Isaia 9:6 - Baiboly Protestanta Malagasy

⁶ Ny handrosoan’ny fanapahana sy ny fiadanana dia tsy hanam-pahataperana Eo amin’ny seza fiandrianan’i Davida sy ny fanjakany, Mba hampiorenana sy hampitoerana azy Amin’ny rariny sy ny hitsiny Hatramin’izao ka ho mandrakizay; Ny fahasaro-piaron’i Jehovah, Tompon’ny maro, no hahatanteraka izany.

Baiboly Protestanta Malagasy 2011

⁶ Ny handrosoan’ny fiandrianana sy ny fiadanana dia tsy hanam-pahataperana eo amin’ny sezafiandrianan’i Davida sy ny fanjakany mba hampiorenana sy hampitoerana azy amin’ny fitsarana marina hatramin’izao ka ho mandrakizay. Izany no hotanterahin’ny fahasaro-piaron’Andriamanitra, Tompon’izao rehetra izao.

DIEM PROTESTANTA

⁶ Hanao izay hanitarana ny fahefàny izy ary hampisy fiadanana tsy misy fetra. Ny sezafiandrianan’i Davida no hipetrahany ary ny fanjakany no hofeheziny ka haoriny sy hohamafisiny amin’ny rariny sy ny hitsiny, hatramin’izao ka ho mandrakizay. Izany no hotanterahin’ny TOMPOn’izao rehetra izao, vokatry ny firedaredam-pitiavany.

Dikateny Iombonana Eto Madagasikara

⁶ Hanao izay hanitarana ny fahefàny izy ary hampisy fiadanana tsy misy fetra. Ny sezafiandrianan’i Davida no hipetrahany ary ny fanjakany no hofeheziny ka haoriny sy hohamafisiny amin’ny rariny sy ny hitsiny, hatramin’izao ka ho mandrakizay. Izany no hotanterahin’ny TOMPOn’izao rehetra izao, vokatry ny firedaredam-pitiavany.

Baiboly Katolika

⁶ mba hanitatra ny fanjakana, sy hanome fiadanana tsy manam-pahataperana, ho an’ny seza fiandrianan’i Davida sy ny fanjakany, mba hampiorenany azy sy hanamafisany azy, amin’ny hitsiny sy ny rariny, hatramin’izao ka ho mandrakizay. Ny zotom-pon’i Iavehn’ny tafika no hanatanteraka izany.

Malagasy Bible

⁶ Ny handrosoan'ny fanapahana sy ny fiadanana dia tsy hanam-pahataperana Eo amin'ny seza fiandrianan'i Davida sy ny fanjakany, mba hampiorenana sy hampitoerana azy amin'ny rariny sy ny hitsiny hatramin'izao ka ho mandrakizay; ny fahasaro-piaron'i Jehovah, Tompon'ny maro, no hahatanteraka izany.

La Bible en Malgache

⁶ Ny handrosoan’ny fiandrianana sy ny fiadanana dia tsy hanam-pahataperana eo amin’ny sezafiandrianan’i Davida sy ny fanjakany mba hampiorenana sy hampitoerana azy amin’ny fitsarana marina hatramin’izao ka ho mandrakizay. Izany no hotanterahin’ny fahasaro-piaron’Andriamanitra, Tompon’izao rehetra izao.

Isaia 9:6 Rohy Ifampitohizana

2Samoela 7:13

dia io no hanao trano ho an’ny anarako, ary Izaho kosa hampitoetra ny seza fiandrianan’ny fanjakany ho mandrakizay.

2Samoela 7:16

Ary ny taranakao sy ny fanjakanao hitoetra eo anatrehanao mandrakizay; ny seza fiandriananao hitoetra mandrakizay.

1Mpanjaka 10:9

Isaorana anie Jehovah Andriamanitrao, Izay tia anao ka nametraka anao amin’ny seza fiandrianan’ny Isiraely; fa noho ny fitiavan’i Jehovah, izay itiavany ny Isiraely mandrakizay, no nanaovany anao ho mpanjaka mba hanao fitsarana sy fahamarinana.

1Mpanjaka 2:33

Eny, ny ran’izy roa lahy ireo hitsingerina amin’ny lohan’i Joaba sy ny lohan’ny taranany mandrakizay; fa amin’i Davida sy ny taranany sy ny mpianakaviny ary amin’ny seza fiandrianany kosa dia hisy fiadanana mandrakizay avy amin’i Jehovah.

