အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




ဆာ​လံ 31:18 - မြန်​​​မာ့​​​စံ​​​မီ​​​သမ္မာ​​​ကျမ်း​​

ဖြောင့်မတ်​သော​သူ​တစ်ဖက်​၌ မာန်မာန​ဖြင့်​လည်းကောင်း​၊ မထီမဲ့မြင်ပြု​ခြင်း​ဖြင့်​လည်းကောင်း မောက်မာ​စွာ​ပြောဆို​တတ်​သည့် မုသား​နှုတ်ခမ်း​သည် တိတ်ဆိတ်​စွာ​နေ​ရ​ပါစေသော​။

အခန်းကိုကြည့်ပါ။

Common Language Bible

မာ​န​ထောင်​လွှား​လျက်​သူ​တော်​ကောင်း​တို့​အ​ကြောင်း ကဲ့​ရဲ့​ပြော​ဆို​တတ်​သူ​လူ​လိမ်​တို့​၏ နှုတ်​ကို​ပိတ်​တော်​မူ​ပါ။

အခန်းကိုကြည့်ပါ။

Garrad Bible

ဖြောင့် မတ် သူ့ တစ် ဘက်၌၊ မာ န နှင့် မ လေး မစား ထောင် လွှား ပြော ဆို တတ် သော၊ မု သာ နှုတ် ခမ်း များ ကို တိတ် စေ တော် မူ ပါ။

အခန်းကိုကြည့်ပါ။

Judson Bible

မာ​န​ထောင်​လွှား​ခြင်း၊ မ​ထီ​မဲ့​မြင်​ပြု​ခြင်း​နှင့် တ​ကွ၊ ဖြောင့်​မတ်​သော​သူ​တစ်​ဖက်၌ စော်​ကား​သော​စ​ကား​ကို​ပြော၍၊ မု​သား၌​ကျင်​လည်​သော နှုတ်​တို့​သည် တိတ်​ဆိတ်​စွာ​နေ​ကြ​ပါ​စေ​သော။

အခန်းကိုကြည့်ပါ။



ဆာ​လံ 31:18
22 ပူးပေါင်းရင်းမြစ်များ  

သူ​၏​အမှုထမ်း​တို့​သည် ဘုရားသခင်​ထာဝရဘုရား​နှင့် ကိုယ်တော့်​အစေအပါး​ဟေဇကိ​မင်းကြီး​ကို ထို့ထက်မက ကဲ့ရဲ့​ပြောဆို​ကြ​သေး​၏​။


ထာဝရဘုရား​သည် မြှောက်ပင့်​တတ်​သော​နှုတ်ခမ်း​နှင့် ဝါကြွား​ပြောဆို​တတ်​သော​လျှာ​ရှိသမျှ​တို့​ကို ဖယ်ရှား​တော်မူ​ပါစေ​။


အို ထာဝရဘုရား​၊ အကျွန်ုပ်​၏​စိတ်ဝိညာဉ်​ကို မုသား​နှုတ်ခမ်း​မှ​လည်းကောင်း​၊ လိမ်လည်ကောက်ကျစ်​သော​လျှာ​မှ​လည်းကောင်း ကယ်နုတ်​တော်မူ​ပါ​။


အကယ်စင်စစ် ကိုယ်တော်​ကို​စောင့်မျှော်​သော​သူ​ရှိသမျှ​တို့​သည် အရှက်ကွဲ​ကြ​ရ​လိမ့်မည်​မ​ဟုတ်​။ အကြောင်းမဲ့ သစ္စာဖောက်​သော​သူ​တို့​သည် အရှက်ကွဲ​ကြ​ရ​လိမ့်မည်​။


သူ​တို့​နှုတ်​၏​အပြစ်​နှင့် သူ​တို့​နှုတ်ထွက်​စကား​ကြောင့်​လည်းကောင်း​၊ သူ​တို့​ရေရွတ်​သော ကျိန်ဆဲစကား​နှင့်​မုသားစကား​ကြောင့်​လည်းကောင်း သူ​တို့​သည် မိမိ​တို့​၏​မာနကြီး​ခြင်း​ထဲ၌ ကျော့မိ​ကြ​ပါစေ​။


