မည်​။


သူ​တို့​ပြု​သော​မကောင်းမှု​အလုံးစုံ​တို့​သည် ကိုယ်တော်​၏​ရှေ့​တော်​သို့ ရောက်​ပါစေ​။ အကျွန်ုပ်​ကျူးလွန်​မိ​သော​အပြစ်​အလုံးစုံ​အတွက် အကျွန်ုပ်​ခံရ​သကဲ့သို့ သူ​တို့​ကို​လည်း ခံရ​စေ​ပါ​။ အကျွန်ုပ်​အလွန်​ညည်းတွား​ရ​သည်​ဖြစ်၍ စိတ်နှလုံး​ညှိုးနွမ်း​လျက်​ရှိ​ပါ​၏​။


ဘုရားရှင်​ထာဝရဘုရား​က ‘သင်​တို့​သည် လူမျိုးခြား​တို့​အလယ်​တွင် ငါ့​နာမ​ကို​ရှုတ်ချ​သဖြင့် လူမျိုးခြား​တို့​အလယ်​တွင် အရှုတ်ချ​ခံ​ခဲ့​ရ​သည့် ကြီးမြတ်​သော​ငါ့​နာမ​ကို ငါ​သန့်ရှင်း​စေ​မည်​။ ထိုသို့ သင်​တို့​အားဖြင့် ထို​သူ​တို့​ရှေ့​တွင် ငါ​သန့်ရှင်း​ကြောင်း ထင်ရှား​စေ​သောအခါ ငါ​သည် ထာဝရဘုရား​ဖြစ်ကြောင်း​ကို လူမျိုးတကာ​တို့ သိ​ကြ​လိမ့်မည်’​ဟု မိန့်​တော်မူ​၏​။


ထာဝရဘုရား​၏​အမှု​တော်​ဆောင် ယဇ်ပုရောဟိတ်​တို့​သည် ဆင်ဝင်ပေါက်​နှင့်​ယဇ်ပလ္လင်​ကြား​တွင် ငိုကြွေး​လျက် “​အို ထာဝရဘုရား​၊ ကိုယ်တော်​၏​လူမျိုး​တော်​ကို သနား​တော်မူ​ပါ​။ ကိုယ်တော်​၏​အမွေ​တော်​ကို လူမျိုးခြား​တို့​အလယ်​တွင် ကဲ့ရဲ့စရာ​၊ ပုံခိုင်းစရာ​ဖြစ်​အောင် ပြု​တော်​မ​မူ​ပါ​နှင့်​။ လူမျိုးခြား​တို့​က ‘သူ​တို့​၏​ဘုရားသခင်​သည် အဘယ်မှာ​ရှိ​သနည်း’​ဟူ၍ လူမျိုးတကာ​၏​အလယ်​တွင် အဘယ်ကြောင့် ဆို​ရ​ပါ​မည်နည်း​”​ဟု လျှောက်​ကြ​စေ​။


“​သင်​၏​ဘုရားသခင်​ထာဝရဘုရား​ကား အဘယ်မှာ​ရှိ​သနည်း”​ဟု ငါ့​အား ပြောဆို​သော​ရန်သူ​သည် ထို​အဖြစ်​ကို​မြင်​၍ အရှက်ကွဲ​ရ​လိမ့်မည်​။ ယခု​တွင် သူ​သည် လမ်း​ပေါ်မှ ရွှံ့​ကဲ့သို့ နင်းချေ​ခံရ​သည်​ကို ငါ့​မျက်စိ​ဖြင့် တပ်အပ်​မြင်​ရ​လိမ့်မည်​။


ချစ်​ရ​သော​သူ​တို့၊ ကိုယ်တိုင်​လက်တုံ့​မ​ပြန်​ဘဲ အမျက်​တော်​လက်​သို့ အပ်နှံ​ထား​ကြ​လော့။ အကြောင်းမူကား “ထာဝရ​ဘုရား​မိန့်​တော်မူ​သည်​မှာ လက်တုံ့ပြန်​ခြင်း​သည် ငါ​နှင့်ဆိုင်​၏။ ငါ​ကိုယ်တိုင်​တုံ့ပြန်​မည်”​ဟု ကျမ်းစာ​၌​ရေး​ထား​၏။


အို လူမျိုး​အပေါင်း​တို့​၊ လူမျိုး​တော်​နှင့်အတူ ရွှင်လန်း​စွာ​ကြွေးကြော်​ကြ​လော့​။ ကိုယ်တော်​သည် မိမိ​အစေအပါး​တို့​၏​သွေး​အတွက်​လက်တုံ့ပြန်​မည်​။ မိမိ​ကို​ရန်ပြုသောသူ​တို့​အား လက်စားချေ​တော်မူ​မည်​။ ပြည်​တော်​၊ လူမျိုး​တော်​တို့​၏​အပြစ်​ကို​ဖြေလွှတ်​တော်မူ​မည်​”​ဟူ၍ ဖြစ်​၏​။


ကောင်းကင်​မှစ၍ သန့်ရှင်း​သူ​များ၊ တမန်တော်​များ​နှင့် ပရောဖက်​များ​တို့၊ ထို​မြို့​၏​အဖြစ်​ကြောင့် ပျော်ရွှင်​ကြ​လော့။ အကြောင်းမူကား ဘုရားသခင်​သည် သင်​တို့​ဘက်​၌​နေ​၍ ထို​မြို့​အပေါ် ပြစ်ဒဏ်​စီရင်​ခြင်း​ကို​သက်ရောက်​စေ​တော်မူ​ပြီ”​ဟု ဆို​သည်​ကို ငါ​ကြား​ရ​၏။