ရှင်မာကု 16:1 - ခေတ်သစ်မြန်မာ သမ္မာကျမ်း ဥပုသ်နေ့လွန်သောအခါ မာဂဒလမာရိ၊ ရှာလုံနှင့် ယာကုပ်မိခင်မာရိတို့သည် ယေရှု၏ အလောင်းတော်ကို လိမ်းရန် အမွှေးနံ့သာများကို ဝယ်ယူကြ၏။ Common Language Bible ဥပုသ်နေ့ကုန်လွန်သွားသောအခါ မာဂဒလ ရွာသူမာရိ၊ ယာကုပ်၏အမိမာရိနှင့်ရှာလုံတို့ သည် သခင်ယေရှု၏အလောင်းတော်ကိုသုတ်လိမ်း ရန်ဆီမွှေးများကိုဝယ်ယူကြ၏။- Garrad Bible ဥ ပုသ် နေ့ လွန် သော် မာ ဂ ဒ လ မာ ရိ၊ ယာ ကုပ် အ မိ မာ ရိ နှင့် ရှာ လုံ တို့ သည် အ လောင်း တော် ကို သွား ရောက် လိမ်း ကျံ ရန် နံ့ သာ များ ဝယ် ပြီး လျှင်၊ Judson Bible ဥပုသ်နေ့လွန်မှ မာဂဒလမာရိ၊ ယာကုပ်၏အမိဖြစ်သော မာရိနှင့် ရှာလုံတို့သည် သွား၍၊ အလောင်းတော်ကို လိမ်းခြင်းငှာ နံ့သာမျိုးကိုဝယ်ပြီးလျှင်၊- မြန်မာ့စံမီသမ္မာကျမ်း ဥပုသ်နေ့လွန်ပြီးနောက် မာဂဒလမြို့သူမာရိ၊ ယာကုပ်၏မိခင်မာရိနှင့် ဆလိုမေတို့သည် အလောင်းတော်ကို သွား၍လိမ်းရန် အမွှေးနံ့သာကို ဝယ်ယူကြ၏။ မြန်မာ ဥပုသ်နေ့လွန်မှ မာဂဒလမာရိ၊ ယာကုပ်၏အမိဖြစ်သော မာရိနှင့် ရှာလုံတို့သည် သွား၍၊ အလောင်းတော်ကို လိမ်းခြင်းငှာ နံ့သာမျိုးကိုဝယ်ပြီးလျှင်၊- |
ယေရှုသည် ဗေသနိရွာရှိ အနာကြီးရောဂါစွဲကပ်ဖူးသူ ရှိမုန်၏အိမ်၌ ရှိတော်မူစဉ် အမျိုးသမီးတစ်ဦးသည် အလွန်တန်ဖိုးကြီးသည့် နာဒုဆီမွှေးအစစ်ထည့်ထားသော ကျောက်ဖြူဘူးတစ်လုံးကို ကိုင်၍ ရောက်လာ၏။ ထို့နောက် သူသည် ဘူးကို ခွဲဖွင့်ပြီးလျှင် ထိုဆီမွှေးကို ယေရှု၏ ခေါင်းတော်ပေါ်၌ လောင်းလေ၏။
ဤအမျိုးသမီးသည် သူတတ်နိုင်သမျှကို ပြုပြီ။ ငါ့ကို သင်္ဂြိုဟ်ရန်အတွက် ငါ့ကိုယ်ခန္ဓာပေါ်၌ ကြိုတင်၍ ဆီမွှေးလိမ်းပြီ။
အမျိုးသမီးတချို့သည် အဝေးက ရပ်လျက် စောင့်ကြည့်နေကြ၏။ ထိုသူတို့အထဲတွင် မာဂဒလမာရိ၊ ယာကုပ်အငယ်နှင့် ယောသေတို့၏ မိခင်ဖြစ်သော မာရိနှင့် ရှာလုံတို့ ပါကြ၏။
မာဂဒလမာရိနှင့် ယောသေ၏ မိခင်မာရိတို့သည် အလောင်းတော် သင်္ဂြိုဟ်သောနေရာကို တွေ့မြင်ကြ၏။
ထိုအခါ အမျိုးသမီးတို့သည် ကြောက်ရွံ့တုန်လှုပ်၍ မိန်းမောတွေဝေလျက် သင်္ချိုင်းဂူမှ ပြေးထွက်လာကြ၏။ သူတို့သည် ကြောက်ရွံနေသောကြောင့် မည်သူ့ကိုမျှ စကားမပြောဘဲနေကြ၏။
ပြီးမှ အိမ်သို့ ပြန်၍ အမွှေးနံ့သာများနှင့် ဆီမွှေးတို့ကိုပြင်ဆင်ကြ၏။ ထို့နောက် ပညတ်တော်အရ ဥပုသ်နေ့တွင် အနားယူကြ၏။
တနင်္ဂနွေနေ့နံနက်စောစောတွင် ထိုအမျိုးသမီးတို့သည် ပြင်ဆင်ထားသောအမွှေးနံ့သာများကို ယူဆောင်လျက် သင်္ချိုင်းဂူသို့ သွားကြ၏။
ယေရှု၏ မယ်တော်၊ မယ်တော်၏ညီမ၊ ကလောဖ၏ဇနီး မာရိနှင့် မာဂဒလမာရိတို့သည် လက်ဝါးကပ်တိုင်အနီးတွင် ရပ်လျက်နေကြ၏။
ထိုနေ့သည် ပြင်ဆင်ရာနေ့ဖြစ်သောကြောင့် ဂျူးခေါင်းဆောင်များက အလောင်းတို့ကို လက်ဝါးကပ်တိုင်တွင် ဥပုသ်နေ့ရောက်သည်အထိ မရှိစေလိုကြ။ ထိုဥပုသ်နေ့သည် ပသခါပွဲတော်ကျင်းပသည့် နေ့ထူးနေ့မြတ်လည်း ဖြစ်၏။ ထို့ကြောင့် သူတို့သည် လက်ဝါးကပ်တိုင်ပေါ်၌ တင်ထားခြင်းခံရသော သူတို့၏ ခြေကို ချိုး၍ ယူသွားခွင့် ပေးရန် ပိလတ်မင်းထံ၌ ခွင့်တောင်းကြ၏။