1Mpanjaka 2:45

Fa hotahina kosa Solomona mpanjaka, ary ny seza fiandrianan’i Davida hampitoerina eo anatrehan’i Jehovah mandrakizay.

Nehemia 9:32

Koa ankehitriny, ry Andriamanitray ô, Andriamanitra lehibe sady mahery no mahatahotra, Izay mitandrina ny fanekenao sy ny famindramponao, aoka tsy ho kely eo imasonao ny fahoriana rehetra izay nanjo anay, dia ny mpanjakanay sy ny mpanapaka anay sy ny mpisoronay sy ny mpaminaninay ary ny razanay, dia ny olonao rehetra, hatramin’ny andron’ireo mpanjakan’i Asyria ka mandraka andro-any.

Salamo 45:3

Fehezo eo am-balahanao ny sabatrao, ry ilay mahery, Dia ny fiandriananao sy ny voninahitrao.

Salamo 45:6

Ny seza fiandriananao, Andriamanitra ô, dia mandrakizay doria; Tehim-pahamarinana ny tehim-panjakanao.

Salamo 45:7

Tianao ny fahamarinana, fa halanao ny heloka; Koa Andriamanitra, dia Andriamanitrao, efa nanoso-diloilo fifaliana anao Mihoatra noho ny namanao.

Salamo 50:1

Salamo nataon’i Asafa. ANDRIAMANITRA Andriananahary, dia Jehovah, no miteny Ka miantso ny tany hatramin’ny fiposahan’ny masoandro ka hatramin’ny filentehany.

Salamo 72:17

Ho mandrakizay ny anarany; Raha mbola maharitra koa ny masoandro, dia hanorobona ny anarany; Ary izy ho fitahiana ny olona; Ny firenena rehetra hanao azy ho sambatra.

Salamo 72:3

Ny tendrombohitra hahavokatra fiadanana ho an’ny olona, Eny, ny havoana koa amin’ny fahamarinana.

Salamo 72:7

Ny marina hitrebona amin’ny androny, Ary ho be ny fiadanana mandra-paha-tsy hisy volana intsony.

Salamo 85:10

Mihaona ny famindrampo sy ny fahamarinana; Mifanoroka ny rariny sy ny fihavanana.

Salamo 89:5

Ary ny lanitra hidera ny fahagagana ataonao, Jehovah ô, Ary ny fahamarinanao koa ao amin’ny fiangonan’ny olomasina.

Ohabolana 8:23

Izaho notendreny hatramin’ny fahagola, Eny, hatramin’ny voalohany indrindra, dia fony tsy mbola ary ny tany.

Isaia 10:21

Ary izay sisa amin’i Jakoba Dia hiverina ho amin’Andriamanitra Mahery.

Isaia 11:5

Fahamarinana no ho fisikinany, Ary fanahy mahatoky no ho fehin-kibony

Isaia 16:5

Ary hisy seza fiandrianana hampitoerina amin’ny famindrampo, Ka hisy hipetraka eo aminy amin’ny fahamarinana Ao an-dain’i Davida, Ary hitsara sy handinika izay marina izy, sady ho faingam-pamoaka ny rariny.

Isaia 26:12

Jehovah ô, manorina fiadanana ho anay Hianao; Fa ny asanay rehetra dia tanterahinao ho anay.

Isaia 26:3

Ny saina tsy miovaova dia harovanao amin’ny fiadanana tanteraka, Satria matoky Anao izy.

Isaia 28:29

Izany koa dia avy amin’i Jehovah, Tompon’ny maro; Fa mahagaga amin’ny fisainana Izy Ary mahatalanjona amin’ny fahendrena.

Isaia 32:1

Indro, fa araka ny fahamarinana no hanjakan’ny mpanjaka, Ary ny lehibe hanapaka araka ny rariny.

Isaia 37:32

Fa hisy sisa hiseho avy any Jerosalema sy sisa afaka avy any an-tednrombohitra Ziona; ny fahasaro-piaron’i Jehovah, Tompon’ny maro, no hanao izany.

Isaia 53:10

Nefa sitrak’i Jehovah ny hanorotoro sy hampangirifiry Azy; Rehefa manolotra fanati-panonerana Izy, Dia hahita taranaka sady ho maro andro, Ary ny sitrapon’i Jehovah dia hambinina eo an-tànany.