သို့သော် ရှင်ဘုရင်​သည် ဘုရားသခင်​၌​ဝမ်းမြောက်​လိမ့်မည်​။ ကိုယ်တော်​ကို တိုင်တည်​၍ ကျိန်ဆို​သော​သူ​အပေါင်း​တို့​သည် ချီးမွမ်း​ကြ​လိမ့်မည်​။ မုသား​ပြောဆို​သော​သူ​တို့​၏​နှုတ်​မူကား အပိတ်​ခံရ​လိမ့်မည်​။


သူ​တို့​သည် မောက်မာ​သော​စကား​များ​ကို မြွက်ဟ​ပြောဆို​ကြ​ပါ​၏​။ အပြစ်ဒုစရိုက်​ပြု​သော​သူ​အပေါင်း​တို့​သည် ဝါကြွား​ကြ​ပါ​၏​။


မှန်ကန်​သော​နှုတ်ခမ်း​သည် ထာဝစဉ်​တည်မြဲ​၏​။ မုသားသုံး​သော​လျှာ​မူကား တစ်ခဏ​မျှသာ​တည်​၏​။


သင့်​ကို​တိုက်ခိုက်​ရန် ထုတ်လုပ်​သော​လက်နက်​ရှိသမျှ​သည် အထမြောက်​မည်​မ​ဟုတ်​။ သင်​နှင့်​တရားဆိုင်​၍ သင့်​ကို​ဆန့်ကျင်​သော​လျှာ​ရှိသမျှ​တို့​ကို သင်​က အောင်​နိုင်​လိမ့်မည်​။ ဤသည်ကား ထာဝရဘုရား​၏​အစေအပါး​တို့ ရရှိ​သော​အမွေ​၊ ငါ့​ထံမှ​ရရှိ​သော​ဖြောင့်မတ်​ခြင်း​ဖြစ်​၏​”​ဟု မိန့်​တော်မူ​၏​။


တပည့်​သည် သူ့​ဆရာ​ကဲ့သို့​လည်းကောင်း၊ ကျွန်​သည် သူ့​သခင်​ကဲ့သို့​လည်းကောင်း ဖြစ်လာ​လျှင် လုံလောက်​ပေ​၏။ အိမ်ရှင်​ကို ဗေလဇေဗုလ​ဟု​ခေါ်​ကြ​လျှင် သူ​၏​အိမ်သူအိမ်သား​များ​ကို မည်မျှ ပို၍​ဆိုးရွား​စွာ​ခေါ်​ကြ​လိမ့်​မည်နည်း။


ဖာရိရှဲ​တို့​သည်​ကြား​လျှင် “ဤ​သူ​သည် နတ်ဆိုး​တို့​၏​အကြီးအကဲ ဗေလဇေဗုလ​ကို​အမှီပြု​၍ နတ်ဆိုး​တို့​ကို နှင်ထုတ်​နေ​ခြင်း​သာ​ဖြစ်​သည်”​ဟု ပြောဆို​ကြ​၏။


သင်​တို့​သည် သင်​တို့​၏​အဖ​မာရ်နတ်​နှင့်​စပ်ဆိုင်​ကြ​ပြီး သင်​တို့​အဖ​၏​ဆန္ဒ​အတိုင်း​ပြု​လို​ကြ​၏။ မာရ်နတ်​သည် အစအဦး​ကပင် လူသတ်သမား​ဖြစ်​၏။ သူ​၌​သမ္မာတရား​မ​ရှိ​သောကြောင့် သမ္မာတရား​၌​မ​ရပ်တည်။ သူ​သည် လိမ်လည်​သော​သူ​ဖြစ်​ပြီး လိမ်လည်​ခြင်း​၏​အဖ​လည်း​ဖြစ်​သောကြောင့် လိမ်လည်​ပြောဆို​သောအခါ မိမိ​ပင်ကိုစရိုက်​အတိုင်း​ပြောဆို​၏။


