ဆာ​လံ 31:19 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁹ ကိုယ်တော်​ကို​ကြောက်ရွံ့​သော​သူ​တို့​အတွက် သိုမှီး​ထား​၍ ကိုယ်တော်​ကို​ခိုလှုံ​သော​သူ​တို့​အတွက် လူသား​တို့​ရှေ့​တွင်​ပြု​တော်မူ​သော ကိုယ်တော်​၏​ကောင်းမြတ်​ခြင်း​သည် ကြွယ်ဝ​လှ​ပါ​၏​။

Common Language Bible

¹⁹ ကိုယ်​တော်​ရှင်​အား​ကြောက်​ရွံ့​ရို​သေ​ကြ​သူ​တို့ ၏​အ​တွက် သို​မှီး​ထား​တော်​မူ​သော​ကောင်း​သော​အ​ရာ များ​ကား အ​လွန်​ပင်​အံ့​သြ​ဖွယ်​ကောင်း​လှ​ပါ​သည်​တ​ကား။ ကိုယ်​တော်​ရှင်​သည်​ကောင်း​မြတ်​တော်​မူ​ကြောင်း ကို​လည်း​ကောင်း၊ အ​ထံ​တော်​၌​ခို​လှုံ​ကြ​သူ​တို့​ကို ကွယ်​ကာ​တော်​မူ​ကြောင်း​ကို​လည်း​ကောင်း လူ​အ​ပေါင်း​တို့​သိ​ကြ​ပါ​၏။

Garrad Bible

¹⁹ ကိုယ် တော် ကို ခန့် ညား သူ တို့ အ ဖို့ သို ထား ၍၊ ကိုး စား သူ တို့ အ ဖို့ လူ သား တို့ ရှေ့ တွင် စီ မံ သော ဆု ကျေး ဇူး သည်၊ ကြီး လှ သည် တ ကား။

Judson Bible

¹⁹ ကိုယ်​တော်​ကို ကြောက်​ရွံ့​သော​သူ​တို့​အ​ဖို့ သို​ထား​တော်​မူ၍၊ လူ​သား​တို့​ရှေ့​မှာ ကိုယ်​တော်​ကို ခို​လှုံ​သော သူ​တို့​အ​ဖို့ ပြု​ပြင်​တော်​မူ​သော ဆု​ကျေး​ဇူး​တော်​သည် အ​လွန်​ကြီး​လှ​ပါ၏။

ဆာ​လံ 31:19 ပူးပေါင်းရင်းမြစ်များ

ဆာ​လံ 12:5

ထာဝရဘုရား​က “​အဖိနှိပ်​ခံရ​သော​သူ​တို့​ကြုံ​ရ​သည့်​ညှဉ်းဆဲ​ခြင်း​နှင့် နွမ်းပါး​သော​သူ​တို့​၏​ညည်းတွား​ခြင်း​ကြောင့် ယခုပင် ငါ​ထ​မည်​။ သူ​တို့​တမ်းတ​သော​လုံခြုံ​ရာ​အရပ်​၌ သူ​တို့​ကို​ငါ​ထား​မည်​”​ဟု မိန့်​တော်မူ​၏​။

ဆာ​လံ 16:11

ကိုယ်တော်​သည် အကျွန်ုပ်​အား အသက်ရှင်​ခြင်း​လမ်း​ကို​သိ​စေ​၍ ရှေ့​တော်​၌ အကျွန်ုပ်​ကို ဝမ်းမြောက်​ခြင်း​ဖြင့် ပြည့်စုံကြွယ်ဝ​စေ​တော်မူ​လိမ့်မည်​။ နှစ်လို​ဖွယ်​ကောင်း​သော​အရာ​သည် ကိုယ်တော်​၏​လက်ယာ​ဘက်​၌ အစဉ်​ရှိ​ပါ​၏​။

ဆာ​လံ 23:5

အကျွန်ုပ်​၏​ရန်သူ​တို့​ရှေ့​၌ ကိုယ်တော်​သည် အကျွန်ုပ်​အတွက်​စားပွဲ​ကို တည်ခင်း​တော်မူ​၏​။ အကျွန်ုပ်​၏​ခေါင်း​ကို ဆီ​နှင့်​လိမ်း​တော်မူ​၏​။ အကျွန်ုပ်​၏​ခွက်ဖလား​သည် လျှံ​လျက်​ရှိ​ပါ​၏​။

