Nehemia 2:17 - DIEM PROTESTANTA

¹⁷ Ary hoy aho taminy; –Hitanareo ny fahavoazana mihatra amintsika fa rava i Jerosalema ary kilan’ny afo ny vavahadiny. Koa andeha hanangana indray ny mandan’i Jerosalema isika mba tsy ho fandatsa intsony!

Baiboly Protestanta Malagasy 2011

¹⁷ Ary hoy aho tamin’izy ireo: Ianareo dia mahita ny fahoriantsika fa rava Jerosalema ary main’ny afo ny vavahadiny; koa andeha isika hanangana ny mandan’i Jerosalema mba tsy hahavoalatsa antsika intsony.

Dikateny Iombonana Eto Madagasikara

¹⁷ Ary hoy aho taminy; –Hitanareo ny fahavoazana mihatra amintsika fa rava i Jerosalema ary kilan’ny afo ny vavahadiny. Koa andeha hanangana indray ny mandan’i Jerosalema isika mba tsy ho fandatsa intsony!

Baiboly Katolika

¹⁷ Nony inona, dia hoy aho tamin’izy ireo: «Hitanareo ny toetra mahonena mahazo antsika, fa rava ity Jerosalema, ary levon’ny afo ny vavahady. Koa andeha hatsangantsika ny mandan’i Jerosalema, dia tsy ho fandatsa intsony isika.»

Baiboly Protestanta Malagasy

¹⁷ Ary hoy izaho taminy: Hianareo mahita ny fahoriantsika, fa rava Jerosalema ary nodoran’ny afo ny vavahadiny; koa andeha isika hanangana ny màndan’i Jerosalema, mba tsy ho latsa intsony isika.

Malagasy Bible

¹⁷ Ary hoy izaho taminy: Hianareo mahita ny fahoriantsika , fa rava Jerosalema ary nodoran'ny afo ny vavahadiny; koa andeha isika hanangana ny mandan'i Jerosalema, mba tsy ho latsa intsony isika.

La Bible en Malgache

¹⁷ Ary hoy aho tamin’izy ireo: Ianareo dia mahita ny fahoriantsika fa rava Jerosalema ary main’ny afo ny vavahadiny; koa andeha isika hanangana ny mandan’i Jerosalema mba tsy hahavoalatsa antsika intsony.

Nehemia 2:17 Rohy Ifampitohizana

Ezra 9:9

Eny, ry Andriamanitray ô, nandevozina izahay nefa tsy nafoinao na dia izany aza. Notarihinao ny amperôran’i Persia hamindrafo aminay; ka namelombelomany ny ainay izany, nahazoanay nanao ny tranonao sy nanamboatra ny rava, ary nanomezany anay fonenana voaaro eto Jerosalema sy eran’i Joda.

Nehemia 1:3

Ka izao no navaliny ahy: –Ireo Jiosy tafaverina avy any an-tsesitany, ao amin’ny faritr’i Joda, dia mitondra latsa sy fahoriana be; ny mandan’i Jerosalema kosa voarodana, ary ny vavahadiny dia kilan’ny afo.

Nehemia 2:13

Nandeha alina aho ka nivoaka ilay vavahadin’ny Lohasaha dia nandroso nankany amin’ilay loharanon’ny Dragona ary nihazo ilay vavahadin’ny Fanariam-pako. Nozahako ny mandan’i Jerosalema efa rava sy ny vavahady efa levon’ny afo.

Nehemia 2:16

Tsy nahalala izay nalehako na izay nataoko ireo mpanapaka; fa, talohan’izao, dia tsy mbola nisy nilazako izany ireo Jiosy, na mpisorona na loholona na mpanapaka na olon-kafa mpiandraikitra ny asa.

Nehemia 3:15

Ny vavahadin’ny Loharano dia namboarin’i Salona zanakalahin’i Kôla-Hôze sady komandin’ny faritr’i Mitsepà: izy no nandrafitra ny nanafo izany ary nandatsaka ny lela-vavahadiny mbamin’ny hidiny sy barany; izy koa no namboatra ny manda manamorona ilay farihin’ny lakan-drano mankany amin’ny sahan’ny mpanjaka, ary tafapaka amin’ny ambaratonga midina avy any an-Tanànan’i Davida.

Salamo 102:15

Fa sitrakay mpanomponao i Tsiôna, na dia rava aza ny rari-vatony; ary mampangorakoraka anay izy, na dia voarodana zary vovotany aza.

Salamo 44:13

Ny vahoakanao ataonao varo-boba ka tsy ahazoanao tombony velively.

Salamo 44:14

Izahay ataonao fandatsan’ny vahoaka hafa izay mpifanila aminay, zary fanakora sy faneso ho an’ireo firenena manodidina anay;

Salamo 79:12

Tompo ô, mba valio impito heny amin’ireo firenena mifanila aminay ny fanalàm-baràka nataony Anao.

Salamo 79:4

Tonga fandatsan’ny vahoaka hafa izay mpifanila aminay izahay, zary fihomehezana sy faneso ho an’ireo firenena manodidina anay.

Jeremia 24:9

Hatolotro ho fampihorohoroana ny fanjakana rehetra eto an-tany izy; ka na aiza na aiza hanapariahako azy, dia ho ohatra fandatsana sy fanarabiana ary fanesoana sy fanozonana izy.

Fitomaniana 2:2

Naripaky ny Tompo tsy nisy indrafo avokoa ny fonenan’ireo taranak’i Jakôba. Noravany tam-pahavinirana ny tanànamimandan’i Joda. Nazerany amin’ny tany sy nalany baràka ny fanjakana sy ny mpitondrany.

Fitomaniana 3:51

Fijaliana ho ahy ny mahita izay manjo ny zazavavy rehetra ao an-tanànako.

Ezekiela 5:14

Ny mponin’ireo tany manodidina sy ireo mpandalo rehetra dia hahita fa nataoko tanàna lao sy fandatsa i Jerosalema.

Mika 7:11

Ho avy ny andro hananganana indray ny màndan’ny renivohitrao, ry Joda; ka amin’izany andro izany, dia hitarina lavitra kokoa ny faritry ny taninao.

1Samoela 11:2

Fa hoy ny navalin’i Nahasy azy: –Sitrako ny hanao fanekena aminareo raha toa ka hopotseriko avokoa ny masonareo ankavanana; fa ny hahafa-baràka an’i Israely manontolo mihitsy no tadiaviko.