Josoa 24:33 - DIEM PROTESTANTA

³³ Maty koa i Elehazara zanakalahin’i Aharôna ka nalevina tao amin’ny havoana izay nomena an’i Pinehasa zanany lahy, tany amin’ny tendrombohitr’i Efraîma.

Baiboly Protestanta Malagasy 2011

³³ Dia maty koa i Eleazara, zanak’i Arona, ka naleviny teo amin’ny havoanan’i Finehasa zanany izay nomena azy tany amin’ny tany be havoana any Efraima.

Dikateny Iombonana Eto Madagasikara

³³ Maty koa i Elehazara zanakalahin’i Aharôna ka nalevina tao amin’ny havoana izay nomena an’i Pinehasa zanany lahy, tany amin’ny tendrombohitr’i Efraîma.

Baiboly Katolika

³³ Dia maty i Eleazara zanak’i Aarôna, ka nalevina tao Gabaà, tanànan’i Finea zanany, izay nomena azy ao amin’ny tendrombohitr’i Efraima.

Baiboly Protestanta Malagasy

³³ Dia maty koa Eleazara, zanak’i Arona, ka naleviny teo amin’ny havoan’i Finehasa zanany, izay nomena azy tany amin’ny tany havoan’i Efraima.

Malagasy Bible

³³ Dia maty koa Eleazara, zanak'i Arona, ka naleviny teo amin'ny havoan'i Finehasa zanany, izay nomena azy tany amin'ny tany havoan'i Efraima.

La Bible en Malgache

³³ Dia maty koa i Eleazara, zanak’i Arona, ka naleviny teo amin’ny havoanan’i Finehasa zanany izay nomena azy tany amin’ny tany be havoana any Efraima.

Josoa 24:33 Rohy Ifampitohizana

2Samoela 20:21

Tsy izany mihitsy, fa misy lehilahy iray avy any amin’ny tendrombohitr’i Efraîma, atao hoe Sebà zanakalahin’i Bikrỳ izay efa nikomy hamely an’i Davida mpanjaka. Izy ihany no atolory ahy dia hiala amin’ny tanàna aho. Dia hoy ravehivavy tamin’i Jôaba: –Ao àry fa hatsipinay aminao ankoatra ny manda ny lohany.

1Mpanjaka 4:8

Ireto avy ny anarany: Ny zanakalahin’i Hora no tany amin’ny faritra be tendrombohitra any Efraîma;

2Mpanjaka 5:22

Ary hoy ny navaliny: –Tsara ihany aho; saingy nirahin’ny tompoko fotsiny aho hilaza aminao, fa misy zatovo roa lahy anisan’ny andia-mpaminany tonga ao aminy avy any amin’ny faritra havoan’i Efraîma. Koa miangavy anao izy mba hanome azy roa lahy volafotsy telopolo kilao ary akanjo fitondra mianjaika roa.

Ezra 7:5

sy zafim-paladian’i Abisoa ary zafin-dorian’i Pinehasa, dia i Pinehasa zanakalahin’i Elehazara sy zafin’i Aharôna mpisorombe.

Joba 30:23

Eny, fantatro fa hoentinao any amin’ny fahafatesana aho, dia any amin’ilay fonenana ifamotoanan’ny olombelona rehetra.

Salamo 49:10

mba hahavelomana mandrakizay sy tsy hahitana ny fasana...

Eksodosy 6:23

I Aharôna dia nanambady an’i Eliseba, zanakavavin’i Haminadaba sady anabavin’i Nahasôna; io Eliseba io no niterahan’i Aharôna an’i Nadaba sy i Abihò ary i Elehazara sy i Itamara.

Eksodosy 6:25

I Elehazara, zanakalahin’i Aharôna, dia nanambady anankiray tamin’ny zanakavavin’i Potiela; ka io no niterahany an’i Pinehasa. Ireo rehetra ireo no filoham-pianakaviana tao amin’ny taranak’i Levỳ, samy araka ny tarika tandrify azy avy.

Zakaria 1:5

Fantatrareo fa tsy eo intsony ny razanareo ary tsy velona eo mandrakizay ny mpaminany.

Nomery 3:32

I Elehazara, zanakalahin’i Aharôna mpisorona, no filoha faratampon’ny Levita; izy no mpiandraikitra ireo olona mikarakara ny fanompoana ao amin’ny Toeramasina.

Asan’ny Apostoly 13:36

Eny, i Davida, rehefa nanatanteraka ny fikasan’Andriamanitra hahasoa ny mpiara-belona taminy, dia nodimandry ka nalevina mifanila amin’ireo razany ary tratry ny fahalòvana.

Hebreo 7:24

fa maharitra mandrakizay kosa i Jesoa ka tsy ifandimbiasana ny fisoronany.

Josoa 14:1

Ireto no zaratany izay nomena ny Israelita tao amin’ny tany Kanahàna. I Elehazara mpisorona sy i Josoa zanakalahin’i Nona ary ireo filohan-tarika teo amin’ny foko israelita no nizara azy.

Josoa 22:13

Dia naniraka an’i Pinehasa zanakalahin’i Elehazara mpisorona ry zareo hiresaka amin’ny taranak’i Reobena sy taranak’i Gada ary antsasa-pokon’i Manase any Gilehada.

Mpitsara 17:8

Niala tao Betlehema izy mba hivahiny any amin’izay azony hitoerana. Raha mbola nandeha izy, dia tonga tany amin’ny faritra be tendrombohitra any Efraîma ka tafapaka teo amin’ny tranon’i Mikà.

Mpitsara 18:13

Avy tao ireo no niampita ho any amin’ny faritra be tendrombohitra any Efraîma, ka tonga teo akaikin’ny tranon’i Mikà.

1Samoela 1:1

Tao Ramà, tany amin’ny faritra be tendrombohitra any Efraîma, dia nisy lehilahy anankiray anisan’ny taranak’i Tsofo. Io lehilahy io dia natao hoe Elkanà, zanak’i Jerohama, zafikelin’i Elihò, zafiafin’i Tôhò ary zafindohalik’i Tsofo.

1Samoela 9:4

Nitety ny faritra be tendrombohitra any Efraîma aloha i Saoly sy ilay namany, avy eo ny faritanin’i Salisà, nefa tsy nahita na inona na inona; dia namakivaky ny faritanin’i Salima indray izy ireo, nefa tsy mbola nahita ihany.