Josoa 10:10 - DIEM PROTESTANTA Nakorontan’ny TOMPO teo anoloan’ny Israelita ny Amôrita, ka voan’ny faharesena lehibe teo akaikin’i Gibehôna. Dia nenjehin’ny Israelita teny am-piakarana ho any Bety-Hôrôna ireo, ka nasiany hatrany Hazekà sy hatrany Makedà. Baiboly Protestanta Malagasy 2011 Ary NY TOMPO nampifanaritaka ireo teo anoloan’ny Israely; namely ireo tany Gibeona ny Israely ka nahafaty olona maro be sady nanenjika azy tamin’ny fiakarana mankany Bety-Horona ka namely azy hatrany Azeka ka hatrany Makeda. Dikateny Iombonana Eto Madagasikara Nakorontan’ny TOMPO teo anoloan’ny Israelita ny Amôrita, ka voan’ny faharesena lehibe teo akaikin’i Gibehôna. Dia nenjehin’ny Israelita teny am-piakarana ho any Bety-Hôrôna ireo, ka nasiany hatrany Hazekà sy hatrany Makedà. Baiboly Katolika Sady nampifanaritahin’i Iaveh teo anoloan’i Israely izy ireo, ka nataon’i Israely kila hotohoto tao akaikin’i Gabaôna sy nenjehiny tamin’ny lalana mankany Betôrôna, ary nasiany hatrany Azekà sy Makedà. Baiboly Protestanta Malagasy Ary Jehovah nampifanaritaka ireo teo anoloan’ny Isiraely; ary namely ireo tany Gibeona izy ka nahafaty maro be, sady nanenjika azy tamin’ny fiakarana mankany Beti-horona izy ka namely azy hatrany Azeka ka hatrany Makeda. Malagasy Bible Ary Jehovah nampifanaritaka ireo teo anoloan'ny Isiraely; ary namely ireo tany Gibeona izy ka nahafaty maro be, sady nanenjika azy tamin'ny fiakarana mankany Beti-horona izy ka namely azy hatrany Azeka ka hatrany Makeda. La Bible en Malgache Ary NY TOMPO nampifanaritaka ireo teo anoloan’ny Israely; namely ireo tany Gibeona ny Israely ka nahafaty olona maro be sady nanenjika azy tamin’ny fiakarana mankany Bety-Horona ka namely azy hatrany Azeka ka hatrany Makeda. |
ary nenjehin’i Asà sy ny tafiny hatrany Gerara. Ary nahafatesana be tokoa ny Etiôpianina sady tsy nisy afa-nitsoaka akory aza, satria montsana teo anoloan’ny TOMPO sy ny tafika nombany. Babo betsaka no azon’ny Jodeanina tamin’izay.
Fa ny miaramila efraimita, izay nalefan’i Amatsià hody mba tsy hiara-miantafika aminy, dia niriotra namely ireo tanàna jodeanina nanomboka teo Migrôna ka nipaka hatrany Bety-Hôrôna ary nahafaty olona telo arivo sady nitondra babo betsaka.
Tany an-danitra ny TOMPO Avo Indrindra no nampitalakotroka ny varatra sy nampanakoako izany feony;
Norobainao ireo firenen-kafa mba hamponenana ny firenenay; nampahorînao ireo vahoakany mba hanomezan-toerana ny vahoakanao.
Na ianareo tsy mba niady aza fa nijanona niandry valan’ondry, dia ho tahaka ny voromahailala misy elany mirava-bolafotsy sy volony mirava-bolamena tsara.
noroahiny ny firenen-kafa teo anoloany, nozarainy antsapaka ho azy ny taniny; ka ny tranon’ireo firenen-kafa ireo ihany no nampitoerany ny fokon’i Israely.
Fa toy ny teo an-tendrombohitra Peratsima no hirotsahan’ny TOMPO an-tsehatra, ary toy ny tao amin’ny lemak’i Gibehôna no hihetsehany hanao ny asany sy hanatanteraka ny zavatra ataony. Kanefa asa hafa kely izany, zavatra tsy araka ny mahazatra.
