Nehemia 2:17 - Baiboly Katolika

Nony inona, dia hoy aho tamin’izy ireo: «Hitanareo ny toetra mahonena mahazo antsika, fa rava ity Jerosalema, ary levon’ny afo ny vavahady. Koa andeha hatsangantsika ny mandan’i Jerosalema, dia tsy ho fandatsa intsony isika.»

Baiboly Protestanta Malagasy 2011

Ary hoy aho tamin’izy ireo: Ianareo dia mahita ny fahoriantsika fa rava Jerosalema ary main’ny afo ny vavahadiny; koa andeha isika hanangana ny mandan’i Jerosalema mba tsy hahavoalatsa antsika intsony.

DIEM PROTESTANTA

Ary hoy aho taminy; –Hitanareo ny fahavoazana mihatra amintsika fa rava i Jerosalema ary kilan’ny afo ny vavahadiny. Koa andeha hanangana indray ny mandan’i Jerosalema isika mba tsy ho fandatsa intsony!

Dikateny Iombonana Eto Madagasikara

Ary hoy aho taminy; –Hitanareo ny fahavoazana mihatra amintsika fa rava i Jerosalema ary kilan’ny afo ny vavahadiny. Koa andeha hanangana indray ny mandan’i Jerosalema isika mba tsy ho fandatsa intsony!

Baiboly Protestanta Malagasy

Ary hoy izaho taminy: Hianareo mahita ny fahoriantsika, fa rava Jerosalema ary nodoran’ny afo ny vavahadiny; koa andeha isika hanangana ny màndan’i Jerosalema, mba tsy ho latsa intsony isika.

Malagasy Bible

Ary hoy izaho taminy: Hianareo mahita ny fahoriantsika , fa rava Jerosalema ary nodoran'ny afo ny vavahadiny; koa andeha isika hanangana ny mandan'i Jerosalema, mba tsy ho latsa intsony isika.

La Bible en Malgache

Ary hoy aho tamin’izy ireo: Ianareo dia mahita ny fahoriantsika fa rava Jerosalema ary main’ny afo ny vavahadiny; koa andeha isika hanangana ny mandan’i Jerosalema mba tsy hahavoalatsa antsika intsony.

Nehemia 2:17 Rohy Ifampitohizana

Ezra 9:9

Fa andevo izahay, nefa tsy nahafoy anay tao anatin’ny fahandevozanay ny Andriamanitray. Nitarika ireo mpanjakan’i Persa hanisy soa anay Izy hamelombelona ny ainay, mba hanaovanay ny tranon’Andriamanitray sy hamboaranay ny rava eo, dia hanomezany anay fonenana voafefy amin’i Jodà sy i Jerosalema.

Nehemia 1:3

Ka izao no navaliny ahy: «Lavina ny fahoriana sy latsa mahazo ny sisa afaka, dia izay nitsoaka tamin’ny fahababoana, any amin’ny ambanivohitra any; ny mandan’i Jerosalema voarodana, ny vavahadiny levon’ny afo.»

Nehemia 2:13

Mbola alina, dia nivoaka teo amin’ny vavahadin’ny Lohasaha aho, dia nandroso mankany amin’ny loharanon’ny Dragona sy ny vavahadin’ny Zezika; nozahako ny mandan’i Jerosalema efa rava sy ny vavahadiny efa levon’ny afo.

Nehemia 2:16

Tsy nisy nahalala izay nalehako na izay kendreko hatao ny andriambaventy. Fa hatramin’izay dia mbola tsy nisy nambarako tamin’ny Jody na inona na inona, na tamin’ny mpisorona, na tamin’ny lehibe, na tamin’ny andriambaventy, na tamin’ny hafa amin’ny vahoaka izay tsy maintsy manao ny asa.

Nehemia 3:15

I Seloma zanak’i Kôlkôzà, lehiben’ny faritanin’i Masfà, no namboatra ny vavahadin’ny Loharano; narafiny sy notafoany izy, dia nalatsany ny lela vavahady, mbamin’ny karetsaka sy ny barany; fanampin’izany koa nanao ny mandan’ny farihin’i Siloe, anilan’ny zaridainan’ny Mpanjaka izy, hatreo amin’ny ambaratonga midina avy any an-tanànan’i Davida.

Salamo 102:15

Satria lalain’ny mpanomponao ny vatony, nampangoraka ny fony hatramin’ny vovo-taniny.

Salamo 44:13

Ataonao varo-boba ny vahoakanao, fa tsy asianao vidiny ohatrinona akory.

Salamo 44:14

Ataonao fandàtsan’ny tany ama-monina izahay; dia faneso amam-panarabian’ny manodidina anay.

Salamo 79:12

Azerao impito eo an-tratran’ireo mifanila toerana aminay, ny fanaratsiana nafitsony Anao, Tompo ô!

Salamo 79:4

Tonga fandàtsan’ny mpifanakaiky aminay izahay, sady fihomehy amam-paneson’ny manodidina anay.

Jeremia 24:9

Hataoko zavatra mahatsiravina sy loza izy ireo, any amin’ny fanjakana rehetra amin’ny tany, ho fandatsa ho ambentinteny, ho fihomehezana, ho fanozonana, any amin’ny tany rehetra handroahako azy.

Fitomaniana 2:2

Noravan’ny Tompo, tsy nananany antra, ny fonenan’i Jakôba rehetra. Narodany tamin’ny hatezerany ny mandan’ny zanaka vavin’i Jodà. Nazerany amin’ny tany ireo; nohamavoiny ny fanjakana ama-mpanjaka.

Fitomaniana 3:51

Mampidi-pahoriana amin’ny fanahiko ny masoko, noho ny amin’ireto zanaka vavin’ny tananako rehetra.

Ezekiela 5:14

Hatolotro halàm-baraka sy hampahorina any amin’ny firenena manodidina anao ianao, eo imason’ny mpandalo rehetra.

Mika 7:11

Ho avy ny andro hananganana ny mandanao indray; amin’izany andro izany hofoanana ny didy.

1Samoela 11:2

Fa izao no navalin’i Naasy Amônita azy ireo: «Hifampiraharaha aminareo aho, raha manaiky ianareo ny hamotsirako tsirairay ny masonareo rehetra ankavanana, mba hanalako baraka an’i Israely rehetra.»