ဆာ​လံ 120 - မြန်​​​မာ့​​​စံ​​​မီ​​​သမ္မာ​​​ကျမ်း​​

ငြိမ်းချမ်းရေးအတွက်ဆုတောင်းခြင်း

အတက်လမ်း​သီချင်း

¹ ငါ​သည် ဆင်းရဲဒုက္ခ​ရောက်​သောအခါ ထာဝရဘုရား​ကို​ခေါ်​၍ ကိုယ်တော်​သည် ငါ့​ကို​ထူး​တော်မူ​၏​။

² အို ထာဝရဘုရား​၊ အကျွန်ုပ်​၏​စိတ်ဝိညာဉ်​ကို မုသား​နှုတ်ခမ်း​မှ​လည်းကောင်း​၊ လိမ်လည်ကောက်ကျစ်​သော​လျှာ​မှ​လည်းကောင်း ကယ်နုတ်​တော်မူ​ပါ​။

³ အို လိမ်လည်ကောက်ကျစ်​သော​လျှာ​၊ ကိုယ်တော်​သည် သင့်​ကို မည်သို့​ပြု​မည်နည်း​၊ သင့်​ကို မည်သည့်​အရာ​ဖြင့် ထပ်၍​ဒဏ်ခတ်​မည်နည်း​ဟူမူကား

⁴ စစ်သူရဲ​၏​ချွန်ထက်​သော​မြား​နှင့် ရှား​မီးခဲ​တို့​ဖြင့်​ဖြစ်​၏​။

⁵ ငါ​သည် မေရှက်​ပြည်​၌​တည်းခို​ပြီး ကေဒါ​အမျိုးသား​တို့​၏​တဲ​များ​တွင်​နေ​ရ​သောကြောင့် အမင်္ဂလာ​ရှိ​၏​။

⁶ ငါ​၏​စိတ်ဝိညာဉ်​သည် ငြိမ်းချမ်းရေး​ကို မုန်း​သော​သူ​တို့​နှင့်အတူ နေထိုင်​ရ​သည်​မှာ ကြာမြင့်​လှ​လေ​ပြီ​။

⁷ ငါ​သည် ငြိမ်းချမ်းရေး​ကို​လိုလား​၏​။ သို့သော် ငါ​ပြောဆို​သောအခါ သူ​တို့​သည် စစ်​ကို​သာ​လိုလား​ကြ​၏​။