Biblia Todo Logo
Baiboly an-tserasera
- dokam-barotra -




Isaia 9:4 - Baiboly Protestanta Malagasy

4 Fa ny kiraron’izay mitrevatreva fandeha eo amin’ny fihorakorahan’ny ady Sy ny fitafiana mihosin-dra Dia samy hodoroana, eny, ho kitay hatohoka amin’ny afo izany.

Jereo ny toko dika mitovy

Baiboly Protestanta Malagasy 2011

4 Fa ny kiraron’izay mivatravatra fandeha amin’ny ady sy ny fitafiana mihosin-dra dia samy hodorana, eny, ho kitay hatohoka amin’ny afo izany.

Jereo ny toko dika mitovy

DIEM PROTESTANTA

4 Fa ny kiraro rehetra entim-pahavalo ka mikatrokatroka mampihozongozon-tany ary ny fitafiana rehetra voahorona mihosin-dra dia samy hodorana avokoa ho levon’ny afo.

Jereo ny toko dika mitovy

Dikateny Iombonana Eto Madagasikara

4 Fa ny kiraro rehetra entim-pahavalo ka mikatrokatroka mampihozongozon-tany ary ny fitafiana rehetra voahorona mihosin-dra dia samy hodorana avokoa ho levon’ny afo.

Jereo ny toko dika mitovy

Baiboly Katolika

4 Ny kapan’ny mpiady rehetra tamin’ny fikatrohana mbamin’ny kapaoty nihosin-dra rehetra, dia atao anatin’ny afo: ka levon’ny afo.

Jereo ny toko dika mitovy

Malagasy Bible

4 Fa ny kiraron'izay mitrevatreva fandeha eo amin'ny fihorakorahan'ny ady sy ny fitafiana mihosindra dia samy hodoroana, eny, ho kitay hatohoka amin'ny afo izany.

Jereo ny toko dika mitovy

La Bible en Malgache

4 Fa ny kiraron’izay mivatravatra fandeha amin’ny ady sy ny fitafiana mihosin-dra dia samy hodorana, eny, ho kitay hatohoka amin’ny afo izany.

Jereo ny toko dika mitovy




Isaia 9:4
24 Rohy Ifampitohizana  

Fa ny sabatrao no hivelomanao, Ary ny rahalahinao no hotompoinao; Kanefa, raha mby amin’izay andro hahafahanao, Dia hotapahinao ny ziogany ho afaka amin’ny vozonao.


Fa tsy hitoetra eo amin’ny anjaran’ny marina ny tehim-panjakan’ny ratsy fanahy, Fandrao ny marina haninjitra ny tànany hanendry zava-dratsy.


Nampiala ny sorony tamin’ny entana Aho; Nitsahatra tsy nitondra sobiky ny tànany.


Koa izany no anateran’ny Tompo, dia ny Tompon’ny maro, fahahiazana amin’ny tremalahiny; Ary ao ambanin’ny voninahiny dia hisy mirehitra toy ny firehitry ny afo.


ENDREY! ry Asyria, tsorakazon’ny fahatezerako ô, Eny, tehina eny an-tànany ny fahavinirako!


Dia ny hanorotoro ny Asyriana ao amin’ny taniko, Ary ny hanitsakitsaka azy eny an-tendrombohitro; Ny zioga fitondrany dia hiala amin’ireo, Ary ny entany ho afaka amin’ny sorony.


Aoka hitoetra ao aminao izay oloko voaroaka; Ary aoka ho fieren’i Moaba hianao, mba tsy ho azon’ny mpandringana izy; Fa tsy misy intsony ny mpampahory, Tapitra ny loza, Tsy misy amin’ny tany intsony ny mpanosihosy.


Tezitra tamin’ny oloko Aho; Navelako holotoina ny lovako, Ka natolotro ho eo an-tànanao izy,– Tsy mba namindranao fo izy, Fa na dia ny antitra aza dia nasianao zioga mavesatra dia mavesatra.


Sady hampihinaniko ny nofon’ny tenany ihany izay mampahory anao, Ary ho leon’ny ran’ny tenany ihany ireny, toy ny amin’ny ranom-boaloboka; Dia ho fantatry ny nofo rehetra fa Izaho Jehovah no Mpamonjy anao, Ary Ilay Maherin’i Jakoba no Mpanavotra anao.


Ka manadino an’i Jehovah, Mpanao anao, Izay namelatra ny lanitra sy nanorina ny tany, Sady matahotra lalandava mandritra ny andro hianao Noho ny fahatezeran’ny mpampahory, Raha mikendry hamono izy? Fa aiza intsony izay fahatezeran’ny mpampahory?


Ahintsano ny vovoka hiala amin’ny tenanao, ka mitsangàna, Ary mipetraha, ry Jerosalema ô; Vahao ny fatorana amin’ny tendanao, ry Ziona, zanakavavy babo.


Amin’ny fahamarinana no hampiorenana anao; Aza manahy ny fampahoriana, fa tsy hatahotra hianao, Na ny fampahatahorana, fa tsy hanakaiky anao izany.


Fa Zaza no teraka ho antsika, Zazalahy no omena antsika; Ary ny fanapahana dia eo an-tsorony, Ary ny anarany atao hoe Mahagaga, Mpanolo-tsaina, Andriamanitra Mahery, Rain’ny mandrakizay, Andrian’ny fiadanana.


Fa amin’izany andro izany, Hoy Jehovah, Tompon’ny maro, Dia hotapahiko ny ziogany ho afaka amin’ny vozonao Sy hotosako ny fatoranao, Ary ny firenena hafa tsy hampanompo anao intsony;


Mitomania azy, hianareo rehetra izay manodidina azy Sy hianareo rehetra izay mahalala ny anarany! Eny, manaova hoe: Indrisy! tapaka ny tehina mafy sy ny tsorakazo tsara tarehy!


Izaho no Jehovah Andriamanitrareo, Izay nitondra anareo nivoaka avy tany amin’ny tany Egypta, mba tsy ho andevony hianareo; ary nanapaka ny zioga izay teo aminareo Aho ka nampandeha anareo mijoro.


Fa ankehitriny hotapahiko ny ziogany ho afaka aminao, Ary hotosako ny famatorana anao.


Araho izahay:

dokam-barotra


dokam-barotra