Josoa 23:13 - DIEM PROTESTANTA

¹³ dia fantaro tsara fa tsy hanohy handroaka azy eo anoloanareo intsony ny TOMPO Andriamanitrareo. Hanjary fandrika sy tonta ho anareo ireny firenena ireny, ary ho karavasy mamely eo an-damosinareo sy ho tsilo eo amin’ny masonareo ambara-pahalany ritra anareo tsy ho eto amin’ity tany soa nomen’ny TOMPO Andriamanitrareo anareo ity.

Baiboly Protestanta Malagasy 2011

¹³ dia ho fantatrareo tokoa fa tsy handroaka ireo firenena ireo eo anoloanareo intsony NY TOMPO Andriamanitrareo; fa ho fandrika sy tonta aminareo ireo, ary ho fanindronana amin’ny tehezanareo sy ho tsilo eo amin’ny masonareo mandra-pahalany ritra anareo tsy ho eo amin’ity tany soa nomen’NY TOMPO Andriamanitrareo anareo ity.

Dikateny Iombonana Eto Madagasikara

¹³ dia fantaro tsara fa tsy hanohy handroaka azy eo anoloanareo intsony ny TOMPO Andriamanitrareo. Hanjary fandrika sy tonta ho anareo ireny firenena ireny, ary ho karavasy mamely eo an-damosinareo sy ho tsilo eo amin’ny masonareo ambara-pahalany ritra anareo tsy ho eto amin’ity tany soa nomen’ny TOMPO Andriamanitrareo anareo ity.

Baiboly Katolika

¹³ dia fantaro tsara fa tsy hotohizan’i Iaveh Andriamanitrareo ny fandroahana ireo firenena ireo eo anoloanareo; ka ho harato amam-pandrika ho anareo ireo, ary ho rotsakazo amin’ny lanivoanareo, mandra-pahalàny ritra anareo tsy ho eo amin’ity tany soa, nomen’i Iaveh Andriamanitrareo anareo ity.

Baiboly Protestanta Malagasy

¹³ dia ho fantatrareo tokoa fa tsy handroaka ireo firenena ireo eo anoloanareo intsony Jehovah Andriamanitrareo; fa ho fandrika sy tonta aminareo ireo, ary ho fanindronana amin’ny tehezanareo, sy ho tsilo eo amin’ny masonareo, mandra-pahalany ritranareo tsy ho eo amin’ity tany soa nomen’i Jehovah Andriamanitrareo anareo ity.

Malagasy Bible

¹³ dia ho fantatrareo tokoa fa tsy handroaka ireo firenena ireo eo anoloanareo intsony Jehovah Andriamanitrareo; fa ho fandrika sy tonta aminareo ireo, ary ho fanindronana amin'ny tehezanareo, sy ho tsilo eo amin'ny masonareo, mandra-pahalany ritranareo tsy ho eo amin'ity tany soa nomen'i Jehovah Andriamanitrareo anareo ity.

La Bible en Malgache

¹³ dia ho fantatrareo tokoa fa tsy handroaka ireo firenena ireo eo anoloanareo intsony NY TOMPO Andriamanitrareo; fa ho fandrika sy tonta aminareo ireo, ary ho fanindronana amin’ny tehezanareo sy ho tsilo eo amin’ny masonareo mandra-pahalany ritra anareo tsy ho eo amin’ity tany soa nomen’NY TOMPO Andriamanitrareo anareo ity.

Josoa 23:13 Rohy Ifampitohizana

1Mpanjaka 11:4

Rehefa antitra i Salômôna, dia notarihin’ny vadiny hanaraka andriamani-kafa; ka tsy tokam-po tamin’ny TOMPO Andriamaniny toa an’i Davida rainy intsony izy,

2Mpanjaka 17:18

Dia vinitra tamin’ny Israelita ny TOMPO ka nanaisotra azy tsy ho hitan’ny masony. Ny fokon’i Joda ihany no sisa tafajanona.

2Mpanjaka 17:20

Izany no nandavan’ny TOMPO ny taranak’i Israely rehetra ka nampahoriny azy sy nanolorany azy ho eo an-tanan’ny mpandroba ary farany hanesorany azy ho lavitra ny fanatrehany.