ဂျူး​လူမျိုး​တို့​က​လည်း “သင်​သည် ရှမာရိ​နယ်သား​ဖြစ်​ပြီး သင့်​ကို​နတ်ဆိုး​ပူး​နေ​သည်​ဟူ၍ ငါ​တို့​ပြော​ကြ​သည်​မှာ လျောက်ပတ်​သည်​မ​ဟုတ်​လော”​ဟု ပြန်ပြော​ကြ​၏။


ပေါလု​ရောက်​သောအခါ ဂျေရုဆလင်​မြို့​မှ​လာ​သော ဂျူး​လူမျိုး​တို့​သည် သူ့​ကို​ဝိုင်းရံ​လျက် သူ​တို့​သက်သေ​မ​ပြ​နိုင်​သော ကြီးလေး​သည့်​စွဲချက်​များစွာ​တို့​ကို သူ့​အပေါ်​တင်​ကြ​၏။


ဤသည်ကား လူ​အပေါင်း​တို့​ကို​တရား​စီရင်​ရန်​နှင့် ဘုရား​တရား​မဲ့​စွာ​ဖြင့်​ပြု​ခဲ့​သော​သူတို့​၏​ဘုရား​တရား​မဲ့​ခြင်း​အမှု​အလုံးစုံ​အတွက်​လည်းကောင်း၊ ဘုရား​တရား​မဲ့​သော​အပြစ်သား​တို့​သည် ဘုရားသခင်​ကို​ဆန့်ကျင်​ပြောဆို​သည့် ပြင်းထန်​သော​စကား​အလုံးစုံ​အတွက်​လည်းကောင်း သူ​တို့​အားလုံး​၏​အပြစ်​ကို​ဖော်ပြ​ရန်​ဖြစ်​၏”​ဟု ဆို​ထား​၏။


သို့သော် ကြောက်​တတ်​သူ​များ၊ မ​ယုံကြည်​သူ​များ၊ ရွံရှာ​ဖွယ်​ကောင်း​သူ​များ၊ လူသတ်သူ​များ၊ တရားနှင့်မညီ​မေထုန်ပြု​သူ​များ၊ ပြုစား​သော​သူ​များ၊ ရုပ်တု​ကိုးကွယ်​သူ​များ​နှင့် လိမ်လည်​သော​သူ​အပေါင်း​တို့​သည် ကန့်​နှင့်​လောင်​သော​မီး​အိုင်​ထဲ၌ မိမိ​တို့​အဖို့​ကို​ရ​ကြ​လိမ့်မည်။ ဤသည်ကား ဒုတိယ​သေ​ခြင်း​ဖြစ်​၏”​ဟု မိန့်​တော်မူ​၏။


အပြင်​၌​ကား ခွေး​များ၊ ပြုစား​သော​သူ​များ၊ တရားနှင့်မညီ​မေထုန်ပြု​သူ​များ၊ လူသတ်သူ​များ၊ ရုပ်တု​ကိုးကွယ်​သူ​များ​နှင့် မုသား​ကို​နှစ်သက်​၍ ကျင့်သုံး​သော​သူ​အပေါင်း​တို့​ရှိ​ကြ​၏။


ထာဝရဘုရား​သည် အလုံးစုံ​ကို​သိမြင်​တော်မူ​သော​ဘုရား​ဖြစ်​ပြီး လုပ်ဆောင်မှု​တိုင်း​ကို ကြည့်မှတ်​တော်မူ​သည်​ဖြစ်၍ သင်​တို့​သည် ဝါကြွားထောင်လွှား​သော​စကား​ကို ထပ်၍​မ​ပြောဆို​ကြ​နှင့်​။ မောက်မာ​သော​စကား​ကို သင်​တို့​၏​နှုတ်​မှ မ​ထွက်​စေ​ကြ​နှင့်​။