Josoa 23:15 - DIEM PROTESTANTA

Saingy tahaka izay nahatanterahan’ny zava-tsoa rehetra nampanantenain’ny TOMPO Andriamanitrareo taminareo no hampiavy aminareo ny loza rehetra, mandra-paharingany anareo tsy ho eto amin’ity tany soa nomeny anareo ity,

Baiboly Protestanta Malagasy 2011

Tahaka ny efa nanatanterahana taminareo ny zava-tsoa rehetra izay nolazain’NY TOMPO Andriamanitrareo taminareo, no hanatanterahan’NY TOMPO aminareo kosa ny loza rehetra mandra-paharingany anareo tsy ho eo amin’ity tany soa nomen’NY TOMPO Andriamanitrareo anareo ity.

Dikateny Iombonana Eto Madagasikara

Saingy tahaka izay nahatanterahan’ny zava-tsoa rehetra nampanantenain’ny TOMPO Andriamanitrareo taminareo no hampiavy aminareo ny loza rehetra, mandra-paharingany anareo tsy ho eto amin’ity tany soa nomeny anareo ity,

Baiboly Katolika

Koa toy ny nahatanterahan’ny teny soa rehetra nolazain’i Iaveh Andriamanitrareo taminareo no hanatanterahan’i Iaveh eo aminareo koa ny teny fandrahonana rehetra mandra-paharinganareo, tsy ho amin’ity tany soa nomen’i Iaveh Andriamanitrareo anareo.

Baiboly Protestanta Malagasy

Ary tahaka ny efa nanatanterahana taminareo ny zava-tsoa rehetra, izay nolazain’i Jehovah Andriamanitrareo taminareo, no hanatanterahan’i Jehovah aminareo kosa ny loza rehetra mandra-paharingany anareo tsy ho eo amin’ity tany soa nomen’i Jehovah Andriamanitrareo anareo ity.

Malagasy Bible

Ary tahaka ny efa nanatanterahana taminareo ny zava-tsoa rehetra, izay nolazain'i Jehovah Andriamanitrareo taminareo, no hanatanterahan'i Jehovah aminareo kosa ny loza rehetra mandra-paharingany anareo tsy ho eo amin'ity tany soa nomen'i Jehovah Andriamanitrareo anareo ity.

La Bible en Malgache

Tahaka ny efa nanatanterahana taminareo ny zava-tsoa rehetra izay nolazain’NY TOMPO Andriamanitrareo taminareo, no hanatanterahan’NY TOMPO aminareo kosa ny loza rehetra mandra-paharingany anareo tsy ho eo amin’ity tany soa nomen’NY TOMPO Andriamanitrareo anareo ity.

Josoa 23:15 Rohy Ifampitohizana

1Mpanjaka 14:15

Ny TOMPO hamely ny Israelita ka hampipararetra azy toy ny volotara hetsiketsehan’ny rano sady hanongotra azy amin’ity tany soa izay nomeny ny razany ity ary hanely azy any an-dafin’ny ony Eofrata, satria nanao tsatokazo fanajana an’i Aserà izy ka nampahatezitra ny TOMPO.

1Mpanjaka 8:56

«Hisaorana anie ny TOMPO Izay nanome fiadanana ny Israelita vahoakany araka izay rehetra nolazainy; fa tanterany antsipiriany avokoa ny teny soa nampilazainy an’i Mosesy mpanompony.

Isaia 24:6

Koa levon’ny ozon’Andriamanitra ny tany; ary mitondra fahoriana ny mponina eo aminy noho ny heloka nataony; hihena ireo ka vitsy dia vitsy no ho tavela.

Jeremia 32:24

Indro mandroso hatrany izao ny Babilônianina amin’ny fanaovana fahirano ny tanàna ka hahafaka azy; eny, hatolotra ho eo an-tanan’ny Babilônianina izy, ka hasiany amin’ny sabatra sy ny mosary ary ny areti-mandringana. Hitanao tsara izao fa tanteraka izay nambaranao.

Jeremia 32:42

Izao ihany koa no lazaiko: Izaho TOMPO no nahatonga izao loza lehibe rehetra manjo ny vahoakan’i Joda izao. Ary mbola Izaho ihany no hahatonga eo aminy ny soa rehetra izay efa nampanantenaiko azy.

Jeremia 35:17

Dia hoy koa i Jeremià hoe: «Noho izany, dia izao no lazain’ny TOMPO Andriamanitr’izao rehetra izao sady Andriamanitr’i Israely: Indro hahatonga ny loza izay voalazako taminareo Aho, ry vahoakan’i Joda sy ry mponin’i Jerosalema. Satria efa niteny taminareo Aho fa tsy nihaino ianareo, efa niantso anareo Aho fa tsy namaly ianareo.»

Levitikosy 26:3

«Raha manaraka ny lalànako ianareo ka imasoanareo hotanterahina ny didiko,

1Tesaloniana 2:16

Sakanan-dry zareo izahay tsy hitory amin’ny hafa firenena ilay hafatra mitondra famonjena, hany ka mihafeno hatrany ny fatran’ny fahotana vitan’ny Jiosy, kanjo, tamin’ny farany, dia niharan’ny fahatezeran’Andriamanitra ireo.

Mpitsara 13:1

Ary mbola nanao ratsy eo imason’ny TOMPO indray ny Israelita, ka natolotry ny TOMPO teo an-tanan’ny Filistinina nandritra ny efapolo taona.

Mpitsara 3:12

Ary nanao izay ratsy eo imason’ny TOMPO indray ny Israelita. Noho izany dia nampirisihin’ny TOMPO hamely azy i Heglôna, mpanjakan’i Môaba.

Mpitsara 3:8

Dia nirehi-pahatezerana tamin’ny Israelita ny TOMPO ka nanolotra azy teo an-tanan’i Kosàna-Risehataîma, mpanjakan’i Mezôpôtamia; ary nandritra ny valo taona no nanompoany azy.

Mpitsara 6:1

Ary nanao izay ratsy eo imason’ny TOMPO indray ny Israelita ka natolotry ny TOMPO ho eo an-tanan’ny Midianita nandritra ny fito taona.