ဟေ​ရှာ​ယ 64:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ကိုယ်တော်​သည် မိုးကောင်းကင်​ကို​ဆုတ်ဖြဲ​၍ ဆင်းသက်​တော်မူ​လျှင် တောင်​တို့​သည် ကိုယ်တော်​၏​ရှေ့​တော်​တွင် လှုပ်​ကြ​ပါ​လိမ့်မည်​။

Common Language Bible

¹ ကိုယ်​တော်​ရှင်​သည်​အ​ဘယ်​ကြောင့်​မိုး​ကောင်း​ကင် ကို​ဖွင့်​လှစ်​၍ ဆင်း​သက်​ကြွ​လာ​တော်​မ​မူ​ပါ သ​နည်း။ တောင်​များ​သည်​ကိုယ်​တော်​ရှင်​ကို မြင်​၍​ကြောက်​လန့်​တုန်​လှုပ်​ကြ​ပါ​လိမ့်​မည်။-

Garrad Bible

^1-2 ရန် သူ တော် တို့ သည် နာ မ တော် ကို သိ ရ၍၊ လူ မျိုး ခြား တို့ လည်း မျက် မှောက် တော် တွင် တုန် လှုပ် ကြ စေ ခြင်း ငှာ၊ စွဲ လောင် သော ထင်း မီး ဖြင့် ရေ ဆူ ပွက် သည့် နည်း တူ မိုး ကောင်း ကင် ကို ဖွင့် လှစ် ပြီး လျှင် ဆင်း သက်၍၊ မျက် မှောက် တော် တွင် တောင် များ လှုပ် ရှား ပါ စေ သော။

Judson Bible

¹ ကိုယ်​တော်​သည် မိုး​ကောင်း​ကင်​ကို ဖွင့်​လှစ်၍၊ ဆင်း​သက်​တော်​မူ​ပါ​စေ​သော။ ရှေ့​တော်၌ တောင်​တို့​သည် လှုပ်​ကြ​ပါ​စေ​သော။

ဟေ​ရှာ​ယ 64:1 ပူးပေါင်းရင်းမြစ်များ

ဆာ​လံ 46:6

လူမျိုးတကာ​တို့​သည် မငြိမ်မသက်​ဖြစ်​ကြ​၏​။ တိုင်းနိုင်ငံ​တို့​သည် တုန်လှုပ်​ကြ​၏​။ ကိုယ်တော်​သည် မိမိ​အသံ​ကို​လွှင့်​တော်မူ​သောအခါ ကမ္ဘာမြေကြီး​သည် အရည်ပျော်​လေ​၏​။

ဆာ​လံ 68:8

သိနာ​တောင်​၏​အရှင်​ဘုရားသခင်​၏​ရှေ့​တော်​၊ အစ္စရေး​လူမျိုး​၏​ဘုရားသခင်​တည်းဟူသော ဘုရားသခင်​၏​ရှေ့​တော်​၌ မြေကြီး​သည် တုန်ခါ​၍ ကောင်းကင်​သည် မိုး​ရွာသွန်း​ခဲ့​ပါ​၏​။

ဆာ​လံ 79:10

လူမျိုးခြား​တို့​က “​သူ​တို့​၏​ဘုရားသခင်​သည် အဘယ်မှာ​ရှိ​သနည်း​”​ဟု အဘယ်ကြောင့်​ပြောဆို​ရ​ပါ​မည်နည်း​။ ကိုယ်တော်​၏​အစေအပါး​တို့ သွေးမြေကျ​ရ​ခြင်း​အတွက် လက်တုံ့ပြန်​တော်မူ​ကြောင်း​ကို အကျွန်ုပ်​တို့​မျက်စိ​ရှေ့​တွင် လူမျိုးခြား​တို့​သိမြင်​ကြ​ပါစေသော​။

ထွက်​မြောက် 19:11

သူ​တို့​သည် တတိယ​နေ့​၌ အဆင်သင့်​ရှိ​နေ​ရ​မည်​။ အကြောင်းမူကား တတိယ​နေ့​၌ ထာဝရဘုရား​သည် လူ​အပေါင်း​တို့​၏​မျက်မှောက်​၊ သိနာ​တောင်​ပေါ်သို့ ကြွဆင်း​တော်မူ​မည်​။

ထွက်​မြောက် 3:8

ထို့ကြောင့် အီဂျစ်​လူမျိုး​တို့​လက်​မှ သူ​တို့​ကို​ကယ်နုတ်​၍ သူ​တို့​ကို အီဂျစ်​ပြည်​မှ​ထုတ်ဆောင်​ပြီး ခါနာန်​လူမျိုး​၊ ဟိတ္တိ​လူမျိုး​၊ အာမောရိ​လူမျိုး​၊ ဖေရဇိ​လူမျိုး​၊ ဟိဝိ​လူမျိုး ယေဗုသိ​လူမျိုး တို့​နေထိုင်​ရာ​အရပ်​ဖြစ်​သည့် ကောင်းမွန်​ကျယ်ဝန်း​သော​ပြည်​၊ နို့​နှင့်​ပျားရည်​စီး​သော​ပြည်​သို့ ပို့ဆောင်​ရန် ငါ​ကြွလာ​ပြီ​။