Isaia 53:2

Fa naniry teo anatrehany tahaka ny zana-kazo madinika Izy Sy tahaka ny solofon-kazo amin’ny tany karankaina; Tsy nanana endrika na fahatsaran-tarehy Izy; Ary raha nijery Azy isika, dia tsy nisy hatsaran-tarehy haniriantsika Azy.

Isaia 53:5

Nefa Izy dia voalefona noho ny fahadisoantsika Sy notorotoroina noho ny helotsika, Ny fampijaliana nahazoantsika fihavanana no namelezana Azy; Ary ny dian-kapoka taminy no nahasitranana antsika.

Isaia 63:16

Kanefa Hianao no Rainay, Fa Abrahama tsy mahalala anay, Ary Isiraely tsy mahafantatra anay, Jehovah ô, Hianao no Rainay, Ary Mpanavotra anay no anaranao hatrizay hatraizay.

Isaia 66:12

Fa izao no lazain’i Jehovah: Indro, hitarihako fiadanana tahaka ny ony izy Ary ny voninahitry ny firenena tahaka ny renirano tondraka, Ka hinono hianareo; Ary hosakalehina hianareo sady hohindrahindraina eo ambony lohalika.

Isaia 7:14

Ary noho izany dia ny Tompo no hanome famantarana ho anareo: Indro, hanan-anaka ny virijina ka hiteraka zazalahy; Ary ny anarany hataony hoe Imanoela.

Isaia 8:18

Indreto, izaho sy ireo zaza nomen’i Jehovah ahy Dia famantarana sy fahagagana ao amin’ny Isiraely Avy amin’i Jehovah, Tompon’ny maro, Izay monina ao an-tendrombohitra Ziona.

Jeremia 31:22

Mandra-pahoviana no hirioriovanao, Ry zanakavavy mpiodina? Fa Jehovah efa namorona zava-baovao amin’ny tany: Vehivavy no hanodidina lehilahy.

Daniela 2:44

Ary amin’ny andron’ ireo mpanjaka ireo Andriamanitry ny lanitra dia hanorina fanjakana izay tsy ho rava mandrakizay; ary izany fanjakana izany tsy havela ho an’olon-kafa, fa ireo fanjakana rehetra ireo dia hotorotoroiny sy holevoniny, fa izy kosa hitoetra mandrakizay.

Daniela 7:14

Ary nomena fanapahana sy voninahitra ary fanjakana Izy, mba hanompoan’ny fokom-pirenena sy ny firenena ary ny samy hafa fiteny rehetra Azy; ny fanapahany dia fanapahana mandrakizay ka tsy ho tapaka, ary ny fanjakany tsy ho rava.

Hagay 2:9

Ny voninahitr’ity trano ity any am-parany dia ho lehibe noho ny tany aloha, hoy Jehovah, Tompon’ny maro; ary eto amin’ity fitoerana ity no hanomezako, fiadanana, hoy Jehovah, Tompon’ny maro.

Matio 1:1

NY filazana ny razan’i Jesosy Kristy, zanak’i Davida, zanak’i Abrahama.

Matio 1:23

,,Indro, ny virijina hitoe-jaza ka hiteraka zazalahy; Ary ny anarany hataon’ny olona hoe Imanoela’’ (Isa. 7.14), izany hoe, raha adika: ,,Amintsika Andriamanitra’’.

Matio 11:27

Ny zavatra rehetra natolotry ny Raiko Ahy; ary tsy misy mahalala tsara ny Zanaka, afa-tsy ny Ray; ary tsy misy mahalala tsara ny Ray, afa-tsy ny Zanaka sy izay tian’ny Zanaka hanehoana Azy.

Matio 28:18

Ary Jesosy nanatona dia niteny taminy ka nanao hoe: Efa nomena Ahy ny fahefana rehetra any an-danitra sy etỳ an-tany;

Lioka 1:35

Ary ilay anjely namaly ka nanao taminy hoe: Ny Fanahy Masina ho tonga ao aminao, ary hisy herin’ny Avo Indrindra hanaloka anao; koa ny Masina Izay hateraka dia hatao hoe Zanak’Andriamanitra.

Lioka 2:11

fa Mpamonjy no teraka ho anareo anio ao an-tanànan’i Davida, dia Kristy Tompo.

Lioka 2:14

Voninahitra any amin’ny avo indrindra ho an’Andriamanitra! Ary fiadanana ho etỳ ambonin’ny tany amin’ny olona ankasitrahany.

Lioka 21:15

fa Izaho no hanome anareo vava sy saina, izay tsy ho azon’ny fahavalonareo rehetra valiana na resena.