ဆာ​လံ 68:28

သင်​၏​ဘုရားသခင်​သည် သင်​၏​အစွမ်းသတ္တိ​ကို​မိန့်မှာ​တော်မူ​ပြီ​။ အို ဘုရားသခင်​၊ အကျွန်ုပ်​တို့​အတွက် ပြု​တော်မူ​သည့်​အတိုင်း တန်ခိုး​တော်​ကို​ပြသ​တော်မူ​ပါ​။

ဆာ​လံ 73:1

အကယ်စင်စစ် ဘုရားသခင်​သည် အစ္စရေး​လူမျိုး​တို့​အပေါ်​၊ စိတ်နှလုံး​ဖြူစင်​သော​သူ​တို့​အပေါ် ကောင်းမြတ်​တော်မူ​၏​။

ဟေ​ရှာ​ယ 26:12

အို ထာဝရဘုရား​၊ ကိုယ်တော်​သည် အကျွန်ုပ်​တို့​အား ငြိမ်သက်​ခြင်း​ကို ပေး​တော်မူ​ပါ​ပြီ​။ အကယ်စင်စစ် အကျွန်ုပ်​တို့​၏​အမှု​ရှိသမျှ​တို့​ကို အကျွန်ုပ်​တို့​အတွက် ကိုယ်တော်​ပြု​တော်မူ​ပါ​ပြီ​။

ဟေ​ရှာ​ယ 35:10

ထာဝရဘုရား ရွေးနုတ်ကယ်တင်​တော်မူ​သော​သူ​တို့​သည် ပြန်လာ​ကြ​မည်​။ သီချင်းဆို​လျက် ဇိအုန်​မြို့​ထဲသို့ ဝင်လာ​ကြ​မည်​။ သူ​တို့​၏​ခေါင်း​ပေါ်၌ ဝမ်းမြောက်​ခြင်း​သရဖူ​ကို အစဉ်အမြဲ​ဆောင်း​ကြ​ရ​မည်​။ ဝမ်းနည်း​ခြင်း​၊ ညည်းတွား​ခြင်း​သည် ထွက်ပြေး​သွား​၍ ရွှင်မြူး​ခြင်း​၊ ဝမ်းမြောက်​ခြင်း​ကို ရရှိ​ကြ​မည်​။

ဟေ​ရှာ​ယ 64:4

ကိုယ်တော်​မှတစ်ပါး မျှော်လင့်စောင့်စား​သော​သူ​အား ကျေးဇူးပြု​ပေး​တော်မူ​သော​ဘုရား​ဟူ၍ မ​ရှိ​။ ရှိ​သည်​ဟု ရှေးကာလ​ကတည်းက မည်သူ​မျှ​မ​ကြား​ဖူး​၊ မ​သိ​ဖူး​၊ မျက်စိ​ဖြင့်​လည်း မ​မြင်​ဖူး​ပေ​။

တော​လည် 23:23

ယာကုပ်​အမျိုး​ကို မှော်အတတ်​ဖြင့်​မ​ပြုစား​နိုင်​။ အစ္စရေး​လူမျိုး​ကို ဂမ္ဘီရပညာ​ဖြင့်​မ​လှည့်ဖြား​နိုင်​။ ယခု​တွင် ‘​ဘုရားသခင် မည်သို့​ပြု​တော်မူ​ပါ​သနည်း​’​ဟူ၍ ယာကုပ်​အမျိုး​၊ အစ္စရေး​လူမျိုး​ကို​ရည်ဆောင်​၍ ပြောဆို​ရ​လိမ့်မည်​။

ရှင်ယောဟန် 3:21

သမ္မာတရား​ကို​ကျင့်သုံး​သော​သူ​မူကား မိမိ​ပြု​သော​အမှု​များ​သည် ဘုရားသခင်​အားဖြင့်​ပြု​ခြင်း​ဖြစ်​ကြောင်း ထင်ရှား​စေရန် အလင်း​ထံသို့​ချဉ်းကပ်​၏”​ဟု ပြန်​၍​မိန့်​တော်မူ​၏။