ဟေ​ရှာ​ယ 41:15

ကြည့်ရှု​လော့​။ ငါ​သည် သင့်​ကို အသွား​ထက်​သည့် ကောက်နယ်​တန်ဆာပလာ​အသစ်​ဖြစ်စေ​မည်​။ သင်​သည် တောင်ကြီး​တို့​ကို နင်းနယ်​၍ ညက်ညက်ကြေ​စေ​မည်​။ တောင်ငယ်​တို့​ကို ဖွဲ​ကဲ့သို့​ဖြစ်စေ​မည်​။

ဟေ​ရှာ​ယ 63:15

ကိုယ်တော်​၏​သန့်ရှင်း​သော​၊ ဘုန်းအသရေ​ရှိ​သော ကိန်းဝပ်​တော်မူ​ရာ​ကောင်းကင်ဘုံ​မှ ကြည့်​၍ သိမြင်​တော်မူ​ပါ​။ ကိုယ်တော်​၏​စိတ်အားထက်သန်မှု​၊ ကိုယ်တော်​၏​အစွမ်းတန်ခိုး​သည် အဘယ်မှာ​နည်း​။ ကိုယ်တော်​သည် အကျွန်ုပ်​အပေါ်​ထားရှိ​သည့် သနားကြင်နာ​ခြင်း​စိတ်​ကို ချုပ်တည်း​တော်မူ​ပြီ​။

ဟေ​ရှာ​ယ 63:19

အကျွန်ုပ်​တို့​သည် ရှေးကာလ​ကပင် ကိုယ်တော်​မ​အုပ်စိုး​သော​သူ​များ​၊ ကိုယ်တော်​၏​နာမ​တော်​ဖြင့် ခေါ်ဝေါ်​ခြင်း​မ​ခံရ​သော​သူ​များ​ဖြစ်​ကြ​ပါ​၏​။

အာ​မုတ် 9:13

ထာဝရဘုရား​က “ကြည့်ရှု​လော့​။ ထွန်ယက်​သော​သူ​သည် ရိတ်သိမ်း​သော​သူ​ကို​လည်းကောင်း​၊ စပျစ်သီး​နင်းနယ်​သော​သူ​သည် မျိုးစေ့​ကြဲ​သော​သူ​ကို​လည်းကောင်း ကျော်လွန်​သွား​မည့်​နေ့ရက်​ရောက်လာ​လိမ့်မည်​။ တောင်​များ​ပေါ်တွင် စပျစ်ဝိုင်​အသစ်​ယိုစီး​၍ တောင်ကုန်း​ရှိသမျှ​ကို ဖုံးလွှမ်း​မည့်​နေ့ရက်​ရောက်လာ​လိမ့်မည်”​ဟု မိန့်​တော်မူ​၏​။

အာ​မုတ် 9:5

ကောင်းကင်​ဗိုလ်ခြေ​အရှင် ဘုရားရှင်​ထာဝရဘုရား​သည် မြေကြီး​ကို တို့​တော်မူ​လျှင် မြေကြီး​သည်​အရည်ပျော်​ကျ​၍ သက်ရှိ​အပေါင်း​တို့ ငိုကြွေးမြည်တမ်း​ရ​လိမ့်မည်​။ တစ်ပြည်လုံး နိုင်း​မြစ်ရေ​ကဲ့သို့ လှိုင်းထ​ပြီး အီဂျစ်​မြစ်ရေ​ကဲ့သို့ ပြန်ဆုတ်​သွား​လိမ့်မည်​။

ဇာ​ခ​ရိ 14:4

ထို​နေ့ရက်​တွင် ကိုယ်တော်​သည် ဂျေရုဆလင်​မြို့​အရှေ့​ဘက်​ရှိ သံလွင်​တောင်​ပေါ်၌ ခြေချ​တော်မူ​လျှင် သံလွင်​တောင်​သည် အရှေ့ဘက်​မှ အနောက်ဘက်​တိုင်အောင် နှစ်ခြမ်းကွဲ​၍ ကျယ်ပြန့်​သော​ချိုင့်ဝှမ်းလွင်ပြင်​ကြီး ပေါ်လာ​လိမ့်မည်​။ ထို​တောင်​၏​တစ်ဝက်​သည် မြောက်ဘက်​သို့​လည်းကောင်း​၊ ကျန်​တစ်ဝက်​သည် တောင်ဘက်​သို့​လည်းကောင်း ရွေ့သွား​လိမ့်မည်​။

ရှင်မာကု 1:10

ထို့နောက် ရေ​ထဲမှ​ထွက်​လာ​သည်​နှင့် ကောင်းကင်​သည်​ပွင့်​၍ ဝိညာဉ်​တော်​သည် ချိုးငှက်​ကဲ့သို့ မိမိ​အပေါ်သို့​ဆင်းသက်​သည်​ကို​မြင်​တော်မူ​၏။

ဗျာ​ဒိတ် 20:11

ထို့နောက် ဖြူ​သော​ပလ္လင်​ကြီး​နှင့် ထို​ပလ္လင်​ပေါ်တွင်​ထိုင်​တော်မူ​သော​အရှင်​ကို ငါ​မြင်​ရ​၏။ ကောင်းကင်​နှင့်​မြေကြီး​သည် ထို​အရှင်​၏​မျက်မှောက်​မှ ပျောက်လွင့်​သွား​၍ ၎င်း​တို့​အတွက်​နေရာ​မ​ရှိ​တော့​ပေ။