သို့သော်လည်း နောက်ဆုံးတွင် ဟေရုဒ်မင်း၏မွေးနေ့ပွဲ၌ ဟေရောဒိအတွက် အခွင့်အရေးကြုံလာ၏။ ဟေရုဒ်မင်းသည် မှူးကြီးမတ်ကြီးများ၊ စစ်တပ်အရာရှိများနှင့် ဂါလိလဲပြည်၏ ခေါင်းဆောင်များကို ကျွေးမွေးဧည့်ခံလေ၏။
တမန်တော်ဝတ္ထု 25:23 - ခေတ်သစ်မြန်မာ သမ္မာကျမ်း ထို့ကြောင့် နောက်တစ်နေ့တွင် အဂြိပ္ပမင်းကြီးနှင့် ဗေရနိတ်တို့သည် ခမ်းနားကြီးကျယ်သောအဆောင်အယောင်ဖြင့် တပ်မှူးကြီးများ၊ မြို့၌ထင်ရှားကျော်ကြားသောဂုဏ်အသရေရှိလူကြီးများနှင့်အတူ ညီလာခံခန်းမသို့ ကြွရောက်လာကြ၏။ ထိုအခါ ဖေတ္တုမင်းသည်လည်း ပေါလုကိုခေါ်ဆောင်လာစေရန် အမိန့်ပေးလေ၏။ Common Language Bible သို့ဖြစ်၍နောက်တစ်နေ့၌အဂြိပ္ပမင်းနှင့်မိ ဖုရားဗေရနိတ်တို့သည် ခမ်းနားကြီးကျယ် သောအဆောင်အယောင်များနှင့်တကွတပ်မှူး များ၊ မြို့ပေါ်ရှိဂုဏ်အသရေရှိလူကြီးများ နှင့်အတူကြွလာလျက် ညီလာခံခန်းမကြီး သို့ဝင်တော်မူ၏။ ထိုအခါဖေတ္တု၏အမိန့် အရ ပေါလုအားခေါ်သွင်းကြ၏။- Garrad Bible ထို ကြောင့် နောက် နေ့၌ အ ဂ ရိ ပ္ပ မင်း နှင့် ဗေ ရ နိတ် တို့ သည် အ ခမ်း အ နား ခင်း ကျင်း၍ ဗိုလ် ချုပ် များ မြို့ ဝန် များ ခြံ ရံ လျက် ညီ လာ ခံ ထွက် ကြ ပြီး လျှင် ဖေ တ္ထု မင်း အ မိန့် နှင့် ပေါ လု ကို သွင်း ခဲ့ ရာ၊ Judson Bible နက်ဖြန်နေ့၌ အဂြိပ္ပမင်းနှင့် ဗေရနိတ်တို့သည် များစွာသော ဂုဏ်အသရေကို ဆောင်လျက်၊ စစ်သူကြီးတို့မှစ၍ ထိုမြို့၌ထင်ရှားသော သူများတို့နှင့်တကွ အိမ်တော်ဦးသို့ ဝင်ကြလျှင်၊ ဖေတ္တုမင်းသည်ပေါလုကို ဆောင်ခဲ့စေ၏။- မြန်မာ့စံမီသမ္မာကျမ်း နောက်တစ်နေ့တွင် အဂြိပ္ပမင်းကြီးနှင့်မိဖုရားဗေရနိတ်တို့သည် ခမ်းနားကြီးကျယ်သောအဆောင်အယောင်ဖြင့် တပ်မှူးကြီးများ၊ ထိုမြို့၏အရေးပါပုဂ္ဂိုလ်များနှင့်အတူကြွလာ၍ ညီလာခံခန်းမထဲသို့ဝင်ကြ၏။ ထိုအခါ ဖေတ္တုမင်းသည် အမိန့်ပေးသဖြင့် ပေါလုကိုခေါ်ထုတ်လာကြ၏။ |
သို့သော်လည်း နောက်ဆုံးတွင် ဟေရုဒ်မင်း၏မွေးနေ့ပွဲ၌ ဟေရောဒိအတွက် အခွင့်အရေးကြုံလာ၏။ ဟေရုဒ်မင်းသည် မှူးကြီးမတ်ကြီးများ၊ စစ်တပ်အရာရှိများနှင့် ဂါလိလဲပြည်၏ ခေါင်းဆောင်များကို ကျွေးမွေးဧည့်ခံလေ၏။
ချိန်းဆိုထားသောနေ့တွင် ဟေရုဒ်မင်းသည် မင်းဝတ်တန်ဆာများကို ဝတ်ဆင်လျက် ရာဇပလ္လင်ပေါ်တွင်ထိုင်ကာ လူထုအား မိန့်ခွန်းပြောလေ၏။
ထို့နောက် ရက်အနည်းငယ်ကြာသောအခါ အဂြိပ္ပမင်းကြီးနှင့် ဗေရနိတ်တို့သည် ဖေတ္တုမင်းကို ကြိုဆိုနှုတ်ဆက်ရန် ဆီဇာရီးယားမြို့သို့ရောက်လာကြ၏။
ထိုအခါ မင်းကြီးသည်ထ၍ သူနှင့်အတူ ထိုင်သော ဘုရင်ခံ၊ ဗေရနိတ်နှင့် အခြားပုဂ္ဂိုလ်အားလုံးတို့သည်လည်း ထကြ၏။
သို့သော် သခင်ဘုရားက “သွားလော့။ ထိုသူသည် လူမျိုးခြားများ၊ ဘုရင်များနှင့် အစ္စရေးလူမျိုးတို့ရှေ့တွင် ငါ့အကြောင်းကို ပြောကြားရန် ငါရွေးကောက်ထားသော တန်ဆာပလာဖြစ်၏။
လောကီနှင့်ဆိုင်သောအရာများကို သုံးစွဲသောသူတို့သည် ထိုအရာများကို မတွယ်တာသင့်။ အဘယ်ကြောင့်ဆိုသော် ဤလက်ရှိကမ္ဘာလောကပုံသဏ္ဌာန်သည် ကွယ်ပျောက်သွားတော့မည်ဖြစ်သောကြောင့်ပင်။
နေမြင့်လာသောအခါ ပူလောင်သောအရှိန်ကြောင့် မြက်ပင်များ ညှိုးနွမ်း၍ အပွင့်များ ကြွေကျကာ အလှတရားများ ပျောက်ကွယ်သွားရ၏။ ထိုနည်းတူ ချမ်းသာသောသူတို့သည် မိမိတို့၏စီးပွားကို ရှာဖွေလျက်နေစဉ် ပျောက်ကွယ်သွားလိမ့်မည်။
ထို့ကြောင့် ကျမ်းစာ၌ “လူအပေါင်းတို့သည် မြက်ပင်ကဲ့သို့ဖြစ်၍ သူတို့၏ဂုဏ်အသရေသည်လည်း မြက်ပွင့်ကဲ့သို့ ဖြစ်၏။ မြက်ပင်သည် ညှိုးနွမ်းခြောက်သွေ့၍ အပွင့်သည်လည်း ကြွေတတ်၏။
အဘယ်ကြောင့်ဆိုသော် လောက၌ ရှိသမျှသော အသွေးအသား၏တပ်မက်ခြင်း၊ မျက်စိ၏တပ်မက်ခြင်း၊ စည်းစိမ်ကြွားဝါခြင်းတို့သည် ခမည်းတော်ထံမှ မဟုတ်ဘဲ ဤလောကမှ လာသောကြောင့်ဖြစ်၏။