တမန်တော်ဝတ္ထု 15:12

ထိုအခါ စုဝေး​သော​သူ​အပေါင်း​တို့​သည် တိတ်ဆိတ်​သွား​၍ ဗာနဗ​နှင့်​ပေါလု​တို့​က မိမိ​တို့​အားဖြင့် လူမျိုးခြား​တို့​အလယ်​၌ ဘုရားသခင်​ပြု​တော်မူ​သမျှ​သော နိမိတ်​လက္ခဏာ​များ​နှင့်​အံ့ဩဖွယ်ရာ​များ​အကြောင်း ပြောပြ​ကြ​သည်​ကို နားထောင်​လျက်​နေ​ကြ​၏။

ရော​မ 11:22

ထို့ကြောင့် ဘုရားသခင်​၏​ပြင်းထန်​သော​စီရင်​တော်မူ​ခြင်း​နှင့်​ကျေးဇူးပြု​တော်မူ​ခြင်း​တို့​ကို ကြည့်​ကြ​လော့။ ပြင်းထန်​သော​စီရင်​တော်မူ​ခြင်း​သည် လဲကျ​သော​သူ​တို့​ပေါ်၌​ရှိ​၍ ဘုရားသခင်​၏​ကျေးဇူးပြု​တော်မူ​ခြင်း​မူကား သင်​သည် ထို​ကျေးဇူးပြု​တော်မူ​ခြင်း​၌ ဆက်၍​တည်​နေ​လျှင် သင့်​အပေါ်၌​ရှိ​၏။ ဆက်၍​မ​တည်​လျှင် သင်​သည်​လည်း ခုတ်ဖြတ်​ခြင်း​ခံရ​လိမ့်မည်။

၁ ကော 2:9

သို့သော် ကျမ်းစာ​၌​ရေး​ထား​သည်​နှင့်အညီ “ဘုရားသခင်​သည် မိမိ​ကို​ချစ်​သော​သူ​တို့​အတွက် မျက်စိ​ဖြင့် မ​မြင်​ဖူး​သော​အရာ၊ နား​ဖြင့် မ​ကြား​ဖူး​သော​အရာ၊ လူ​၏​စိတ်နှလုံး​၌ မ​တွေး​မိ​ဖူး​သော​အရာ​တို့​ကို ပြင်ဆင်​ထား​တော်မူ​၏။”

၂ ကော 5:5

ဤ​အမှုအရာ​အတွက် ငါ​တို့​ကို​ပြင်ဆင်​ပေး​တော်မူ​သော​အရှင်​ကား ဝိညာဉ်​တော်​ကို စရန်​အဖြစ် ငါ​တို့​အား​ပေး​တော်မူ​သော ဘုရားသခင်​ပေတည်း။

ဟေ​ဗြဲ 10:34

သင်​တို့​သည် အကျဉ်းသား​တို့​အပေါ် စာနာ​စိတ်​ရှိ​ကြ​သည်​သာမက သာ၍​မြတ်​ပြီး တည်မြဲ​သော​အရာ​ကို မိမိ​တို့​ပိုင်ဆိုင်​ကြောင်း​သိ​လျက် သင်​တို့​ဥစ္စာ​ပစ္စည်း​များ မတရား​လုယူ​ခြင်း​ခံရ​သော်လည်း ဝမ်းမြောက်​စွာ​သည်းခံ​ခဲ့​ကြ​၏။

ယာ​ကုပ် 2:5

ငါ​ချစ်​သော​ညီအစ်ကို​တို့၊ နားထောင်​ကြ​လော့။ ဘုရားသခင်​သည် ဤ​လောက​တွင် ဆင်းရဲ​သော​သူ​တို့​ကို ယုံကြည်​ခြင်း​၌​ကြွယ်ဝ​သော​သူ​အဖြစ်​လည်းကောင်း၊ ကိုယ်တော်​ကို​ချစ်​သော​သူ​တို့​အား ကတိ​ထား​တော်မူ​သော​နိုင်ငံ​တော်​ကို အမွေ​ဆက်ခံ​သူ​အဖြစ်​လည်းကောင်း ရွေးကောက်​တော်မူ​သည်​မ​ဟုတ်​လော။