Hataon’ny TOMPO re tokoa ny feony heni-piandrianana ary hataony hita ny fiantraikan’ny tanany mamely, rehefa mirehitra ny fahatezerany eo anivon’ny firedaredan’ny lelafo mandevona ary ao anatin’ny ranonoram-baratra sy ny havandra vaventy mifafy.
Tamin’izay fotoana izay ny tafiky ny mpanjakan’i Babilôna dia namely an’i Jerosalema sy ireo tanànamimanda hafa tany Joda izay mbola sisa nijoro, dia i Lakisy sy i Hazekà.
Dia hiainga hiady amin’ireny firenena ireny ny Tompo, ka hiady toy izay fanaony amin’ny andro fiadiana.
Hatolotry ny TOMPO Andriamanitrareo ho eo ambany fahefànareo ireny firenena ireny, ka hataony mifanaritaka be ihany mandra-paharingana ireny.
Fa iny nandositra teo anoloan’ny Israelita iny ry zareo, ka tonga teo am-pidinana avy ao Bety-Hôrôna, dia nandatsahan’ny TOMPO havandra vaventy avy tany an-danitra ambara-pahatongany tao Hazekà; ka be lavitra ny matin’ny havandra noho izay naripaky ny Israelita tamin’ny sabatra.
Azon’i Josoa tamin’izany andro izany koa ny tanàna Makedà, ka nasainy novonoina tamin’ny sabatra ny mpanjakany sady nasainy naringana avokoa ny olona rehetra tao ka tsy nisy niangana. Tahaka izay nataon’i Josoa tamin’ny mpanjakan’i Jerikao no nataony tamin’ny mpanjakan’i Makedà.
Dia nandeha nandritra ny alina avy tao Gilgala i Josoa sy ny tafiny ka namely tampoka an’ireo Amôrita.
Natolotry ny TOMPO teo an-tanan’ny Israelita ireo ka resiny, nenjehiny nianavaratra hatrany Sidôna tanàn-dehibe sy hatrany Misrefôta-Maîma ary hatrany amin’ny lohasahan’i Mitsepà any atsinanana. Nasian’ny Israelita ireo ka tsy nisy niangana.
i Gederôta, i Bety-Dagôna, i Nahamà, ary i Makedà; izany hoe tanàna 16 samy miampy ny tanàna kely miankina aminy.
midina miankandrefana ho any amin’ny sisin-tanin’ny Jafletita, mandalo an’i Bety-Hôrôna ambany sy i Gezera, ary mipaka amin’ny Ranomasina Mediteranea.
Izao kosa no velaran-tanin’ny Efraîmita ho an’ireo tarika ao anatiny: ny sisiny atsimo dia manomboka hatreo Hatarôta-Adara any atsinanana, tonga hatrany Bety-Hôrôna ambony
i Kibetsaîma, ary i Bety-Hôrôna: izany hoe tanàna efatra mbamin’ireo kijàna samy manodidina azy.
Tamin’izay no nataon’ny TOMPO nifanaritaka teo anoloany kosa i Siserà sy ny kalesiny mbamin’ny miaramilany rehetra. Niala tamin’ny kalesiny mihitsy aza i Siserà ka nandositra an-tongotra.
Nanenjika ireo kalesy sy ny andian-tafiky ny fahavalony hatrany Harôseta-Gôima i Baràka; dia naringany tamin’ny sabatra avokoa ny miaramilan’i Siserà ka tsy nisy niangana na iray aza.
Avy eny an-danitra eny no nandray anjara tamin’ny ady koa ny kintana, ka ny fihodinkodinana arahiny no niadiany tamin’i Siserà.
ny andiany faharoa ny mankany Bèty-Hôrôna, ary ny fahatelo ny mankany amin’ny sisin-tany dia ny lalana mandondona ny lohasahan’i Tsebôhima tandrifin’ny taniefitra.
Namory ny miaramilany hiatrika ady tao Sôkao any Joda ny Filistinina, ka nitoby tao Efesa-Damima anelanelan’i Sôkao sy Hazekà.