Isaia 9:5 - DIEM PROTESTANTA

⁵ Satria misy zaza teraka ho antsika, zazalahy no omena antsika; eny an-tsorony ny mari-piandrianany, ary ny anaram-boninahiny dia hatao hoe: Mpitondra mahay, Andriamanitra mahery, Ray mandrakizay, Andriana mitondra ny fiadanana.

Baiboly Protestanta Malagasy 2011

⁵ Fa Zaza no teraka ho antsika, Zazalahy no omena antsika; ary ny fahefana dia eo an-tsorony; ny anarany atao hoe Mpanolotsaina mahagaga, Andriamanitra mahery, Rain’ny mandrakizay, Andrianan’ny fiadanana.

Dikateny Iombonana Eto Madagasikara

⁵ Satria misy zaza teraka ho antsika, zazalahy no omena antsika; eny an-tsorony ny mari-piandrianany, ary ny anaram-boninahiny dia hatao hoe: Mpitondra mahay, Andriamanitra mahery, Ray mandrakizay, Andriana mitondra ny fiadanana.

Baiboly Katolika

⁵ Fa misy zaza teraka ho antsika; zazalahy nomena antsika; ka ny fanjakana napetraka eo an-tsorony; ary ny anarany atao hoe: Mpanolo-tsaina mahagaga, Andriamanitra mahery, Ray mandrakizay, Andrian’ny fiadanana,

Baiboly Protestanta Malagasy

⁵ Fa Zaza no teraka ho antsika, Zazalahy no omena antsika; Ary ny fanapahana dia eo an-tsorony, Ary ny anarany atao hoe Mahagaga, Mpanolo-tsaina, Andriamanitra Mahery, Rain’ny mandrakizay, Andrian’ny fiadanana.

Malagasy Bible

⁵ Fa Zaza no teraka ho antsika, Zazalahy no omena antsika; Ary ny fanapahana dia eo an-tsorony, ary ny anarany atao hoe Mahagaga, Mpanolo-tsaina, Andriamanitra Mahery, Rain'ny mandrakizay Andrian'ny fiadanana.

La Bible en Malgache

⁵ Fa Zaza no teraka ho antsika, Zazalahy no omena antsika; ary ny fahefana dia eo an-tsorony; ny anarany atao hoe Mpanolotsaina mahagaga, Andriamanitra mahery, Rain’ny mandrakizay, Andrianan’ny fiadanana.

Isaia 9:5 Rohy Ifampitohizana

Genesisy 32:30

Dia nanontany kosa i Jakôba hoe: –Mba lazao ahy, azafady, ny anaranao! Ary hoy izy hoe: –Ahoana no anontanianao ny anarako? Dia notsofiny rano teo i Jakôba.

Salamo 46:9

Tongava hizaha ny asa vitan’ny TOMPO, dia ny zava-mampitolagaga nataony teto an-tany:

Salamo 72:3

Koa fanambinana sy rariny ho an’ny vahoaka anie no hovokarin’ny tendrombohitra sy ny havoana!

Eksodosy 23:21

Mitandrema tsara eo anatrehany ka henoy izay lazainy, ary aza manohitra azy; fa tsy mahazaka fikomiana izy, satria mitondra ny anarako.

Isaia 13:4

Henoy izany horakoraka any an-tendrombohitra fa toy ny feon’ny vahoaka marobe. Henoy izany fitabatabana ataon’ny fanjakana sy firenena maro tafavory: ny TOMPOn’izao rehetra izao no misafo ny andian-tafika hiady.

Isaia 2:4

Hitsara ny firenena maro Izy, ary hampanaiky ny vahoaka rehetra ka hanefy ny sabany ho angady ireny, ary hanao ny lefony ho fanetezam-boaloboka sady tsy hianatra hiady intsony.

Isaia 30:33

Fa efa voaomana hatry ny ela ny fandoroana, ary ho an’ny mpanjaka ihany koa izany. Faritra boribory, malalaka sady lalina, no namoriana kitay betsaka handrehetana afo; ary dia ny fofonain’ny TOMPO, izay toy ny riakan-tsolifara miredareda, no hampirehitra izany toeram-pandoroana izany.

Isaia 37:36

Dia niainga hankao an-tobin’ny Asirianina ilay anjelin’ny TOMPO ka nisy 185 ny antoko-miaramila naripany; ary raha vao nifoha ny sisa velona tamin’ny maraina, dia nahita fa efa maty avokoa ireo.