Jaona 1:14

Ary ny Teny dia tonga nofo ka nonina tamintsika; ary hitanay ny voninahiny, dia voninahitra mendrika ho an’ny Lahitokana avy tamin’ny Ray, sady feno fahasoavana sy fahamarinana.

Jaona 1:16

Fa tamin’ny fahafenony no nandraisantsika rehetra, dia fahasoavana anampy fahasoavana.

Jaona 14:27

Fiadanana no avelako ho anareo, ny fiadanako no omeko anareo; tsy tahaka ny fanomen’izao tontolo izao no fanomeko anareo. Aza malahelo na matahotra ny fonareo.

Asan’ny Apostoly 10:36

Hianareo mahalala ny teny izay nampitondrainy ho amin’ny Zanak’Isiraely, mitory teny soa milaza fiadanana amin’ny alalan’i Jesosy Kristy (Izy no Tompon’izao rehetra izao),

Asan’ny Apostoly 20:28

Tandremo ny tenanareo sy ny ondry rehetra izay nanaovan’ny Fanahy Masina anareo ho mpitandrina, hiandrasanareo ny fiangonan’ Andriamanitra, izay novidiny tamin’ny rany.

Romana 8:32

Izay tsy niaro ny Zanani-lahy, fa natolony hamonjy antsika rehetra Izy, tsy homeny antsika miaraka aminy maimaimpoana koa va ny zavatra rehetra?

Romana 9:5

azy koa ny razana, sady avy taminy araka ny nofo Kristy, Izay ambonin’izy rehetra, Andriamanitra isaorana mandrakizay. Amena.

1Korintiana 1:30

Fa avy aminy no nanaovana anareo ho ao amin’i Kristy Jesosy, Izay nataon’Andriamanitra fahendrena sy fahamarinana sy fahamasinana ary fanavotana ho antsika,

1Korintiana 15:25

Fa tsy maintsy manjaka Izy, mandra-panaony ny fahavalony rehetra ho eo ambanin’ny tongony (Sal. 110.1).

2Korintiana 5:19

dia izao: Andriamanitra ao amin’i Kristy no nampihavana izao tontolo izao taminy ka tsy nanisa ny fahadisoany; ary efa napetrany aminay ny teny fampihavanana.

Deoteronomia 10:17

Fa Jehovah Andriamanitrareo no Andriamanitra Avo Indrindra sy Tompon’ny tompo, Andriamanitra lehibe sy mahery ary mahatahotra, Izay tsy mizaha tavan’olona, na mandray kolikoly;

Kolosiana 2:3

Izay iafenan’ny rakitry ny fahendrena sy ny fahalalana rehetra.

1Timoty 3:16

Ary iaraha-manaiky mihitsy fa lehibe ny zava-miafina ny amin’ny toe-panahy araka an’Andriamanitra, dia Ilay naseho teo amin’ny nofo, nohamarinina tao amin’ny Fanahy; hitan’ny anjely, notorina tany amin’ny jentilisa, ninoana teny amin’izao tontolo izao, nakarina tamin’ ny voninahitra.

Titosy 2:13

miandry ny fanantenana mahafinaritra sy ny fisehoan’ny voninahitr’Andriamanitra lehibe sady Mpamonjy antsika, dia Jesosy Kristy,

Hebreo 1:8

Fa ny Zanaka kosa dia nilazany hoe: ,,Ny seza fiandriananao, Andriamanitra ô, dia mandrakizay doria; Ary ny tehim-pahitsiana no tehim-panjakanao;

Hebreo 13:20

Ary Andriamanitry ny fiadanana, Izay nitondra an’i Jesosy Tompontsika, Mpiandry ondry lehibe, hiala amin’ny maty, mitondra ny ran’ny fanekena mandrakizay,

1Jaona 5:20

Ary fantatsika fa tonga ny Zanak’Andriamanitra ka efa nanome antsika ny fahazavan-tsaina, mba ho fantatsika Ilay marina; ary isika ao amin’Ilay marina, dia ao amin’i Jesosy Kristy Zanany. Izy no Andriamanitra marina sy fiainana mandrakizay.

Apokalipsy 19:16

Ary manana anarana voasoratra amin’ny lambany sy ny feny Izy nanao hoe: mpanjakan’ny mpanjaka sy tompon’ny tompo.

Mpitsara 13:18

Ary hoy Ilay Anjelin’i Jehovah taminy: Nahoana no manontany ny anarako hianao? fa anarana mahagaga izany.