ဗျာဒိတ် 9:4 - ခေတ်သစ်မြန်မာ သမ္မာကျမ်း သူတို့သည် မြေကြီးပေါ်ရှိ မြက်ပင်များမှစ၍ အခြားစိမ်းစိုသော အပင်ငယ်များ၊ သစ်ပင်များကို ဖျက်ဆီးခွင့်မရှိ။ မိမိတို့၏ နဖူးတွင် ဘုရားသခင်၏ တံဆိပ်ခတ်နှိပ်မထားသော သူများကိုသာ ဖျက်ဆီးရန် အမိန့်ပေးခံရ၏။ Common Language Bible သူတို့သည်မြက်များနှင့်အခြားစိမ်းလန်းသည့် အပင်ကြီးငယ်တို့ကိုဘေးဥပဒ်ပြုပိုင်ခွင့်မရှိ။ နဖူးတွင်ဘုရားသခင်၏တံဆိပ်တော်မပါ သည့်လူတို့ကိုသာလျှင်ဘေးဥပဒ်ပြုပိုင်ခွင့် ရှိကြ၏။- Garrad Bible စိမ်း လန်း သော အ ပင် မည် သည် ကို မျှ မ ဟုတ်။ န ဖူး တွင် ဘု ရား သ ခင် ခတ် တော် မူ သော တံ ဆိပ် မဲ့ သူ တို့ ကို သာ အ န္တ ရာယ် ပြု ခွင့် ရ သည် ဟု အ မိန့် ရှိ၏။ Judson Bible မြေ၏မြက်ပင်မှစ၍ စိမ်းသောအရာများ၊ သစ်ပင်များအပေါင်းတို့ကို ထား၍၊ နဖူး၌ဘုရားသခင်၏ တံဆိပ်ခတ်ခြင်းကို မခံသောလူတို့ကိုသာ ညှဉ်းဆဲမည်အကြောင်း သူတို့အား ပညတ်ထား၏။- မြန်မာ့စံမီသမ္မာကျမ်း မြေကြီးပေါ်ရှိမြက်ပင်များနှင့် မည်သည့်စိမ်းလန်းသောအရာ၊ သို့မဟုတ် မည်သည့်သစ်ပင်ကိုမျှ ဘေးမသင့်စေဘဲ နဖူးပေါ်တွင် ဘုရားသခင်၏တံဆိပ်တော်မရှိသောသူတို့ကိုသာ ဘေးသင့်စေရန် သူတို့အားမှာထား၏။ |
အဘယ်ကြောင့်ဆိုသော် ခရစ်တော်အတုအယောင်များနှင့် ပရောဖက် အတုအယောင်များ ပေါ်လာလိမ့်မည်ဖြစ်သောကြောင့်ပင်။ ထိုသူတို့သည် ဖြစ်နိုင်လျှင် ဘုရားသခင်ရွေးချယ်ထားသောသူများကိုပင် လှည့်ဖြားရန် နိမိတ်လက္ခဏာကြီးများနှင့် အံ့ဖွယ်ဖြစ်ရပ်များကို ပြကြလိမ့်မည်။
ရွေးနုတ်ခံရမည့်နေ့အတွက် သင်တို့ကို တံဆိပ်ခတ်နှိပ်တော်မူသော ဘုရားသခင်၏ သန့်ရှင်းသောဝိညာဉ်တော်ကို ဝမ်းမနည်းစေကြနှင့်။
ထို့နောက် ကျွန်ုပ်ကြည့်လိုက်ရာ ဇိအုန်တောင်ပေါ်တွင် ရပ်နေသော သိုးသငယ်တော်ကို မြင်ရ၏။ သူ၏ နာမတော်နှင့် ခမည်းတော်၏ နာမတော်ကို နဖူး၌ ရေးထားခံရသူ တစ်သိန်းလေးသောင်းလေးထောင်တို့သည်လည်း သူနှင့်အတူ ရှိကြ၏။
ထိုအခါ သတ္တဝါလေးပါးတို့အလယ်မှ ထွက်လာသည်ဟု ထင်ရသော အသံကို ကျွန်ုပ်ကြားရ၏။ ထိုအသံမှာ “ဂျုံတစ်ခွက်လျှင် ငွေဒင်္ဂါးတစ်ပြားပေးရ၏။ မုယောဆန်သုံးခွက်လျှင် ငွေဒင်္ဂါးတစ်ပြားပေးရ၏။ ဆီနှင့် စပျစ်ဝိုင်ကို မပျက်စေနှင့်” ဟူ၍ဖြစ်၏။
ထို့နောက် ကမ္ဘာမြေကြီးအရပ်လေးမျက်နှာတွင် ရပ်နေသော ကောင်းကင်တမန်လေးပါးကို ကျွန်ုပ်မြင်ရ၏။ သူတို့သည် မြေကြီး၊ ပင်လယ်နှင့် သစ်ပင်များပေါ်သို့ လေမတိုက်စေရန် အရပ်လေးမျက်နှာမှ လေတို့ကို ထိန်းချုပ်ထားကြ၏။
ပထမကောင်းကင်တမန်သည် တံပိုးခရာမှုတ်သောအခါ သွေးနှင့်ရောသော မိုးသီးနှင့်မီးတို့သည် ကမ္ဘာမြေပေါ်သို့ကျလေ၏။ ကမ္ဘာမြေ၏သုံးပုံတစ်ပုံ၊ သစ်ပင်သုံးပုံတစ်ပုံနှင့် စိမ်းစိုသောမြက်ပင်ရှိသမျှတို့သည် လောင်ကျွမ်းကုန်၏။