Isaia 4:4

Hisy Fanahy fahamarinana sy fanadiovana hitsoka; koa rehefa voadion’ny Tompo ho afaka amin’ny lotony ireo andriambavilanitr’i Tsiôna, ary voasasan’ny Tompo ho afaka amin’ny ra nalatsaka tao aminy i Jerosalema,

Isaia 9:4

Fa ny kiraro rehetra entim-pahavalo ka mikatrokatroka mampihozongozon-tany ary ny fitafiana rehetra voahorona mihosin-dra dia samy hodorana avokoa ho levon’ny afo.

Isaia 9:6

Hanao izay hanitarana ny fahefàny izy ary hampisy fiadanana tsy misy fetra. Ny sezafiandrianan’i Davida no hipetrahany ary ny fanjakany no hofeheziny ka haoriny sy hohamafisiny amin’ny rariny sy ny hitsiny, hatramin’izao ka ho mandrakizay. Izany no hotanterahin’ny TOMPOn’izao rehetra izao, vokatry ny firedaredam-pitiavany.

Jeremia 23:5

«Indro avy ny andro izay hanapoirako taranaka marina ho an’i Davida. Teny hentitra avy amiko TOMPO izany. Mpanjaka hanjaka am-pahendrena izy, ka dia ny rariny sy ny hitsiny no hampihariny eo amin’ny tany.

Jeremia 47:3

Mikatrokatroka ny kitron’ireo soavaly matanjaka mirodorodo ny kalesy ary mikotrokotroka ny kodiarany; ka manadino zanaka ny ray aman-dreny satria efa miraviravy tanana.

Joela 2:5

Tahaka ny firodorodon’ny kalesy na ny fipoapoaky ny lelafo amin’ny bozaka may no itsambikimbikinany mitety tampon-tendrombohitra. Eny, tahaka ny tafika matanjaka no efa ilaharany mivonon-kiady.

Levitikosy 3:11

Ny anankiray amin’ny mpisorona kosa handoro izany hanetona eo ambonin’ny alitara. Sakafo levonina amin’ny afo ho an’ny TOMPO izany.

Levitikosy 3:16

Ny anankiray amin’ny mpisorona kosa handoro izany hanetona eo ambonin’ny alitara. Sakafo levonina amin’ny afo ho hanitra ankasitrahina izany. «Ny faritra matavy rehetra dia atokana ho an’ny TOMPO.

Mika 5:1

Dia hoy ny Tompo hoe: «Ianao, ry Betlehema Efratà, isan’ireo tanàna kely indrindra ao Joda ianao! Kanefa avy aminao no hamoahako ilay ho Mpanjaka an’i Israely. Efa hatramin’ny fahagola no niandohany, dia hatramin’ny andro taloha elabe.»

Nahoma 3:2

Injany re ao ny firefotry ny karavasy, ny firodorodon’ny kodiarana sy ny fikatrokatroky ny soavaly ary ny fitraitraikan’ny kalesy.

Zakaria 6:13

eny, izy no hanorina indray ny tempoliko. Ary hisalotra ny fanamiana maha mpanjaka izy, ka eo amin’ny sezafiandrianany no hipetrahany hanapaka ny vahoaka. Eo ankavanan’io lehilahy io kosa dia hisy mpisorona anankiray, izay eo amin’ny sezafiandrianany manokana; ka fisainana mifanaraka tsara no hisy amin’izy roalahy ireo.»

Matio 3:11

Hoy koa i Jôhany: –Ny ahy, ao amin’ny rano no anaovako batisa anareo ho mariky ny fialana amin’ny toetra ratsy. Fa Ilay tamy aoriako dia mahery noho izaho ary tsy mendrika hivimbina ny kapany akory aho; ny Azy dia ao amin’ny Fanahy Masina sy afo no hanaovany batisa anareo.

Asan’ny Apostoly 2:19

Hampisehoako zava-mahatalanjona eny amin’ny habakabaka ambony ary famantarana etỳ amin’ny tany ambany: hisy ra sy afo ary zavon-tsetroka,

Asan’ny Apostoly 2:3

Ary nisy lela maro mitarehin’afo niseho tamin’ny mpivory ka nizarazara nipetraka teny ambonin’ny tsirairay avy.

2Tesaloniana 1:8

voahodidin’afo miredareda Izy no tonga hanasazy ireo tsy mahalala an’Andriamanitra sady tsy manaiky ny Vaovao Mahafaly momba an’i Jesoa Tompontsika.

Mpitsara 13:18

Ary hoy ilay anjelin’ny TOMPO taminy: –Ahoana moa no anontanianao ny anarako? Anarana mahagaga izany!

1Samoela 14:19

Raha mbola niteny tamin’ny mpisorona i Saoly, dia nihamafy ny kotaba tao amin’ny tobin’ny Filistinina. Ka hoy i Saoly tamin’i Ahià: –Aoka ihany, tsoahy ny tananao.