တမန်တော်ဝတ္ထု 10:27 - ခေတ်သစ်မြန်မာ သမ္မာကျမ်း ထိုသို့ သူနှင့်ပြောဆိုပြီး အထဲသို့ဝင်သောအခါ လူများစွာစုဝေးနေသည်ကို တွေ့မြင်လျှင် Common Language Bible ထိုနောက်ကော်နေလိနှင့်အတူစကားပြော လျက်အိမ်ထဲသို့ဝင်သွားသောအခါ လူ အမြောက်အမြားစုဝေးလျက်ရှိသည်ကို တွေ့မြင်ရ၏။- Garrad Bible ထို နောက် ကော် နေ လိ နှင့် စ ကား ပြော လျက် ဝင် သွား သော် လူ အ များ စု ရုံး သည် ကို တွေ့ မြင်၍၊ Judson Bible ထိုသို့နှုတ်ဆက်၍ ဝင်လေသော် စုဝေးလျက်ရှိကြသော လူများကိုတွေ့လျှင်၊- မြန်မာ့စံမီသမ္မာကျမ်း ထို့နောက် ကော်နေလိနှင့်စကားပြောရင်း အိမ်ထဲသို့ဝင်လျှင် လူများစွာတို့စုဝေးနေကြသည်ကို တွေ့လေ၏။ |
သင်တို့က ‘ရိတ်သိမ်းချိန်ရောက်ရန် လေးလလိုသေး၏’ ဟု ဆိုတတ်ကြသည်မဟုတ်လော။ သို့သော် သင်တို့အား ငါပြောဆိုသည်မှာ လယ်ပြင်တို့ကို မျှော်ကြည့်လော့။ ရိတ်သိမ်းရန် သီးနှံတို့သည် ဝင်းမှည့်လျက်ရှိ၏။
နောက်တစ်နေ့တွင် ဆီဇာရီးယားမြို့သို့ ရောက်ရှိလာကြ၏။ ကော်နေလိသည် မိမိဆွေမျိုးများနှင့် ရင်းနှီးသောမိတ်ဆွေများအား စုဝေးစေပြီး ပေတရုတို့ကို စောင့်မျှော်လျက်နေလေ၏။
အန္တိအုတ်မြို့သို့ ရောက်ကြသောအခါ အသင်းသားများကို စုဝေးစေလျက် မိမိတို့အားဖြင့် ဘုရားသခင်ပြုတော်မူသောအရာအားလုံးကိုလည်းကောင်း၊ လူမျိုးခြားတို့ ယုံကြည်လာစေရန် ဘုရားသခင်လမ်းဖွင့်ပေးတော်မူကြောင်းကိုလည်းကောင်း ပြောပြကြ၏။
ဤမြို့တွင် ထိရောက်စွာ အမှုတော်ဆောင်နိုင်ရန်အတွက် အခွင့်အရေးတံခါးကြီးသည် ပွင့်လျက်ရှိ၏။ ကျွန်ုပ်ကို ဆန့်ကျင်သောသူများလည်း ရှိကြ၏။
ကျွန်ုပ်သည် ခရစ်တော်၏ သတင်းကောင်းကို ဟောပြောရန် တရောမြို့သို့ ရောက်ခဲ့၏။ ရောက်သောအခါ သခင်ဘုရားသည် မိမိ၏ အမှုတော်ကို ကျွန်ုပ်အား ဆောင်ရွက်စေရန် ကျွန်ုပ်အတွက် အခွင့်အရေးတံခါးကို ဖွင့်ပေးတော်မူ၏။
ကျွန်ုပ်တို့အတွက်လည်း ဆုတောင်းပေးကြလော့။ သို့မှသာ ခရစ်တော်၏ လျှို့ဝှက်နက်နဲသော တရားတော်ကို ကျွန်ုပ်တို့ဟောပြောနိုင်ရန် ဘုရားသခင်သည် အခွင့်အလမ်း ပေးတော်မူလိမ့်မည်။ ထိုတရားတော်ကို ဟောသောကြောင့် ယခု ကျွန်ုပ်အကျဉ်းချခံရ၏။