2Mpanjaka 25:21

ary nasain’ny mpanjaka hovonoina ho faty tao ihany. Toy izany no nitondrana ny vahoaka Jodeanina ho babo lavitry ny taniny.

2Mpanjaka 25:26

Dia niainga nankany Ejipta ny olon-drehetra na kely na lehibe mbamin’ny manamboninahitra noho ireo natahotra ny Babilônianina.

Salamo 69:22

Ny sakafoko nasian’ny sasany poizina; mangetaheta aho, ampisotroiny vinaingitra.

Eksodosy 10:7

Ary hoy ireo mpanompony tamin’ny Farao: –Mandra-pahoviana moa no mbola hamandrika antsika ilehiny? Alefaso handeha hanao fanompoam-pivavahana amin’ny TOMPO Andriamaniny any ny lehilahy israelita: Mbola tsy fantatrao ihany ve fa simba i Ejipta?

Eksodosy 23:33

Aza avela honina ao amin’ny taninareo ireny fandrao mitarika anareo hanao fahadisoana amiko; satria raha manao fanompoam-pivavahana amin’ny andriamaniny ianareo, dia hanjary fandrika ho anareo izany.»

Eksodosy 34:12

Tandremo tsara mba tsy hanao fanekempihavanana amin’ny mponina amin’ny tany izay hidiranareo, fa ho fandrika ho anareo izany.

Eksodosy 34:16

Ary haka vady amin’ny zanany vavy ireo zanakalahinareo, ka ireo vehivavy ireo dia hitarika ny zanakalahinareo hanaraka ny fanompoam-pivavahana fanaony amin’ireo andriamaniny.

Ezekiela 28:24

«Ireo firenena manodidina an’i Israely dia tsy hisy hanao tsinontsinona azy intsony. Tsy hamelively azy intsony ireo ka mova tsy roy manindrona na tsilo mandrangotra. Amin’izay dia hoekena fa Izaho no TOMPO.

Nomery 33:55

Fa raha tsy roahinareo ny mponina rehetra amin’ny tany ao, dia ho lay amin’ny masonareo sy ho tsilo amin’ny tehezanareo izay olona sisa tavela ka hampijaly anareo eo amin’ny tany honenanareo.

Lioka 21:24

Ny mponina haringan’ny lelan-tsabatra na hoentin-ko babo any amin’ny firenena rehetra any, ary i Jerosalema hohitsakitsahin’ny hafa firenena mandrapahafenon’ny andro natao hanjakan’ny hafa firenena.

Deoteronomia 29:28

Anjaran’ny TOMPO Andriamanitsika ny mahafantatra ny zava-miafina. Ny tenantsika sy ny taranatsika hatrany hatrany kosa no mahafantatra ny zavatra ambarany, mba hanatanterahantsika ny didy rehetra raketin’ity Lalàna ity.

Deoteronomia 30:18

dia ambarako aminareo dieny izao fa ho ringana tokoa ianareo, ary tsy ho maro andro eo amin’ny tany izay hidiranareo mba halainareo ho fananana, rehefa tafita ny ony Jôrdàna ianareo.

Deoteronomia 4:26

Raha manao izany ianareo, dia miantso ny lanitra sy ny tany ho vavolombelona aho anio no manambara fa vetivety foana dia ho fongotra tokoa ianareo tsy ho eo amin’ny tany izay efa hiampitanareo an’i Jôrdàna mba halainareo ho fananana; tsy ho maro andro honenana eo ianareo, fa haringana tokoa.

Deoteronomia 7:16

Aoka hofongoranareo tsy hisy antra mihitsy ny firenena rehetra izay hatolotry ny TOMPO Andriamanitrareo; ary aza tompoinareo ny andriamaniny, fa ho fandrika hampanompo sampy anareo ireny.

2Timoty 2:26

ary hody ny sain’ireo ka ho afaka amin’ny fandriky ny devoly izay nanao azy sambo-belona hanaraka ny sitrapony.

Mpitsara 2:21

koa tsy handroaka na dia olona iray eo anoloany intsony Aho amin’ireo firenena izay tsy mbola resy tamin’ny andro nahafatesan’i Josoa.