အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




ဖိ​လိပ္ပိ 4:12 - ခေတ်သစ်​မြန်မာ သမ္မာကျမ်း

ဆင်းရဲနွမ်းပါးခြင်း​ကို ကျွန်ုပ်​သိ၏။ ချမ်းသာ​ကြွယ်ဝခြင်း​ကိုလည်း ကျွန်ုပ်​သိ၏။ ဝလင်​စွာ စားရသည်​ဖြစ်စေ၊ ဆာလောင်​မွတ်သိပ်သည်​ဖြစ်စေ၊ ချမ်းသာ​ကြွယ်ဝသည်​ဖြစ်စေ၊ ငတ်မွတ်​ခေါင်းပါးသည်​ဖြစ်စေ အခြေအနေ​တိုင်း​နှင့် အရာရာ​တိုင်း​၌ တင်းတိမ်​ရောင့်ရဲတတ်သော သော့ချက်​ကို ကျွန်ုပ်​သင်ယူထားပြီ ဖြစ်၏။

အခန်းကိုကြည့်ပါ။

Common Language Bible

ငါ​သည်​ငတ်​မွတ်​သည်​ဖြစ်​စေ၊ ဝ​စွာ​စား​ရ သည်​ဖြစ်​စေ၊ ချို့​တဲ့​မှု​ရှိ​သည်​ဖြစ်​စေ၊ ပို​လျှံ မှု​ရှိ​သည်​ဖြစ်​စေ၊ မည်​သည့်​အ​ခြေ​အ​နေ၊ မည်​သည့်​အ​ရပ်​၌​နေ​ရ​သည်​မ​ဆို​ကျေ​နပ် ရောင့်​ရဲ​တတ်​ရန်​သင်​ယူ​ထား​ပြီး​ဖြစ်​၏။-

အခန်းကိုကြည့်ပါ။

Garrad Bible

နိမ့် ကျ ခြင်း နှင့် ကြွယ် ဝ ခြင်း အ ဖြစ် အ နေ ကို ငါ ခံ တတ် ပြီ။ အ မှု ခပ် သိမ်း အ ရာ ခပ် သိမ်း၌ ဝ ပြော ခြင်း နှင့် ငတ် မွတ် ခြင်း ကြွယ် ဝ ခြင်း နှင့် ဆင်း ရဲ ခြင်း ကို ငါ တွေ့ ကြုံ ခဲ့ ရ ပြီ။

အခန်းကိုကြည့်ပါ။

Judson Bible

ရှုတ်​ချ​ခြင်း​ကို​လည်း​ကောင်း၊ ကြွယ်​ဝ​ခြင်း​ကို​လည်း​ကောင်း၊ ခံ​တတ်၏။ ဝ​စွာ​စား​ခြင်း၊ မွတ်​သိပ်​ခြင်း၊ စည်း​စိမ်​ရှိ​ခြင်း၊ ဆင်း​ရဲ​ခြင်း​တို့​ကို ခံ​ရ​အံ့​သော​ငှာ၊ အ​ရပ်​ရပ်​တို့​တွင် အ​ရာ​ရာ၌ သင်​မိ​ပြီ။-

အခန်းကိုကြည့်ပါ။

မြန်​​​မာ့​​​စံ​​​မီ​​​သမ္မာ​​​ကျမ်း​​

နှိမ့်ချ​ခံရ​ခြင်း​ကို​ငါ​သိ​၍ ကြွယ်ဝ​ခြင်း​ကို​လည်း​ငါ​သိ​၏။ ဝပြော​သည်​ဖြစ်စေ၊ ဆာလောင်​သည်​ဖြစ်စေ၊ ကြွယ်ဝ​ပြည့်စုံ​သည်​ဖြစ်စေ၊ ဆင်းရဲ​နွမ်းပါး​သည်​ဖြစ်စေ အခြေအနေ​တိုင်း​နှင့်​အရာရာ​တိုင်း​၌ နေ​တတ်​သည့်​လျှို့ဝှက်​ချက်​ကို ငါ​သင်ယူ​ခဲ့​ပြီ။

