Isaia 9:5 - Baiboly Protestanta Malagasy

⁵ Fa Zaza no teraka ho antsika, Zazalahy no omena antsika; Ary ny fanapahana dia eo an-tsorony, Ary ny anarany atao hoe Mahagaga, Mpanolo-tsaina, Andriamanitra Mahery, Rain’ny mandrakizay, Andrian’ny fiadanana.

Baiboly Protestanta Malagasy 2011

⁵ Fa Zaza no teraka ho antsika, Zazalahy no omena antsika; ary ny fahefana dia eo an-tsorony; ny anarany atao hoe Mpanolotsaina mahagaga, Andriamanitra mahery, Rain’ny mandrakizay, Andrianan’ny fiadanana.

DIEM PROTESTANTA

⁵ Satria misy zaza teraka ho antsika, zazalahy no omena antsika; eny an-tsorony ny mari-piandrianany, ary ny anaram-boninahiny dia hatao hoe: Mpitondra mahay, Andriamanitra mahery, Ray mandrakizay, Andriana mitondra ny fiadanana.

Dikateny Iombonana Eto Madagasikara

⁵ Satria misy zaza teraka ho antsika, zazalahy no omena antsika; eny an-tsorony ny mari-piandrianany, ary ny anaram-boninahiny dia hatao hoe: Mpitondra mahay, Andriamanitra mahery, Ray mandrakizay, Andriana mitondra ny fiadanana.

Baiboly Katolika

⁵ Fa misy zaza teraka ho antsika; zazalahy nomena antsika; ka ny fanjakana napetraka eo an-tsorony; ary ny anarany atao hoe: Mpanolo-tsaina mahagaga, Andriamanitra mahery, Ray mandrakizay, Andrian’ny fiadanana,

Malagasy Bible

⁵ Fa Zaza no teraka ho antsika, Zazalahy no omena antsika; Ary ny fanapahana dia eo an-tsorony, ary ny anarany atao hoe Mahagaga, Mpanolo-tsaina, Andriamanitra Mahery, Rain'ny mandrakizay Andrian'ny fiadanana.

La Bible en Malgache

⁵ Fa Zaza no teraka ho antsika, Zazalahy no omena antsika; ary ny fahefana dia eo an-tsorony; ny anarany atao hoe Mpanolotsaina mahagaga, Andriamanitra mahery, Rain’ny mandrakizay, Andrianan’ny fiadanana.

Isaia 9:5 Rohy Ifampitohizana

Genesisy 32:30

Dia nanontany Jakoba ka nanao hoe: Masìna Hianao, lazao kely izay anaranao. Ary hoy Izy: Ahoana no anontanianao ny anarako? Dia nitahy azy teo Izy.

Salamo 46:9

Mampitsahatra ady hatramin’ny faran’ny tany Izy; Manapaka ny tsipìka sy manito ny lefona Izy Ary mandoro ny sariety amin’ny afo.

Salamo 72:3

Ny tendrombohitra hahavokatra fiadanana ho an’ny olona, Eny, ny havoana koa amin’ny fahamarinana.

Eksodosy 23:21

Mitandrema eo anatrehany, ka mihainoa ny feony, ary aza mampahatezitra Azy; fa tsy hamela ny fahotanareo Izy;

Isaia 13:4

Injany! ny horakoraka any an-tendrombohitra, Tahaka ny an’ny vahoaka be! Dia ny fitabataban’ny fanjakan’ny firenena efa tafatambatra! Jehovah, Tompon’ny maro, no manomana miaramila hiady,

Isaia 2:4

Ary hitsara ny adin’ny jentilisa Izy Ka hampiaiky firenena maro; Dia hanefy ny sabany ho fangady ireny, Ary ny lefony ho fanetezam-boaloboka; Ny firenena tsy hanainga sabatra hifamely Na hianatra ady intsony.

Isaia 30:33

Fa efa voavoatra fahataloha Tofeta; Eny, efa nataony vonona ho an’ny mpanjaka izany; Efa nataony lalina sady malalaka izy; Ny antontany dia misy afo sy kitay betsaka; Ary ny fofonain’i Jehovah, izay tahaka ny renirano solifara, no mampirehitra azy.

Isaia 37:36

Dia avy Ilay Anjelin’i Jehovah ka namely olona dimy arivo amby valo alina sy iray hetsy tao an-tobin’ny Asyriana; ary nony maraina koa vao nifoha olona, dia hita fa, indreo, efa maty avokoa ireo.

