Josoa 23:14 - DIEM PROTESTANTA

¹⁴ Indro ankehitriny efa ho faty tsy ho ela aho. Koa aoka ho fantatrareo amin’ny fonareo manontolo sy amin’ny fanahinareo manontolo fa tsy nisy latsaka na iray aza ny zava-tsoa rehetra nampanantenain’ny TOMPO Andriamanitrareo taminareo; tanteraka taminareo avokoa izy rehetra fa tsy nisy latsaka mihitsy na iray aza.

Baiboly Protestanta Malagasy 2011

¹⁴ Ary indro, efa handeha ho amin’ny lalana falehan’ny tany rehetra aho izao; ary fantatrareo ao amin’ny fonareo manontolo sy ny fanahinareo manontolo fa tsy misy latsaka na dia zavatra iray akory aza ny zava-tsoa rehetra izay nolazain’NY TOMPO Andriamanitrareo anareo; efa tanteraka taminareo avokoa izy rehetra: Tsy nisy latsaka izy na dia zavatra iray akory aza.

Dikateny Iombonana Eto Madagasikara

¹⁴ Indro ankehitriny efa ho faty tsy ho ela aho. Koa aoka ho fantatrareo amin’ny fonareo manontolo sy amin’ny fanahinareo manontolo fa tsy nisy latsaka na iray aza ny zava-tsoa rehetra nampanantenain’ny TOMPO Andriamanitrareo taminareo; tanteraka taminareo avokoa izy rehetra fa tsy nisy latsaka mihitsy na iray aza.

Baiboly Katolika

¹⁴ Ary inty aho, efa handeha amin’ny falehan’ny tany rehetra, koa fantaro amin’ny fonareo rehetra sy ny fanahinareo rehetra, fa tsy misy foana akory na dia iray aza, ny teny rehetra nolazain’i Iaveh ny aminareo; tanteraka avokoa ho anareo izany, tsy nisy latsaka na dia iray aza.

Baiboly Protestanta Malagasy

¹⁴ Ary, indro, efa handeha ho amin’ny làlana falehan’ny tany rehetra aho izao; ary fantatrareo ao amin’ny fonareo rehetra sy ny fanahinareo rehetra fa tsy misy latsaka na dia zavatra iray akory aza ny zava-tsoa rehetra izay nilazan’i Jehovah Andriamanitrareo anareo; efa tanteraka taminareo avokoa izy rehetra: tsy nisy latsaka izy na dia zavatra iray akory aza.

Malagasy Bible

¹⁴ Ary, indro, efa handeha ho amin'ny lalana falehan'ny tany rehetra aho izao; ary fantatrareo ao amin'ny fonareo rehetra sy ny fanahinareo rehetra fa tsy misy latsaka na dia zavatra iray akory aza ny zava-tsoa rehetra izay nilazan'i Jehovah Andriamanitrareo anareo; efa tanteraka taminareo avokoa izy rehetra: tsy nisy latsaka izy na dia zavatra iray akory aza.

La Bible en Malgache

¹⁴ Ary indro, efa handeha ho amin’ny lalana falehan’ny tany rehetra aho izao; ary fantatrareo ao amin’ny fonareo manontolo sy ny fanahinareo manontolo fa tsy misy latsaka na dia zavatra iray akory aza ny zava-tsoa rehetra izay nolazain’NY TOMPO Andriamanitrareo anareo; efa tanteraka taminareo avokoa izy rehetra: Tsy nisy latsaka izy na dia zavatra iray akory aza.

Josoa 23:14 Rohy Ifampitohizana

Genesisy 47:29

Ary rehefa akaiky ny andro hahafatesan’i Jakôba, dia niantso an’i Jôsefa zanany izy ka nanao taminy hoe: –Raha tia ahy ianao, dia asehoy amiko ny fitiavanao sy ny toetranao mahafatra-po, aza alevina aty Ejipta aho. Mianiàna amiko ianao, ka ataovy ato ambany feko ny tananao.

1Mpanjaka 2:2

–Efa ho faty araka ny lalan-kizoran’ny besinimaro aho; koa aoka ianao hahery sy hiseho ho tena lehilahy!

1Mpanjaka 8:56

«Hisaorana anie ny TOMPO Izay nanome fiadanana ny Israelita vahoakany araka izay rehetra nolazainy; fa tanterany antsipiriany avokoa ny teny soa nampilazainy an’i Mosesy mpanompony.

Joba 30:23

Eny, fantatro fa hoentinao any amin’ny fahafatesana aho, dia any amin’ilay fonenana ifamotoanan’ny olombelona rehetra.

Eksodosy 3:8

Koa tafidina Aho mba hanafaka azy amin’ny fahefàn’ny Ejiptianina, ka hampiakatra azy hiala amin’ny tany Ejipta mba ho any amin’ny tany tsara sy midadasika, any amin’ny tany tondra-dronono sy tantely, dia ny toerana misy ny Kanahanita sy ny Hetita, ny Amôrita sy ny Perizita, ary ny Hivita sy ny Jebosita.

Mpitoriteny 12:5

Amin’izay koa dia hatahotra ny hiani-piakarana ianao ary ho be fanahiana rehefa mamindra; ny volon-dohanao hihafotsy toy ny voninkazo mamony fotsy; tsy ho mailaka fihetsika toy ny valala intsony ianao; ary tsy hahitanao tsirony intsony ny voan-tsiperifery. Isika olombelona tsy maintsy mankany amin’ny fonenana mandrakizay, ary ny mpisaona antsika kosa efa mihaodihaody eny an-dalambe.

Mpitoriteny 9:10

Ampiasao ny herinao hanatanterahanao izay rehetra azonao atao, fa any amin’ny toeran’ny maty izay halehanao tsy mba misy asa na famoronan-javatra na fahalalana na fahendrena.

Ezekiela 20:28

Nitarika azy ho ao amin’ny tany izay nianianako homena azy Aho. Nefa nony nahita ireo tendron-kavoana misy hazo matevina izy, dia nanolotra sorona teo. Nanolotra fanatitra sy zava-manitra fampitoniana izy sady nandraraka divay teny ka nampirongatra ny hatezerako.

Nomery 23:19

Andriamanitra tsy mba olona ka handainga, na taranak’olombelona ka hanenina. Izay nolazainy dia hoefainy; izay nampanantenainy dia hotanterahiny.

Lioka 21:33

Ho levona ny tany amana habakabaka, fa ny teniko tsy mba ho levona.

Hebreo 9:27

Tendry ho an’ny olona tokoa ny ho faty indray mandeha, ary avy eo dia hotsarain’Andriamanitra izy;

1Samoela 3:19

Ary nihalehibe i Samoela sady nomba azy ny TOMPO; ka tsy nisy tsy tanteraka izay teny rehetra nasainy nambaran’i Samoela.