Josoa 8:1 - Baiboly Protestanta Malagasy

¹ DIA hoy Jehovah tamin’i Josoa: Aza matahotra na mivadi-po hianao, ento miaraka aminao ny vahoaka rehetra mpanafika, ka miaingà, iakaro Ay; indro, efa natolotro eo an-tànanao ny mpanjakan’i Ay mbamin’ny vahoakany sy ny tanànany ary ny taniny.

Baiboly Protestanta Malagasy 2011

¹ Hoy NY TOMPO tamin’i Josoa: Aza matahotra na mivadi-po ianao. Ento miaraka aminao ny vahoaka rehetra mpanafika ka miaingà, iakaro i Ay; indro, efa natolotro eo an-tananao ny mpanjakan’i Ay mbamin’ny vahoakany sy ny tanànany ary ny taniny.

DIEM PROTESTANTA

¹ Dia hoy ny TOMPO tamin’i Josoa: –Aza matahotra na mivadi-po ianao. Ento miaraka aminao ny tafikao manontolo ka miaingà hamely an’i Hay. Indro fa hatolotro ho eo an-tananao ny mpanjakan’i Hay sy ny vahoaka ary ny tanànany sy ny taniny.

Dikateny Iombonana Eto Madagasikara

¹ Dia hoy ny TOMPO tamin’i Josoa: –Aza matahotra na mivadi-po ianao. Ento miaraka aminao ny tafikao manontolo ka miaingà hamely an’i Hay. Indro fa hatolotro ho eo an-tananao ny mpanjakan’i Hay sy ny vahoaka ary ny tanànany sy ny taniny.

Baiboly Katolika

¹ Ary hoy i Iaveh tamin’i Jôsoe: «Aza matahotra na manam-badi-po, fa ento miaraka aminao ny mpiantafika rehetra, dia mitsangàna ka miakara hamely an’i Haia. Jereo efa natolotro eo an-tananao ny mpanjakan’i Haia, mbamin’ny vahoakany sy ny tanànany ary ny taniny.

Malagasy Bible

¹ Dia hoy Jehovah tamin'i Josoa: Aza matahotra na mivadi-po ianao, ento miaraka aminao ny vahoaka rehetra mpanafika, ka miaingà, iakaro Ay; indro, efa natolotro eo an-tananao ny mpanjakan'i Ay mbamin'ny vahoakany sy ny tanànany ary ny taniny.

Josoa 8:1 Rohy Ifampitohizana

Salamo 27:1

Nataon’i Davida. JEHOVAH no fahazavako sy famonjena ahy; Iza no hatahorako? Jehovah no fiarovana mafy ho an’ny aiko; Iza no hangovitako?

Salamo 44:3

Fa tsy ny sabany no nahazoany ny tany, Ary tsy ny sandriny no namonjy azy; Fa ny tànanao ankavanana sy ny sandrinao ary ny fahazavan’ny tavanao, satria efa sitrakao izy.

Salamo 46:11

Jehovah, Tompon’ny maro, no momba antsika; Andriamanitr’i Jakoba no aro ho antsika. [Sela.]

Isaia 12:2

Indro, Andriamanitra no famonjena ahy; Dia hatoky aho, fa tsy mba hatahotra; Fa Jehovah Tompo no heriko sy fiderako Fa efa famonjena ahy Izy.

Isaia 43:2

Raha mita ny rano hianao, dia homba anao Aho; Ary raha mita ny ony hianao, dia tsy hanafotra anao izy; Raha mandeha mamaky ny afo hianao, dia tsy ho may, Ary tsy hirehitra aminao ny lelafo;

Jeremia 46:27

Fa aza matahotra hianao, ry Jakoba mpanompoko, Ary aza mivadi-po, ry Isiraely; Fa, indro, hovonjeko avy any amin’ny lavitra hianao, Ary ny taranakao avy any amin’ny tany nahababo azy; Dia hiverina Jakoba ka hiadana, Eny, handry fahizay izy, ka tsy hisy hanaitaitra azy.

Jeremia 49:3

Midradradradrà, ry Hesbona, fa rava Ay! Mitaraina, hianareo zanakavavin’i Raba! Misikìna lamba fisaonana hianareo; Manaova fisaonana, ary mivoivoiza eo anaty fefy; Fa lasan-ko babo ny mpanjakany, Dia ny mpisorony sy ireo mpanapaka azy.

Daniela 2:21

Ary Izy no mandahatra ny andro sy ny fotoana; Izy no manaisotra mpanjaka sy manangana mpanjaka; Izy no manome fahendrena ho an’ny hendry sy fahalalana ho an’izay mazava saina.

Daniela 4:25

Izany rehetra izany no nanjo an’i Nebokadnezara mpanjaka.

Matio 8:26

Ary hoy Izy taminy: Nahoana no saro-tahotra hianareo, ry kely finoana? Dia nitsangana Izy, ka noteneniny mafy ny rivotra sy ny ranomasina, dia tonga tony tsara ny andro.

Deoteronomia 1:21

indro, efa natolotr’i Jehovah Andriamanitrao eo anoloanao ny tany; iakaro izy ka lovao, araka izay nolazain’i Jehovah, Andriamanitry ny razanao, taminao; aza matahotra na mivadi-po hianao.

Deoteronomia 31:8

Ary Jehovah no mandeha eo alohanao; ary Izy no hiaraka aminao; tsy handao anao na hahafoy anao Izy; koa aza matahotra na mivadi-po hianao.

Deoteronomia 7:18

Dia aza matahotra azy hianao; fa tsarovy tsara izay nataon’i Jehovah Andriamanitrao tamin’i Farao sy ny Egyptiana rehetra,

Deoteronomia 7:21

Aza matahotra azy hianao; fa Jehovah Andriamanitrao no eo aminao, dia Andriamanitra lehibe sy mahatahotra.

Josoa 1:9

Tsy efa nandidy anao va Aho? Koa mahereza sy matanjaha; aza matahotra na mivadi-po, fa momba anao Jehovah Andriamanitrao amin’izay rehetra alehanao.

Josoa 10:7

Dia niakatra niala tany Gilgala Josoa sy ny mpanafika rehetra teo aminy, dia ny lehilahy mahery rehetra.

Josoa 10:8

Ary hoy Jehovah tamin’i Josoa: Aza matahotra azy, fa efa natolotra eo an-tànanao izy, ka tsy hisy hahajanona eo anoloanao izy na dia iray akory aza.

Josoa 2:24

ka hoy izy tamin’i Josoa: Efa natolotr’i Jehovah eo an-tànantsika tokoa ny tany rehetra; ary efa ketraka ny mponina rehetra amin’ny tany noho ny tahotra antsika.

Josoa 6:2

Ary hoy Jehovah tamin’i Josoa: Indro, efa natolotro eo an-tànanao Jeriko sy ny mpanjakany mbamin’ny lehilahy mahery.

Josoa 7:9

Ary ho ren’ny Kananita sy ny mponina rehetra amin’ny tany izany, dia hanodidina anay izy ka hamono ny anaranay tsy ho eo amin’ny tany intsony; ary hataonao ahoana ny anaranao lehibe?