Isaia 4:4

Rehefa voasasan’ny Tompo ho afaka amin’ny fahalotoany ireo zanakavavin’i Ziona, Ary rehefa voadion’ny fanahy fitsarana sy ny fanahy fandringanana Jerosalema, Ho afaka amin’ny ran’olona nalatsany.

Isaia 9:4

Fa ny kiraron’izay mitrevatreva fandeha eo amin’ny fihorakorahan’ny ady Sy ny fitafiana mihosin-dra Dia samy hodoroana, eny, ho kitay hatohoka amin’ny afo izany.

Isaia 9:6

Ny handrosoan’ny fanapahana sy ny fiadanana dia tsy hanam-pahataperana Eo amin’ny seza fiandrianan’i Davida sy ny fanjakany, Mba hampiorenana sy hampitoerana azy Amin’ny rariny sy ny hitsiny Hatramin’izao ka ho mandrakizay; Ny fahasaro-piaron’i Jehovah, Tompon’ny maro, no hahatanteraka izany.

Jeremia 23:5

Indro, avy ny andro, hoy Jehovah, izay hananganako Rantsana marina ho an’i Davida, Ka hanjaka Izy sady ho hendry Ary hanao fitsarana sy fahamarinana amin’ny tany.

Jeremia 47:3

Noho ny fikatrokatroky ny kitron’ny soavaliny matanjaka Sy ny fikorodondrodon’ny kalesiny Ary ny fikotrokotroky ny kodiany Ny ray dia tsy miherika ny zanany, fa efa miraviravy tànana,

Joela 2:5

Tahaka ny figorodon’ny kalesy any an-tampon’ny tendrombohitra no figorodon’ny fitsambikimbikiny, Sy tahaka ny fipororotry ny lelafo eny amin’ny hain-tanety, Ary tahaka ny firenena mahery voalamina hiady.

Levitikosy 3:11

Ary ny mpisorona dia handoro izany ho fofona eo ambonin’ny alitara; hanina avy amin’ny fanatitra atao amin’ny afo ho an’i Jehovah izany.

Levitikosy 3:16

Ary ny mpisorona handoro azy ho fofona eo ambonin’ny alitara; hanina avy amin’ny fanatitra atao amin’ny afo ho hanitra ankasitrahana izany; an’i Jehovah ny sabora rehetra.

Mika 5:1

FA hianao, ry Betlehema Efrata, Izay kely tsy tokony ho isan’ny arivon’i Joda akory, Dia avy ao aminao no hivoahan’Izay anankiray ho Mpanapaka ho Ahy ao amin’ny Isiraely; Hatry ny fahagola no efa nivoahany, dia hatrizay hatrizay.

Nahoma 3:2

Injany! ny fifiopioky ny karavasy! Ny fikorodondrodon’ny kodia! Ny fikatrokatroky ny soavaly! Ary ny fitraitraiky ny kalesy!

Zakaria 6:13

Eny, Izy no hanao ny tempolin’i Jehovah, ary Izy no hitondra voninahitra ka hipetraka sy hanapaka eo amin’ny seza fiandrianany; ary ho mpisorona eo amin’ny seza fiandrianany Izy; ary hisy fisainam-pihavanana amin’izy roroa.

Matio 3:11

Izaho dia manao batisa anareo amin’ny rano ho amin’ny fibebahana; fa Ilay avy ao aoriako no mahery noho izaho, ka tsy mendrika hitondra ny kapany aza aho; Izy no hanao batisa anareo amin’ny Fanahy Masina sy ny afo;

Asan’ny Apostoly 2:19

Ary hanisy fahagagana eny amin’ny lanitra ambony Aho Sy famantarana amin’ny tany ambany, Dia ra sy afo ary zavon’ny setroka;

Asan’ny Apostoly 2:3

Ary nisy lela maro mitarehin’afo niseho taminy, izay nizarazara; ary nipetraka tamin’izy rehetra isan-olona izany.

2Tesaloniana 1:8

amin’ny afo midedadeda, hamaly izay tsy mahalala an’Andriamanitra sy izay tsy manaiky ny filazantsaran’i Jesosy Tompontsika,

Mpitsara 13:18

Ary hoy Ilay Anjelin’i Jehovah taminy: Nahoana no manontany ny anarako hianao? fa anarana mahagaga izany.

1Samoela 14:19

Ary raha Saoly mbola niresaka tamin’ny mpisorona, dia nandroso sy nitombo ny tabataba terỳ an-tobin’ny Filistina. Ary hoy Saoly tamin’ny mpisorona: Aoka ihany.