Josoa 13:25 - DIEM PROTESTANTA Ny faritaniny dia mahafaoka ny tanàna Jahezera, ny tanàna rehetra ao Gilehada, ary ny antsasaky ny tanin’ny Hamônita tafapaka hatrany Harôhera akaikin’i Rabà; Baiboly Protestanta Malagasy 2011 Ary ny faritaniny dia i Jazera sy ny tanàna rehetra any Gileada, ny antsasaky ny tanin’ny taranak’i Amona, hatrany Aroera, izay tandrifin’i Raba, Dikateny Iombonana Eto Madagasikara Ny faritaniny dia mahafaoka ny tanàna Jahezera, ny tanàna rehetra ao Gilehada, ary ny antsasaky ny tanin’ny Hamônita tafapaka hatrany Harôhera akaikin’i Rabà; Baiboly Katolika ka izao no faritaniny: Jasera, ny tanànan’i Galaada rehetra, ny antsasaky ny tanin’ny taranak’i Amôna, hatrany Arôera tandrifin’i Rabà, Baiboly Protestanta Malagasy Ary ny faritaniny dia Jazera sy ny tanàna rehetra any Gileada ary ny antsasaky ny tanin’ny taranak’i Amona, hatrany Aroera, izay tandrifin’i Raba, Malagasy Bible Ary ny faritaniny dia Jazera sy ny tanàna rehetra any Gileada ary ny antsasaky ny tanin'ny taranak'i Amona, hatrany Aroera, izay tandrifin'i Raba, La Bible en Malgache Ary ny faritaniny dia i Jazera sy ny tanàna rehetra any Gileada, ny antsasaky ny tanin’ny taranak’i Amona, hatrany Aroera, izay tandrifin’i Raba, |
Ny taona manaraka, rehefa tonga ny fotoana fandehanan’ny mpanjaka hiady, dia naniraka an’i Jôaba sy ny manamboninahiny ary ny tafika israelita manontolo i Davida mba handringana ny Hamônita sy hanao fahirano an’i Rabà. I Davida kosa nijanona tany Jerosalema ihany.
Niampita an’i Jôrdàna izy ireo ka nitoby tao amin’ny tanànan’i Harôhera, eo an-kavanan’ilay tanàna afovoan’ny lohasan’i Gada. Avy eo dia nankany Jazera ireo,
Tamin’ny taranak’i Hebrôna, dia i Jerià no filoha; ny taona fahefapolo nanjakan’i Davida no nanaovana fikarohana ny amin’ny taranak’i Hebrôna araka ny tetiarana isam-pianakaviana, ka nahitana vatan-dehilahy olom-banona tao Jahizera any Gilehada.
Simba ny zaridaina ao Hesbôna sy ny voly voaloboka ao Sibmà, kanefa ny divainy no nahamamo ny andrian’ireo firenena. Nitatra hatrany Jahizera izany voly voaloboka izany, ka nisandrahaka hatrany an-taniefitra; ary ny sampany nandadilady hatrany ampitan’ny Ranomasina Maty.
Ho lao mandrakizay mandrakizay ireo tanàna manodidina azy, ka ho tonga fitobian’ny ondry aman’osy ary handry am-pilaminana ao ireny, fa tsy hisy mpanelingelina azy.
Mihoatra noho ny fitomanian’ny mponina tao Jahizera no itomaniako anao, ry voly voaloboka any Sibmà, fa ny sampanao nandadilady hatrany ampitan’ny Ranomasina Maty ka tafapaka hatrany Jahizera. Kinanjo ilay mpandrava nandripaka ny fiotazanao sy ny fijinjànao.
Mba hampivalaketraka ny fon’ny olona sy hampivembena ny besinimaro dia napetrako isam-bavahady ny sabatra fandringanana, ka manjelanjelatra toy ny tselatra sady efa voavoatra hamono.
Handefasako afo ny tanànan’i Rabà ka ho levon’izany ireo lapany; sady hisy akoran’ady amin’ny andro iadiana ka hahery vaika toy ny tafio-drivotra ny fifamelezana.
Naniraka olona hisafo an’i Jahezera i Mosesy; dia nalain’ny Israelita izany tanàna izany sy ireo tanàna kely miankina aminy ary noroahiny ny Amôrita izay nipetraka tao.
Dia ho tonga ao akaikin’ny Hamônita ianareo, kanefa aza mandrafy azy na mila ady aminy; fa tsy hanomezako ho fanananareo ny taniny, satria nomeko ho fananan’ny taranak’i Lôta izany.»
I Hôga mpanjakan’i Basàna manko no hany sisa tavela tamin’ny Refaîta. Mbola hita ao Rabà, renivohitry ny Amôrita, ny vatam-paty misy azy, dia vatam-paty natao tamin’ny vato vy voapaika ka efatra metatra sy sasany ny halàvany ary roa metatra ny sakany araka ny refy mahazatra.
ao anatiny koa i Gilehada, ny faritanin’i Gesora sy i Mahekà, ny tendrombohitra Hermôna, ary i Basàna manontolo hatrany Salkà;
Nomen’i Mosesy anjara koa ny fokon’i Gada; nomena ny Gadita izany ho an’ireo tarika ao anatiny.
dia mitatra hatreo Hesbôna ka hatrany Ramata-Mitsipè sy Betônima, ary hatreo Mahanaîma ka hatrany amin’ny sisin-tanin’i Lô-Dabara.
i Hesbôna, ary i Jahezera: izany hoe tanàna efatra mbamin’ny kijàna samy manodidina azy.
Tsy nihetsika koa ny terak’i Gilehada teny an-dafy atsinanan’i Jôrdàna. Ary nahoana ny fokon’i Dana no nipetra-potsiny teo anilan’ny sambony? Ny fokon’i Asera koa nonina teo amoron-dranomasina ka nijanona teo amin’ny fitodian-tsambony.