အခန်းကိုကြည့်ပါ။



ဖိ​လိပ္ပိ 4:12
15 ပူးပေါင်းရင်းမြစ်များ  

ငါ့​ထမ်းပိုး​ကို​ယူ​၍ ထမ်း​ကာ ငါ့​ထံမှ သင်ယူကြလော့။ ငါ​သည် နူးညံ့သိမ်မွေ့​၍ နှိမ့်ချသော​စိတ်နှလုံး​ရှိ​သောကြောင့် သင်တို့​၏​စိတ်ဝိညာဉ်​သည် သက်သာရာ​ရ​လိမ့်မည်။


ထိုအခါ ယေရှု​က “ကောင်းကင်​နိုင်ငံတော်​တွင် တပည့်​ဖြစ်လာသော ကျမ်းတတ်ဆရာ​သည် မိမိ​၏ ဘဏ္ဍာတိုက်​ထဲမှ ဥစ္စာသစ်​နှင့် ဥစ္စာဟောင်းတို့​ကို ထုတ်ယူလာသော အိမ်ရှင်​နှင့်​တူ၏” ဟု မိန့်တော်မူ၏။


သင်တို့​နှင့် လူချင်းတွေ့​သောအခါ မဝံ့မရဲ​ဖြစ်၍ အဝေး​တွင် ရှိ​သောအခါ ရဲဝံ့ပြတ်သားသည်​ဟု သင်တို့​မှတ်ယူသော ကျွန်ုပ်​ပေါလု​သည် ခရစ်တော်​၏ နှိမ့်ချမှု​နှင့် နူးညံ့သိမ်မွေ့မှု​တို့​ဖြင့် သင်တို့​ကို တိုက်တွန်း​နှိုးဆော်ပါ၏။


တချို့​က “ပေါလု​၏ စာများ​သည် ဩဇာပါ​၍ အထင်ကြီးဖွယ်​ဖြစ်​သော်လည်း လူချင်းတွေ့​လျှင် သူ​သည် သတ္တိ​နည်း​၍ အဟောအပြော​လည်း ညံ့သည်” ဟု ပြောဆိုတတ်ကြ၏။


အလုပ်​ကို ခက်ခက်ခဲခဲ​ဖြင့် ပင်ပန်းကြီးစွာ​လုပ်ကိုင်ရခြင်း၊ မကြာခဏ​အိပ်ရေးပျက်ခြင်း၊ ဆာလောင်ခြင်း၊ ရေငတ်ခြင်း၊ မကြာခဏ​အစာ​ပြတ်လပ်ခြင်း၊ အအေးဒဏ်​ခံရခြင်း၊ ဝတ်စရာ​မလုံလောက်ခြင်း စသည်တို့​နှင့် ကြုံခဲ့ရ၏။


သင်တို့​ကို ချီးမြှောက်​ရန် မိမိ​ကိုယ်ကိုယ် နှိမ့်ချ​လျက် ဘုရားသခင်​၏ သတင်းကောင်း​ကို သင်တို့​အား အခမဲ့​ဟောပြောခြင်း​သည် ကျွန်ုပ်​အတွက် အပြစ်​ဖြစ်သလော။


မာကေဒေါနိပြည်​မှ လာသော ညီအစ်ကိုတို့​သည် ကျွန်ုပ်​လိုအပ်သည့်​အရာများ​ကို ဖြည့်ဆည်းပေးကြ၏။ ထို့ကြောင့် ကျွန်ုပ်​သည် သင်တို့​နှင့်အတူ ရှိ​စဉ်​၌ တစ်စုံတစ်ရာ​လိုအပ်​လျှင် သင်တို့​အတွက် ဝန်ထုပ်ဝန်ပိုး​မဖြစ်စေခဲ့ပေ။ ကျွန်ုပ်​သည် သင်တို့​အတွက် မည်သို့​မျှ ဝန်ထုပ်ဝန်ပိုး​မဖြစ်​စေရန် မိမိ​ကိုယ်ကိုယ် သတိ​နှင့် နေခဲ့၏။ နောင်တွင်လည်း သတိ​နှင့် နေဦးမည်။