Josoa 23:16 - DIEM PROTESTANTA

¹⁶ raha tàhiny ialànareo ny fanekempihavanana izay efa nandidian’Izy TOMPO Andriamanitrareo anareo; ary raha mandeha manompo andriamani-kafa ianareo ka hiankohoka eo anatrehan’ireo, dia hirehitra aminareo ny fahatezeran’ny TOMPO ka ho levona faingana tsy ho eto amin’ity tany soa nomeny anareo ity ianareo.

Baiboly Protestanta Malagasy 2011

¹⁶ Amin’izay hivadihanareo ny faneken’NY TOMPO Andriamanitrareo izay nandidiany anareo sy handehananareo hanompo ireo andriamanitra hafa ary hiankohofanareo eo anatrehany dia hirehitra aminareo ny fahatezeran’NY TOMPO ary ho lany ringana haingana ianareo tsy ho eo amin’ny tany soa nomeny anareo.

Dikateny Iombonana Eto Madagasikara

¹⁶ raha tàhiny ialànareo ny fanekempihavanana izay efa nandidian’Izy TOMPO Andriamanitrareo anareo; ary raha mandeha manompo andriamani-kafa ianareo ka hiankohoka eo anatrehan’ireo, dia hirehitra aminareo ny fahatezeran’ny TOMPO ka ho levona faingana tsy ho eto amin’ity tany soa nomeny anareo ity ianareo.

Baiboly Katolika

¹⁶ Raha mandika ny faneken’i Iaveh Andriamanitrareo izay nandidiany anareo ianareo ka mandeha manompo andriamani-kafa sy miankohoka eo anoloan’ireny dia hirehitra aminareo ny fahatezeran’i Iaveh, ka vetivety dia ho lany ringana tsy ho eo amin’ny tany soa nomeny anareo ianareo.

Baiboly Protestanta Malagasy

¹⁶ Amin’izay hivadihanareo ny faneken’i Jehovah Andriamanitrareo, izay nandidiany anareo, sy handehananareo hanompo ireo andriamani-kafa ary hiankohofanareo eo anatrehany, dia hirehitra aminareo ny fahatezeran’i Jehovah, ary ho lany ringana faingana hianareo tsy ho eo amin’ny tany soa nomeny anareo.

Malagasy Bible

¹⁶ Amin'izay hivadihanareo ny faneken'i Jehovah Andriamanitrareo, izay nandidiany anareo, sy handehananareo hanompo ireo andriamani-kafa ary hiankohofanareo eo anatrehany, dia hirehitra aminareo ny fahatezeran'i Jehovah, ary ho lany ringana faingana ianareo tsy ho eo amin'ny tany soa nomeny anareo.

La Bible en Malgache

¹⁶ Amin’izay hivadihanareo ny faneken’NY TOMPO Andriamanitrareo izay nandidiany anareo sy handehananareo hanompo ireo andriamanitra hafa ary hiankohofanareo eo anatrehany dia hirehitra aminareo ny fahatezeran’NY TOMPO ary ho lany ringana haingana ianareo tsy ho eo amin’ny tany soa nomeny anareo.

Josoa 23:16 Rohy Ifampitohizana

1Mpanjaka 14:15

Ny TOMPO hamely ny Israelita ka hampipararetra azy toy ny volotara hetsiketsehan’ny rano sady hanongotra azy amin’ity tany soa izay nomeny ny razany ity ary hanely azy any an-dafin’ny ony Eofrata, satria nanao tsatokazo fanajana an’i Aserà izy ka nampahatezitra ny TOMPO.

1Mpanjaka 9:6

Nefa kosa raha miala amiko ianareo sy ny taranakareo, ka tsy mitandrina ny didy aman-dalàna izay napetrako teo anoloanareo fa mandeha manompo andriamani-kafa sy miankohoka eo anatrehany hitsaoka azy,

1Mpanjaka 9:7

dia hongotako ianareo, ry Israelita, tsy ho amin’ny tany izay nomeko anareo; ary hariako lavitra Ahy ity tempoly izay natokako hanajana Ahy ity. Amin’izay ianareo Israelita dia ho tonga fandatsa sy fanaraby any amin’ny firenen-kafa rehetra.

2Mpanjaka 17:7

Tonga izany rehetra izany noho ny nanotan’ny Israelita tavaratra tamin’ny TOMPO Andriamaniny Izay nanafaka azy teo ambany fifehezan’ny Farao mpanjakan’i Ejipta sy nitondra azy niala tao amin’io tany io. Fa nanompo andriamani-kafa ireo

2Mpanjaka 24:20

Fa ny fahatezeran’ny TOMPO no nahatonga izany loza izany tamin’i Jerosalema sy tamin’i Joda, ka niafara tamin’ny fandroahany an’ireo Jodeanina hiala teo anatrehany.

Isaia 24:5

Ny tany dia voaloton’ny mponina ao aminy fa nandika ny lalànan’ny Tompo ireny, tsy nanaraka ny fitsipika fa nivadika tamin’ny fanekempihavanana izay maharitra mandrakizay.

Jeremia 32:23

Tonga teto tokoa izy ary naka ny tany ho fananany; saingy tsy nihaino izay nolazainao izy, ary tsy nanaraka ny lalànao sady tsy nanatanteraka ny zavatra rehetra nasainao nataony; koa izany no nampiharanao izao loza rehetra izao aminy.

Jeremia 32:24

Indro mandroso hatrany izao ny Babilônianina amin’ny fanaovana fahirano ny tanàna ka hahafaka azy; eny, hatolotra ho eo an-tanan’ny Babilônianina izy, ka hasiany amin’ny sabatra sy ny mosary ary ny areti-mandringana. Hitanao tsara izao fa tanteraka izay nambaranao.

Nomery 33:56

Ary dia hataoko aminareo izay efa nokasaiko hatao aminy.

Deoteronomia 17:3

Lasa izany olona izany manompo andriamani-kafa ary miankohoka aminy na amin’ny masoandro na amin’ny volana na amin’ny kintana, nefa zavatra efa norarana tsy hataonareo ireny.

Deoteronomia 28:15

Raha tsy ekenareo kosa ny TOMPO Andriamanitrareo ka tsy imasoanareo hotanterahina ny didy aman-dalànany rehetra izay ampitaiko aminareo anio, dia ho tonga sy hianjady aminareo ireto ozona rehetra ireto:

Deoteronomia 6:15

satria Andriamanitra saro-piaro amin’ny maha Andriamanitra Azy ilay TOMPO Andriamanitrareo Izay eo afovoanareo. Koa tandremo fandrao hirehitra aminareo ny fahatezeran’ilay TOMPO Andriamanitrareo ka hofongorany tsy ho eto ambonin’ny tany ianareo.

Mpitsara 2:14

Dia nirehi-pahatezerana tamin’ny Israelita ny TOMPO, ka namela azy ho azon’ireo andian-dahalo izay nandroba azy; natolony ho resin’ny fahavalo manodidina izy, hany ka tsy nahatohitra ireny intsony.

Mpitsara 2:20

Nirehi-pahatezerana tamin’ny Israelita ny TOMPO, ka niteny azy hoe: –Ity firenena ity dia nandika ny fanekempihavanana izay nandidiako ny razany, fa tsy nankatò Ahy;

1Samoela 12:25

Kanefa raha mbola mikiry manota ianareo, dia hiara-devona amin’ny mpanjakanareo.