Mbola niteny tamin’ny mpanjakan’i Israely indray i Jôsafata ka nanao hoe: –Mba anontanio aloha ny TOMPO.
Mpitsara 1:1 - DIEM PROTESTANTA Taorian’ny nahafatesan’i Josoa dia nanontany ny TOMPO ny Israelita hoe: «Iza amin’ny fokonay no tokony handeha voalohany hanafika ny Kanahanita?» Baiboly Protestanta Malagasy 2011 Rehefa maty i Josoa dia nanontany NY TOMPO ny Zanak’Israely hoe: Iza aminay no hiakatra voalohany hiady amin’ny Kananita? Dikateny Iombonana Eto Madagasikara Taorian’ny nahafatesan’i Josoa dia nanontany ny TOMPO ny Israelita hoe: «Iza amin’ny fokonay no tokony handeha voalohany hanafika ny Kanahanita?» Baiboly Katolika Nony maty i Jôsoe, dia nanontany an’i Iaveh ny zanak’i Israely nanao hoe: «Iza aminay no hananika voalohany ny Kananeanina hiady aminy?» Baiboly Protestanta Malagasy ARY rehefa maty Josoa, dia nanontany tamin’i Jehovah ny Zanak’Isiraely hoe: Iza no hiakatra voalohany hiady amin’ny Kananita ho anay? Malagasy Bible Ary rehefa maty Josoa, dia nanontany tamin'i Jehovah ny Zanak'Isiraely hoe: Iza no hiakatra voalohany hiady amin'ny Kananita ho anay? La Bible en Malgache Rehefa maty i Josoa dia nanontany NY TOMPO ny Zanak’Israely hoe: Iza aminay no hiakatra voalohany hiady amin’ny Kananita? |
Mbola niteny tamin’ny mpanjakan’i Israely indray i Jôsafata ka nanao hoe: –Mba anontanio aloha ny TOMPO.
Fa namaly an-drafozany i Mosesy hoe: –Satria ireo olona ireo dia tonga atỳ amiko mba hitady ny fitsarana avy amin’Andriamanitra.
Ary ianao, ry Mosesy, apetaho eo amin’ny saron-tratra fitsarana ny Orîma sy Tomîma mba hoentin’i Aharôna eny an-tratrany rehefa hiseho eo anatrehako Izaho TOMPO izy; tsy maintsy entin’i Aharôna mandrakariva eny aminy manko ireny isaky ny ho ao amin’ny Toeramasina izy mba hahazoany mamantatra ny sitrapoko momba ny Israelita.
Izy kosa hiseho eo amin’i Elehazara mpisorona, izay hangataka ho azy eo anatrehako ny tinapaky ny Orima. Avy amin’izany no hitarihany ny Israelita rehetra, dia ny fiangonana manontolo, amin’ny toe-javatra rehetra.
Ary ny taranak’i Manase dia tsy naharoaka ny mponina tao Bety-Seàna sy Tahenàka na ny tao Dôra sy Jiblehama ary Megidao na tamin’ireo tanàna madinika samy miankina aminy avy; koa nanohy nipetraka tamin’izany faritany izany hatrany ny Kanahanita.
koa tsy handroaka na dia olona iray eo anoloany intsony Aho amin’ireo firenena izay tsy mbola resy tamin’ny andro nahafatesan’i Josoa.
Dia tao amin’ny faritra anjara lovany no nandevenana azy, izany hoe tao Timnata-Heresa, any amin’ny tany be tendrombohitra any Efraîma, eo avaratry ny tendrombohitra Gahasa.
Dia nandeha tany Betela aloha ny Israelita ka nanontany an’Andriamanitra hahalalana izay foko hiroso voalohany hanafika ny Benjaminita; ka ny fokon’i Joda no voatondron’ny TOMPO.
Tamin’izany andro izany moa mbola tao Betela ny Vatamasina misy ny fanekempihavanan’Andriamanitra; ary i Pinehasa, zanakalahin’i Elehazara sady zafikelin’i Aharôna, no mpitandrina azy. Dia nanontany ny TOMPO ireo Israelita na tokony mbola handeha hiady amin’ny Benjaminita mpiray firenena aminy na tsia; ka novalian’ny TOMPO hoe: –Mandehàna, fa rahampitso dia hatolotro eo an-tananareo izy.
Dia nanontanian’ny olona indray ny TOMPO hoe: –Mba efa tonga teto ve iny lehilahy iny? Ka novalian’ny TOMPO hoe: –Eny, andeha jereo ao amin’ny entana fa ao izy no miafina.